Տարածաշրջան

Թուրքիայի ընդդիմադիր «Լավ» կուսակցության նախագահ Մերալ Աքշեները, կուսակցության խորհրդարանական խմբակցության ժողովում ելույթ ունենալիս, քննադատել է իշխանությունների քաղաքականությունն Ուկրաինայի հարցով։ Այս համատեքստում նաև անդրադարձել է Հայաստանին և հայկական թեմային վերաբերող հարցերի։ Այս մասին տեղեկացնում է ermenihaber.am-ը։

Թուրքիայի Ռադիոյի և հեռուստատեսության բարձրագույն խորհուրդը Ուկրաինայի վերաբերյալ հրապարակումներ իրականացնող լրատվամիջոցներին նախազգուշացրել է, որ լրատվության աղբյուրները լրագրության պահանջի համաձայն պետք է լինեն բաց և հստակ: 

Ուկրաինայում Ռուսաստանի կողմից սկսած ռազմական միջամտության համատեքստում Գերմանիան շնորհակալություն է հայտնել Թուրքիային Մոնտրոյի կոնվենցիայի դրույթները կատարելու համար: Այս մասին տեղեկացնում է ermenihaber.am-ը։

«Հուսով եմ, կհամաձայնեք, որ մեր աշխարհում շատ սրընթաց կերպով են իրադարձությունները զարգանում և փոփոխվում՝ ամեն օր, ամեն վայրկյան, և ըստ էության նույնիսկ նախկինում կարճաժամկետ թվացող ժամկետներն ու իրադարձություններն այժմ բավականին երկար են։ Երբ ժամկետները մոտենան, որոշում կկայացնենք»։

Իրանի Իսլամական Հանրապետության արդյունաբերության, հանքերի և առևտրի նախարար Ռեզա Ֆաթեմի Ամինը մարտի 3-ին կայցելի Երևան՝ քննարկելու երկու երկրների միջև առևտրային հարաբերությունների ընդլայնման հարցը:

Թուրքիայի նախագահ Ռեջեփ Թայիփ Էրդողանը Կոսովոյի պաշտոնակից Վյոսա Օսմանիի հետ հանդիպմանը հաջորդած ասուլիսի ընթացքում անդրադարձել է Եվրամիության ու ՆԱՏՕ-ի հետ Թուրքիայի հարաբերություններին:

Թուրքիայի նախագահի խոսնակ և գլխավոր խորհրդական Իբրահիմ Քալընը խոսել է ռուս-ուկրաինական հակամարտության, կողմերի բանակցությունների և ռուս-թուրքական անհամաձայնությունների մասին: Այս մասին տեղեկացնում է ermenihaber.am-ը։

Ուկրաինայում ընթացող ռազմական գործողություններին զուգահեռ հավաքական Արևմուտքը փաստացի համատարած տնտեսական պատերազմ է սկսել Ռուաստանի դեմ։ Այս մասին Տելեգրամում գրել է իրանագետ Վարդան Ոսկանյանը:

Քաղտեխնոլոգ Վիգեն Հակոբյանի դիտարկմամբ՝ Ռուսաստանի նկատմամբ հավաքական Արևմուտքի պատժամիջոցներն ավելի շատ PR-ի և հոգեբանական ճնշման նպատակ ունեն, որպեսզի ՌԴ բնակչությունը դժգոհություն արտահայտի վարվող քաղաքականության հանդեպ:

Ավելի վաղ հայտնի էր դարձել, որ Ուկրաինան խորհրդակցությունների համար հետ է կանչել Վրաստանում և Ղրղզստանում իր դեսպաններին: Այս մասին հայտնել էր Ուկրաինայի նախագահ Վլադիմիր Զելենսկին «Տելեգրամ»-ի իր էջում:

Վրաստանում Հայաստանի դեսպանությունից տեղեկացնում են, որ Վրաստանի միջգերատեսչական համակարգող խորհրդի որոշմամբ՝ 2022թ․ մարտի 1-ից փոփոխություններ են տեղի ունեցել Վրաստանի տարածք օդային, ցամաքային և ծովային ճանապարհով մուտք գործելու հետ կապված կարգավորումներում։

ԵՊՀ պատմության ֆակուլտետի դեկան, պատմաբան Էդիկ Մինասյանի խոսքով՝ որևէ մեկը խաղաղությանը դեմ չէ, սակայն առկա իրավիճակում իրատեսական չէ, որ այդ խաղաղությունը կլինի, քանի որ Ադրբեջանը շարունակում է իր հայատյացության քաղաքականությունը։

Թուրքական «Sözcü» թերթի սյունակագիր, տնտեսագետ Մուրադ Մուրաթօղլուն հոդված է հրապարակել, որտեղ անդրադարձել է Ռուսաստան-Ուկրաինա պատերազմի հետևանքով Թուրքիայի տնտեսությունում ծագած խնդիրներին:

«Ռուսաստանին չպետք է Ուկրաինայից վտանգ սպառնա ո՛չ ուղիղ ռազմական, ո՛չ քաղաքական, ո՛չ սոցիալ-տնտեսական առումով»,- այս մասին 168.am-ի հետ զրույցում ասաց ռուս քաղաքագետ, Հարավային Կովկասի հարցերով փորձագետ Անդրեյ Արեշևը՝ անդրադառնալով Ռուսաստանի հատուկ ռազմական օպերացիային Ուկրաինայի տարածքում:

ԱԺ «Պատիվ ունեմ» խմբակցության պատգամավոր Թագուհի Թովմասյանը տեղյակ է, որ Գեղարքունիքի մարզի Գեղամասար համայնքի բազմաթիվ գյուղեր ունեն ջրի խնդիր, քանի որ նախորդ տարվա մայիսի 12-ին թշնամին ներխուժելով ՀՀ տարածք, իր հսկողության տակ է վերցրել ջրերի ակունքները:

4,4 մագնիտուդով երկրաշարժ է տեղի ունեցել Ադրբեջանում, Վրաստանի հետ սահմանից 30 կիլոմետր հեռավորության վրա: Այդ մասին հաղորդվում է Սեյսմիկ մոնիթորինգի ազգային կենտրոնի կայքում: Ստորգետնյա ցնցումները գրանցվել են տեղական ժամանակով 14:34-ին:

Երթեւեկությունը, որը տանում է դեպի ռուս-վրացական սահման, վերականգնվել է բեռնատար ավտոմեքենաների համար: Այդ մասին ասվում է Վրաստանի տարածաշրջանների զարգացման նախարարության ավտոմոբիլային ճանապարհների դեպարտամենտի կայքում:

Թուրքիայի արտգործնախարար Մևլութ Չավուշօղլուն հայտարարել է, որ վաղը խորհրդարանին տեղեկություններ է հաղորդելու Ռուսաստան-Ուկրաինա հակամարտության վերաբերյալ։

Կիևը կապի մեջ է Անկարայի հետ՝ ավելի շատ Bayraktar անօդաչու սարքեր ձեռք բերելու համար։ Այս մասին հայտարարել է Մեծ Բրիտանիայում Ուկրաինայի դեսպան Վադիմ Պրիստայկոն։

Ակնհայտ է, որ եթե Ռուսաստանի դիրքերը թուլացան, ապա Հարավային Կովկասում ոմանք կարող են մտածել, որ առաջացել է ճիշտ ժամանակ՝ Ռուսաստանի դեմ երկրորդ՝ Կովկասյան ճակատ բացելու: Դա անելու է կա՛մ Էրդողանը, կա՛մ ՝ Ալիևը:

Թուրքիայի նախագահ Ռեջեփ Էրդողանը կրկին խոսել է ռուս-ուկրաինական հակամարտության հարցում Եվրոպայի ու ԱՄն-ի որդեգրած «անվճռական դիրքորոշումից»: Այս մասին տեղեկացնում է ermenihaber.am-ը։

 Թուրքիայի նախագահ Ռեջեփ Թայիփ Էրդողանը և Բելառուսի նախագահ Ալեքսանդր Լուկաշենկոն Ուկրաինայում տեղի ունեցող իրադարձությունների վերաբերյալ հեռախոսազրույց են ունեցել:

Բելառուսի և Թուրքիայի նախագահներ Ալեքսանդր Լուկաշենկոն եւ Ռեջեփ Թայիփ Էրդողանը քննարկել են Ուկրաինայում ստեղծված իրավիճակը։ Այս մասին տեղեկացնում է ermenihaber.am-ը։

Սումգայիթում և Բաքվում էթնիկ հողի վրա հայերի դեմ իրականացված կոտորածներն Ադրբեջանի իշխանությունների երկարամյա հակահայկական քարոզչության հետևանքն էին, որոնք հետագա տարիներին հայերի դեմ զանգվածային բռնությունների հիմք դարձան:

ԱՄՆ կոնգրեսական Բրեդ Շերմանը վստահ է, որ այնպիսի հանցանքները, ինչպես Սումգայիթում և Բաքվում հայերի դեմ իրականացված բռնություններն ու կոտորածներն էին, չպետք է չճանաչված մնան:

Վրաստանում հայտնաբերված կորոնավիրուսով վարակման դեպքերի թիվը վերջին օրվա ընթացքում ավելացել է 2465-ով: Մահացել է 25 մարդ։

Թուրքիայում գործող «Artıbir» հետազոտական ընկերությունը հրապարակել է թուրքական քաղաքական ուժերի վարկանիշը ցույց տվող վերջին սոցհարցման արդյունքները։

Իրանում վերջին 24 ժամում կորոնավիրուսից մահացել է 224 քաղաքացի, մահերի թիվն, այսպիսով` երկրում հասել է 136 հազար 390-ի:

Վրաստանի վարչապետ Իրակլի Ղարիբաշվիլին կառավարության պահուստային ֆոնդից 1 մլն լարի (շուրջ 318 հազար ԱՄՆ դոլար) կտրամադրի Ուկրաինայում ռազմական գործողությունների հետևանքով տուժած անձանց կարիքները հոգալու համար:

168.am-ի հետ զրույցում վրացի Վրաստանի Ռազմավարական վերլուծության կենտրոնի առաջատար վերլուծաբան, քաղաքագետ Գելա Վասաձեն ասաց, որ Հայաստանը Ռուսաստանի Դաշնության դաշնակիցն է, Ռուսաստանի ղեկավարած կառույցների անդամ, ու հասկանալի է, որ ՀՀ ղեկավարությունը պետք է փորձի առավելագույնն անել, որպեսզի շատ չներքաշվի այս ամենում: