«Այս ասուլիսը տարբերվում էր մնացած բոլոր ասուլիսներից: Այս ասուլիսի ընթացքում Փաշինյանը բավականին լայն բացեց ներքաղաքական հարաբերություններում առկա խաղատախտակի հիմնական խաղացողներին: Այս անգամ Նիկոլ Փաշինյանն առավել քան բաց խաղաց, առավել քան բաց հայտնեց իր վախերը: Բայց, այնուամենայնիվ, պետք է ֆիքսել մի բան. այս ասուլիսի ժամանակ Փաշինյանը մանիպուլյացիայի բավականին մեծ վարպետության դաս արեց»,- 168.am-ի «Ռեվյու» հաղորդաշարի եթերում ասաց քաղաքագետ Նարեկ Սամսոնյանը:
Սահմանադրական դատարանի նախագահի տան խուզարկությամբ Հայաստանում դադարեց խորհրդարանական ընդդիմության գոյությունը, քանի որ այդ ընդդիմությունը չի օգտվում Սահմանադրությամբ իրեն տրված գործիքներից՝ իշխանությանը զսպելու, հարցեր ուղղելու և անհարմար դրության մեջ դնելու համար, չնայած դա ընդդիմության պարտավորությունն է։ Այս մասին այսօր 168 TV-ի «Ռեվյու» հաղորդաշարի եթերում ասաց Ռեֆորմիստների կուսակցության նախագահ Վահան Բաբայանը՝ ընդգծելով, որ այսօր փողոցում ցանկացած ակտիվիստ ավելի շատ գործ է անում, քան խորհրդարանում գտնվող ընդդիմությունը։
Փաշինյանն այսօր Կապանում հրավիրված ասուլիսում հաստատեց, որ, ինչպես և սեպտեմբերին, այսօր էլ որևէ նոր բան, որ կխոչընդոտեր Ամուլսարի ծրագիրը, բացի ճանապարհը փակողներից, չկա: Հետևաբար, ճանապարհները շարունակում են փակ մնալ ապօրինի, իսկ պետությունը, փաստորեն, որևէ քայլ չի ձեռնարկում այս ուղղությամբ, բացի ճանապարհը բացելու կոչից, որը, փաստենք, արդյունք չի տվել:
«Մենք ունենք մեր հստակ դիրքորոշումը, որը բազմիցս հայտարարել ենք թե՛ այդ կրակովյան հանդիպումներից հետո, թե՛ Մադրիդյան, թե՛ Քի Վեսթից, թե՛ հարյուրավոր նմանատիպ հանդիպումներից հետո»,- այս մասին մեզ հետ զրույցում ասաց Արցախի Հանրապետության նախագահ Բակո Սահակյանի մամուլի խոսնակ Դավիթ Բաբայանը՝ անդրադառնալով ՀՀ վարչապետ Նիկոլ Փաշինյանի ասուլիսի այն հատվածին, որում նա անդրադառնում է ՀՀ նախկին նախագահ Սերժ Սարգսյանի թողած ժառանգությանն Արցախյան հիմնահարցի կարգավորման գործընթացում։
Ես երբեք առերես որևէ հանդիպում չեմ ունեցել Նիկոլ Փաշինյանի հետ, որը եղել է տեսախցիկների տեսադաշտից դուրս։ Նրա պաշտոնավարման օրոք, բացառությամբ Ա. Ֆոսկուլեի հետ հանդիպման, երբեք չեմ եղել կառավարությունում կամ կառավարական ամառանոցում, իսկ Փաշինյանը երբեք չի եղել Սահմանադրական դատարանում, իմ աշխատասենյակում կամ որևէ այլ վայրում։
Դեռևս նախորդ տարվա սեպտեմբերին վարչապետ Նիկոլ Փաշինյանը ջերմուկցիներին կոչ արեց ապաշրջափակել Ամուլսար տանող ճանապարհը, որը տևական ժամանակ փակ է, սակայն վարչապետի կոչին որևէ մեկը չհետևեց:
Վարչապետ Նիկոլ Փաշինյանի խոսքով՝ ճիշտ չէ օգտագործել «հեղաշրջում» բառը, դրա փոխարեն ավելի ճիշտ է օգտագործել «ռևանշ» բառը: Նա փորձեց հերքել, թե ԱԽ քարտուղար Արմեն Գրիգորյանը իր խոսքում «հեղաշրջում» բառն է օգտագործել, սակայն, ինչպես հայտնի է՝ Ա. Գրիգորյանն ասել է՝ «հեղաշրջման փորձեր»:
«Գուցե Փաշինյանը Գյումրի ասելով՝ միայն մեկ թաղամաս նկատի ունի: Մի հատ պետք է հարցնել՝ Գյումրի ասելով՝ ի՞նչ նկատի ունես, գուցե միայն մեկ թաղամաս նկատի ունի: Այս կարգի ստորությո՞ւն: Դու ինչո՞ւ եք քո արածը մեծացնում, նախկինների արածը փոքրացնում: Ո՞նց կարող է այս 20-30 տարվա ընթացքում Գյումրիում ընդամենը 1200 ընտանիքի հարց լուծված լինել: Նման բան գոյություն չունի»:
Հրայր Թովմասյանի տան խուզարկությամբ Նիկոլը ոչ թե տրորեց կարմիր գիծը, այլ ամբողջովին ապականեց այն։ Վերջապես նա արեց իր այդքան տենչացած «աննախադեպը»՝ ինչպես հենց Հրայր Թովմասյանը նշեց, վերջին 200 և ավելի տարիների ընթացքում համաշխարհային պատմության մեջ դեպք չի եղել, որ հետապնդման ենթարկվի բարձրագույն դատական մարմնի ղեկավարը։
«Որևէ պետության մեջ մարդու իրավունքները պաշտպանվում են ոչ թե որևէ անձի կամքի շնորհիվ, որ, պայմանական ասած՝ բարի թագավորը մեր բոլորի իրավունքները կպաշտպանի, այլ պետական անկախ կառույցներով… Եվ երբ այդ պետական կառույցները չեն գործում, խոսել մարդու իրավունքների մասին՝ անիմաստ է»,- 168.am-ի «Ռեվյու» հաղորդաշարի եթերում ասաց Հայաստանի Հելսինկյան կոմիտեի նախագահ Ավետիք Իշխանյանը՝ անդրադառնալով առհասարակ Հայաստանում մարդու իրավունքների և, մասնավորապես, ՍԴ նախագահ Հրայր Թովմասյանի իրավունքների պաշտպանությանը:
Սա երկրի համար խայտառակություն եմ համարում: Եվ, եթե խոսքը վերաբերում է հատկապես փաստաբանին, այդ խայտառակությունը կրկնակի է: Փաստաբանը տարբեր գրագրություններ ունի իր վստահորդների հետ, որոնցից այժմ չի կարողանում օգտվել: Այստեղ նաև փաստաբանական գաղտնիքն է խախտվում, որովհետև անձանց համար հասու է եղել փաստաբան-վստահորդ գրագրությունը, որն օրենքով է պաշտպանվում: Այստեղ, իհարկե, ինձ համար անհասկանալի է, թե անձինք, ովքեր այդ միջամտությունն իրականացնում են, ի՞նչ դատողության տեր են:
Այն մեթոդաբանությունը, որն ընտրել է գործող իշխանությունը Սահմանադրական դատարանում փոփոխություններ անելու համար, ըստ իս, անընդունելի է։ Մենք մշտապես ասում էինք, որ իշխանությունը պետք է հենց սկզբից գնար սահմանադրական փոփոխությունների, որի արդյունքում էլ ինքնաբերաբար կփոխվեր Սահմանադրական դատարանի կազմը, բայց այդպես չեղավ։ Այսօր 168 TV-ի «Ռեվյու» հաղորդաշարի եթերում ասաց հասարակական գործիչ Հովսեփ Խուրշուդյանը։
Պարտադիր սպանդանոցային մորթի մասին վարչապետի վերջնագիրն անասնապահներին չի գոհացրել: Կառավարության որոշմամբ՝ ամբողջ Հայաստանում հունվարի 15-ից անասունները պետք է մորթվեին սպանդանոցներում, բակերում կարող էին մորթել միայն մատաղի համար նախատեսված կենդանիներին: Որոշումը, որն ուժի մեջ պետք է մտած լիներ դեռ 2018-ի ամռանը, խստացվեց անցյալ տարեվերջին, հունվարի 14-15-ին դժգոհության մեծ ալիք բարձրացավ, անգամ փակվեցին դեպի մարզեր տանող ճանապարհները:
«Ի վերջո, երկար տարիներից հետո, իրադարձությունների զարգացման բերումով, ինչ-որ տեղ՝ նաև պատահական, մենք հիմա ունենք ՍԴ, որը ենթակա չէ քաղաքական իշխանությանը: Միայն այս հանգամանքը բավարար էր, որպեսզի այս հեղափոխության լիդերները համարեին, որ իրենք ինչ-որ բան արել են այս պետության համար, բայց չկա այդ գիտակցությունը»,- ասաց Երվանդ Վարոսյանը:
ՀՀ վարչապետ Նիկոլ Փաշինյանի որոշմամբ՝ զբաղեցրած պաշտոնից ազատվել է ՀՀ Էկոնոմիկայի նախարարի տեղակալ Արտակ Քամալյանը:
Բժշկագիտությունն ապացուցել է՝ մարտական բոլոր գործողություններն ունեն իրենց սանիտարական կորուստների տոկոսը, որի մեջ մտնում են նաև անդառնալի կորուստները: Եվ՛ արցախյան պատերազմը, և՛ 2016-ի ապրիլյան ռազմական գործողությունները ցույց տվեցին, որ հայկական ռազմական բժշկությունն այնպիսի զարգացում է ապրել, որ կայացված որոշումները, անգամ պահի տակ՝ երբեմն չգիտակցված, եղել են ճիշտ, ինչի արդյունքում քիչ կորուստներ ենք ունեցել:
«Նախ ուզում եմ բոլորիցդ շնորհակալություն հայտնել, որ համակ ուշադրությամբ եք հետևում այս պրոցեսներին: Այս պրոցեսի հանրային վերահսկողությունն ինձ համար շատ կարևոր է: Ուզում եմ երկու բանի շատ կարճ անդրադառնալ: Երկու-երեք անգամ ես հրավիրվել եմ հարցաքննության, և այսօր տանն են ինչ-որ քննչական գործողություններ կատարել: Իմ խնդրանքը, միջնորդությունը, հորդորը եղել է մեկը, որ այդ ամբողջը տեսաձայնագրվի, որովհետև ես ձեզ ուղղակի վստահեցնում եմ, որ այն, ինչ այսօր կատարվում է, այսօրով չի ավարտվելու: Իրոք, ցավ եմ ապրում դրա համար: Դրանք նոր քրեական գործերի հիմք են դառնալու, և այդ ժամանակ այդ ապացուցողական բազան, թե ով ի՞նչ ասաց, ինչո՞ւ ասաց, ո՞նց վարվեց, չի լինելու»:
ԱԺ աշխատակազմի ղեկավարի նախկին տեղակալ, իրավապաշտպան Արսեն Բաբայանը 168TV-ի «Ռեվյու» հաղորդման ընթացքում խոսեց Հրայր Թովմասյանի բնակարանում անցկացվող խուզարկության, ՍԴ շուրջ ստեղծված իրավիճակի, Հրայր Թովմասյանի նկատմամբ ճնշումների և այլ հարցերի շուրջ:
ՍԴ նախագահ Հրայր Թովմասյանը իր բնակարանում տեղի ունեցած խուզարկությունից հետո հանդիպեց լրագրողների հետ: Նրա խոսքով՝ ինքը քննչական բոլոր գործողությունների ժամանակ միջնորդել է, որպեսզի տեսաձայնագրվեն բոլոր գործողությունները, սակայն դրանք մերժվել են: Նրա խոսքով՝ ՍԴ-ի դեմ կատարվող գործողությունները, ըստ նրա՝ մեկ նպատակ ունեն. «Օրվա իշխանությունը խնդիր ունի արագ ձերբազատվել ինձնից՝ որպես ՍԴ նախագահի»:
168.am-ի «Ռեվյու» հաղորդաշարին տված հարցազրույցում փաստաբան Երվանդ Վարոսյանն անդրադարձել է ՍԴ նախագահ Հրայր Թովմասյանի շուրջ տեղի ունեցող իրադարձություններին:
Քիչ առաջ ՍԴ Հրայր Թովմասյանի պաշտպան Ամրամ Մակինյանը հայտարարեց, որ քննիչներն ավարտել են ՀՀ Սահմանադրական դատարանի նախագահ Հրայր Թովմասյանի բնակարանի խուզարկությունը. այնտեղից ոչինչ չի հայտնաբերվել: Նրա խոսքով՝ քննիչները փաստաթուղթ էին փնտրում, ինչը չեն հայտնաբերել ՍԴ նախագահի բնակարանում:
Ամրամ Մակինյանը տեսանյութ է տարածել Հրայր Թովմասյանի բնակարանից՝ գրելով. «ՀՔԾ պարզաբանման մասով, թե իբր ես ապատեղեկատվություն եմ տարածում…»:
ՀՔԾ-ն խուզարկություն է իրականացնում ՍԴ նախագահ Հրայր Թովմասյանի բնակարանում. ՈւՂԻՂ
«Հրատապ. Այս պահին Սահմանադրական դատարանի նախագահ Հրայր Թովմասյանի բնակարանում Հատուկ քննչական ծառայությունն իրականացնում է խուզարկություն։ Խուզարկության ավարտից հետո Սահմանադրական դատարանի նախագահի փաստաբանական թիմը հանդես կգա հայտարարությամբ»։
Երեկ Նիկոլ Փաշինյանը հերթական «լայվում» փորձում էր արդարացնել Ամանորին պետական բյուջեի հաշվին կատարված ճոխ ծախսերը։ Խոսքը 271 մլն դրամի մասին է, չհաշված, որ 326 մլն դրամ էլ հատկացրել էր Երևանի քաղաքապետարանը։
168TV-ի՝ Սաթիկի Սեյրանյանի հեղինակային «Պրեսսինգ» հաղորդաշարի այսօրվա հյուրը ԱԺ մարդու իրավունքների հարցերով մշտական հանձնաժողովի նախագահ Նաիրա Զոհրաբյանն է:
ԱԺ «Լուսավոր Հայաստան» խմբակցության պատգամավոր Տարոն Սիմոնյանը 168TV-ի «Ռեվյու» հաղորդման ժամանակ ասաց, որ ընդդիմություն և իշխանություն հարաբերություններում սրումներ լինում են. «Բոլոր երկրներում է այդպես: Շատ լավ է, որ դա դուրս չի գալիս թույլատրելի սահմաններից: Եթե հանկարծ որևէ մեկը ատելության խոսք տարածի, դա քրեորեն հետապնդելի արարք է, և չի կարելի, որ հատկապես քաղաքական գործիչները նպաստեն ատելության խոսքին: Մեր կողմից նման վարքագիծ երբեք չի դրսևորվել, հակառակը՝ մենք մեր գործընկերներին հորդորում ենք, որ այն համեմատությունները, այն խոսքերը, որոնք սոցիալական ցանցերում արտահայտվում են իրենց քաղաքական գործիչների կողմից, հանկարծ թույլատրելիի սահմանը չգերազանցեն: Հակառակ դեպքում՝ ստիպված մենք էլ պետք է դրանց արձագանքենք»:
Անվտանգության խորհրդի քարտուղար Արմեն Գրիգորյանի՝ պետական հեղաշրջման փորձերի մասին հայտարարությունները վկայում են այն մասին, որ օրվա իշխանության ամբողջ քաղաքական էներգիան ուղղված է անցյալը հրեշացնելու, ամեն ինչ ջնջելու և անընդհատ ներքին թշնամիներ փնտրելու գործին։ Այս մասին 168 TV-ի «Ռեվյու» հաղորդաշարի եթերում ասաց ՀՅԴ Հայաստանի Գերագույն մարմնի անդամ Լիլիթ Գալստյանը։
Լիովին ակնհայտ է, որ Պուտինը չի պատրաստվում որևէ տեղ հեռանալ: Ինձ թվում է, որ 2008-2009 թվականների իրադարձությունները սովորեցրին Պուտինին, որ նույնիսկ այնպիսի կերպարը, ինչպիսին Դմիտրի Անատոլևիչ Մեդվեդևն էր, 100%-անոց երաշխիք չէ ցնցումներից և ալիքներից իշխանության վերադարձման ճանապարհին, քանի որ նույնիսկ Մեդվեդևի օրոք որոշակի ինտրիգ առաջացավ, որքան էլ որ դա ծիծաղելի է հնչում: Սա նշանակում է, որ վարչապետի պաշտոնի զբաղեցումը կրկին անհուսալի է դիտարկվում, և որքան տեսնում ենք՝ մեր ընկերների փորձը ևս շատ ուսանելի է:
168TV-ի՝ Սաթիկի Սեյրանյանի հեղինակային «Պրեսսինգ» հաղորդաշարի այսօրվա հյուրը ԱԺ մարդու իրավունքների հարցերով մշտական հանձնաժողովի նախագահ Նաիրա Զոհրաբյանն է: Հարցազրույցն ամբողջությամբ կարող եք դիտել ժամը 22:00-ին:
