Թուրքիայում արգելվել է քրդերեն թատերախաղի բեմադրումը
Շերմոլա թատերախումբը, որը քրդերեն պիեսներ և թատերախաղեր է ներկայացնում, հայտնում է, որ իրենց «Մեմ և Զին» պիեսն առանց որևէ հիմնավորման չեղարկվել է Թուրքիայի Ջիզրեի շրջանի նահանգապետարանի կողմից։
Այս մասին, ըստ ermenihaber.am-ի՝ թատերախումբը գրառում է արել Twitter-ում՝ նշելով, որ ներկայացումը կայանալու էր մարտի 12-ին՝ Ջիզրեի հայնքապետարանի մշակույթի կենտրոնում։
Նշվում է, «Մեմ և Զին» պիեսի համար օրեր է՝ ինչ սկսվել են նախապատրաստական աշխատանքները, տեղեկատվական գրքույկներ, հրավիրատոմսեր են բաժանվել Ջիզրեում։
Թատերախմբի հաղորդմամբ՝ ավելի վաղ հիշյալ պիեսը 13 անգամ բեմադրվել է Թուրքիայի հարավ-արևելյան քրդաբնակ շրջաններում (Բաթման, Դիարբեքիր, Ուրֆա, Քըզըլթեփե)։
