Խմբագրի ընտրանի

«Խաղաղ բնակիչների շրջանում տուժածներ չկան». Այսօր լրագրողների հետ զրույցում ասաց Տավուշի Բերդ խոշորացված համայնքի Այգեպար բնակավայրի վարչական ղեկավար Մկրտիչ Յամուկյանը:

168.am-ի հետ զրույցում ԵՊՀ իրանագիտութան ամբիոնի վարիչ, իրանագետ Վարդան Ոսկանյանն անդրադառնալով հայ-ադրբեջանական սահմանին տեղի ունեցող ռազմական գործողությունների վերաբերյալ իրանական տեսակետին՝ նշեց, որ կան բավականին հետաքրքիր զարգացումներ։

ԱԺ «Իմ քայլը» խմբակցության պատգամավոր Արուսյակ Ջուլհակյանը երեկ լրատվամիջոցներից մեկի հետ զրույցում անդրադառնալով հայ-ադրբեջանական սահմանում լայնածավալ գործողությունների ընթացքում կառավարության հրաժարականը պահանջող երեք ուժերին (ԲՀԿ, ՀՅԴ և «Հայրենիք» կուսակցություն)՝ նշել էր, որ Կառավարության հրաժարական կարող են պահանջել միայն ՀՀ քաղաքացիները, բայց ոչ՝ այդ երեք ուժերը:

Գեղարքունիքի մարզի Ճամբարակ համայնքում այսօր՝ հուլիսի 17-ին, զինվորական կարգով տեղի ունեցավ հայ-ադրբեջանական պետական սահմանագոտու հյուսիսային հատվածում հուլիսի 14-ին հակառակորդի արձակած կրակից մահացու վիրավորում ստացած ժամկետային զինծառայող, 20-ամյա Սմբատ Գաբրիելյանի հուղարկավորության արարողությունը:

«Գուցե լինեն որոշակի լարվածություններ՝ կրակոցների տեսքով, սակայն ռազմական գործողություններ՝ որպես այդպիսին, բացառում եմ։  Չմոռանանք, որ Նախիջևանը որոշակի պայմանագրերով գտնվում է Թուրքիայի տիրույթում։ Եթե Նախիջևանի ճակատում իրականացվի որոշակի ռազմական գործողություն, ապա միանշանակ կդիտարկվի, որ այդ ռազմական գործողություններն իրականացնում է Թուրքիան, որքան էլ այն իրականացնի Նախիջևանի կայազորը։ Թուրքիան նման քայլի չի գնա, քանի որ խնդիր է ունենալու նաև Ռուսաստանի և Իրանի հետ, որոնք տարածաշրջանում մեծ հետաքրքրություն ունեն։ Այնպես որ, ես բացառում եմ այս շրջանում նմանատիպ զարգացումներ»,- նշեց փորձագետը։

Հայաստանում հուլիսի դրությամբ հաստատվել է կորոնավիրուսով վարակման 442 նոր դեպք, վարակվածների ընդհանուր թիվը հասել է 33559-ի:

Այսօր արդեն մտահոգիչ պատկեր է թե՛ մեկում, և թե՛ մյուսում։ 2 դեպքում էլ ակտիվություն չկա։ Կտրուկ նվազել են՝ ինչպես շինարարության տեմպերը, այնպես էլ՝ բնակարանային գործարքները։ Դա ուղեկցվում է նաև գների անկմամբ, ինչը նշանակում է, որ կառուցապատողներին լավ օրեր չեն սպասվում։

«Ադրբեջանում իրավիճակը շատ անկայուն է: Ադրբեջանն իր գործողությունների հետևանքով հայտնվել է իր համար անհարմար ծուղակի մեջ, և այդ ծուղակից դուրս գալու համար պետք է փորձի գտնել հնարավորություն՝ գոնե ինչ-որ մի բան վնասել և ուռճացրած տարբերակով ներկայացնելով՝ փորձել հանգստացնել հանրությանը: Դա անելով արցախյան հակամարտության  գոտում՝ այդքան բացատրելի չէր լինի, իսկ Հայաստանի դեպքում միջազգային սահմաններ են, լուրջ բախում է համարվում, նույնիսկ չնչին մարդկային կորուստների պարագայում: Հետևաբար՝ խաբելով իր ժողովրդին, որ՝ հայերը հարձակվել են Ադրբեջանի վրա, թեժ ճակատամարտ է գնում, սա պատերազմ է, և հայտարարի երկրում պատերազմական իրավիճակ, ինչն Ալիևին թույլ կտա բանակը դուրս բերել փողոց և ճնշել ընդդիմադիր զանգվածին»,- 168TV-ի «Ռեվյու» հաղորդման ընթացքում ասաց նա:

Անդրադառնալով Հայաստան-Ադրբեջան սահմանին ընթացող մարտական գործողություններին աշխարհի արձագանքին՝ Սարգսյանը նշեց, որ բոլոր պետություններն էլ Ադրբեջանի և Թուրքիայի հետ ունեն իրենց շահերը, և հայտարարություններ անելիս, բնականաբար, կարևորել են իրենց շահերը։

Այս երկու տարիների ընթացքում մեր արտաքին քաղաքականության դաշտում գործող իշխանությունների մոտ «մտածել» ֆունկցիայի կոճակն անջատած է, չի գործում այդ ֆունկցիան, կա անընդհատ «խոսելու» ֆունկցիա, բայց չկա մտածելու, ռիսկեր գնահատելու, խնդիրները հասկանալու ֆունկցիա: ՀՀ իշխանությունների վարած քաղաքականությանը, այդ թվում՝ արտաքին քաղաքականությանն անդրադառնալով՝ Սաթիկ Սեյրանյանի հետ «Պրեսսինգ» հաղորդաշարում զրույցի ընթացքում ասել է ԱԺ նախկին պատգամավոր, վերլուծաբան Կարեն Բեքարյանը:

Հայաստանում արտակարգ դրությամբ պայմանավորված՝ ոստիկանության աշխատակիցները վերջերս ուժեղացված ծառայություն էին իրականացրել Սևանի ափամերձ հատվածներում, զգուշացրել, որ հանգստի մեկնողները պահպանեն սոցիալական հեռավորություն և կրեն դիմակ:

«Այս օրերին, երբ բոլորիս ուշադրությունը սևեռված է սահմանին, հայ զինվորին, փորձում ենք միաբանման, բռունցքվելու, բոլորի ուժերը մեկտեղելու և հանուն Հայաստանի Հանրապետության գործելու կոչերով հանդես գալ, նվազեցնել իշխանություններին ուղղված քննադատությունը, մինչդեռ հատկապես Ֆեյսբուքում նկատելի են, առանձին օգտատերերի, պսևդո-լրատվամիջոցների կողմից անընդհատ շրջանառվում են որոշակի նյութեր, տեսանյութեր այն մասին, որ նախկինում բանակը թալանվել է, հիմա չի թալանվում, նախկինում մեր գեներալները դիրքեր են վաճառել, համագործակցել են ադրբեջանցիների հետ: Սա շատ մտահոգիչ է»,- 168.am-ի «Ռեվյու» հաղորդաշարի հերթական թողարկման ընթացքում ասաց փաստաբան Վահե Եփրիկյանը:

Նախիջևանի հարցը շատ բարդ հարց է, այսինքն՝ այն միայն Ադրբեջանի պրոտեկտորատ չի, այլ 100 տարուց ավելի՝ նաև Թուրքիայի: 168.am-ի հետ զրույցում հիշեցրեց Արցախի հերոս, գեներալ-լեյտենանտ Արշավիր Ղարամյանը՝ պատասխանելով մեր դիտարկմանը, թե Նախիջևանի հատվածում հնարավոր է՝ Թուրքիան  սադրիչ գործողություններ հրահրի՝ հաշվի առնելով վերջին օրերին Տավուշի ուղղությամբ ծավալվող գործողություններին թուրքական արձագանքը:

Գեղարքունիքի մարզի Ճամբարակ համայնքում այսօր տեղի ունեցավ հայ-ադրբեջանական պետական սահմանագոտու հյուսիսային հատվածում հուլիսի 14-ին հակառակորդի արձակած կրակից մահացու վիրավորում ստացած ժամկետային զինծառայող, կրտսեր սերժանտ Սմբատ Գևորգի Գաբրիելյանի հոգեհանգստի արարողությունը, որի մարմինը զինվորականների ուղեկցությամբ բերեցին հայրենի գյուղ:

«Փաշինյանն ասում էր, որ օպերատիվ կապ է գործում։ Իսկ ինչո՞ւ՝ երբ այդ հակամարտությունը ծագեց, չզանգեցին միմյանց այդ կապով, չկարգավորեցին իրավիճակը միայն մեկ զանգով։ Փաշինյանը  մեկ անգամ չէ գովել Ալիևին, նրան ասել դաստիարակված և կիրթ անձ, որ, երբ Փաշինյանը նրա հետ շփվում է, որևէ խնդիր չկա, և այդ թեժ կապն ինչո՞ւ չգործեց»։

Ադրբեջանական ԶՈւ-երի հարվածային ԱԹՍ-ը հարվածել է ԱԻՆ մեքենային, զոհեր չկան։ Մանրամասները ճշտվում են։ Այս մասին տեղեկացնում է Արծրուն Հովհաննիսյանը։

«Այսինքն՝ առաջին հերթին՝ հակամարտություն հիմնական արտաքին խաղացողների միջև, վերջին լուրջ բախումների դեպքում կար հակամարտություն Ռուսաստանի և Թուրքիայի միջև, ներկայումս նման բան չկա, երկրորդ՝ չկան լուրջ ներքին ճգնաժամեր ոչ Հայաստանում, ոչ Ադրբեջանում, այսինքն՝ չկա մի իրավիճակ, որից կարելի է օգտվել և դրական մի բան քաղել պատերազմով։ Ուստի հետագա ռազմականացման համար հիմքեր չեմ տեսնում»,- ասաց Սկակովը։

Այսօր հակառակորդի մարտական անօդաչուի հարվածից վիրավորվել է Չինարի գյուղի բնակիչ Արամայիս Հովակիմյանը։ Այս մասին տեղեկացնում է Արծրուն Հովհաննիսյանը։

Իջևանում` ճգնաժամային տեղեկատվական կենտրոնում,  ՊՆ Վ. Սարգսյանի անվան ռազմական համալսարանի հրամանատարաշտաբային ֆակուլտետի պետ, ռազմական վերլուծաբան Արծրուն Հովհաննիսյանը հայտարարեց, որ մարտական գործողություններն այս օրերին ընթանում են խառը մարտավարությամբ: Այսինքն՝ հրթիռահրետանային կամ ԱԹՍ-ի հարվածներին զուգահեռ՝ ընթացել են նաև ցամաքային զորքերի այլ բնույթի հարձակողական գործողություններ:

ՀՀ ՊՆ խոսնակ Շուշան Ստեփանյանը ֆեյսբուքյան իր էջում գրում է․ «Ադրբեջանի զինված ուժերի կողմից կրակի դադարեցման և համապատասխան բարենպաստ պայմանների ստեղծման պարագայում հայկական կողմը պատրաստ է թույլատրել ադրբեջանական զոհերի և վիրավորների հայտնաբերումն ու տարհանումը մարտադաշտից»:

ԱԺ «Իմ քայլը» խմբակցության պատգամավոր Միքայել Զոլյանի խոսքով՝ վերջին օրերին հայկական բանակի գործողությունների հետևանքով բոլորի համար ակնհայտ է ադրբեջանական կողմի պարտությունը:

Հայաստանի պաշտպանության  նախկին նախարար, գեներալ-լեյտենանտ Վաղարշակ Հարությունյանի դիտարկմամբ՝ Ադրբեջանն այսօր իր առջև խնդիր է դրել՝ Ղարաբաղի հարցը լուծել ոչ թե՝ բանակցային գործընթացի միջոցով, այլ գնալ ռազմական ճանապարհով:

«Ադրբեջանական կողմը հրետակոծել է Մովսես, Այգեպար, Չինարի, Ներքին Կարմիրաղբյուր գյուղերը». ՀՀ վարչապետ

«Այս գիշեր ժամը 03:40-ի սահմաններում Ադրբեջանի զինված ուժերի հատուկ նշանակության ջոկատներն ավելի քան 100 հոգի կազմով հերթական դիվերսիոն հարձակումն են գործել ՀՀ ԶՈՒ Տավուշի մարզի սահմանապահ, «Անվախ» կոչվող սահմանապահ դիրքը գրավելու նպատակով: Դիրքը գտնվում է Տավուշի մարզի Մովսես, Այգեպար գյուղերի ուղղությամբ, և հենց այս դիրքի շրջանում են զարգանում վերջին օրերի իրադարձությունները: Հայոց բանակի դիրքապահները նկատել են հակառակորդի շարժը և անցնելով շրջանաձև պաշտպանության՝ կանխել են դիվերսիոն ներթափանցման փորձը»,- այսօրվա կառավարության նիստի մեկնարկին ասաց վարչապետ Նիկոլ  Փաշինյանը:

Հայաստանում հուլիսի 16-ին՝ ժամը 11:00-ի դրությամբ նոր կորոնավիրուսով վարակվելու 554 նոր դեպք է գրանցվել:

ԱՄՆ պետքարտուղար Մայք Պոմպեոն մամուլի ասուլիսի ժամանակ անդրադարձել է հայ-ադրբեջանական սահմանային լարվածությանը՝ ընդգծելով, որ Միացյալ Նահանգները «խորապես անհանգստացած» է սահմանին տեղի ունեցող մահացու բռնությամբ:

Թեժ մարտից հետո հակառակորդը, կորուստներ կրելով, հետ է շպրտվել։

Հայաստանի բնակչության մի ստվար հատվածի եկամուտներն ուղղակիորեն կապված են արտաքին տրանսֆերտների հետ։ Մարդիկ դրսից գումարներ են ստանում՝ իրենց կենցաղային հարցերը լուծելու համար։

«Այդ բանակցությունները՝ բանակցությունների համար, ձեռնտու են նաև Ալիևին, այլ հարց է, թե ինչ է ասում նա իր հասարակությանն այդ հարցի վերաբերյալ: Ալիևը կա՛մ կփորձի ավելի թեժացնել իրավիճակը, կա՛մ կասի՝ եկեք նոր էջից սկսենք բանակցությունները, որովհետև այսպես հնարավոր չէ, կորուստներ ենք կրում, և այլն: Այսինքն՝ դա կախված է շատ գործոններից, և քանի որ մենք չենք տեսնում՝ ինչ է կատարվում Ադրբեջանի ներսում, հիմա ես դժվարանում եմ կանխատեսել, թե Ալիևն ինչ քայլերի կդիմի: Բայց նա հնարավորություն ունի օգտագործել այս իրավիճակը, ինչպես նաև հայկական կողմը՝ մենք էլ կարող ենք դա մեր շահերին ծառայեցնել հենց բուն բանակցային պրոցեսում»,- 168TV-ի «Ռեվյու» հաղորդման ընթացքում ասաց նա:

«Եթե կարող է թուրքական սահմանը պահել 102 ռազմաբազան, ապա պետք է պահի, և ես չեմ բացառում, որ  հիմա Նախիջևանի կողմից էլ զարգացում լինի։ Իհարկե, Տավուշում մի քիչ լարվածությունը կնստի, բայց սա մի տեղից տրաքելու է՝ Նախիջևանի՞, Արցախի՞, թե՞ մեր սահմանի երկայնքով՝ չեմ կարող ասել, բայց որ տրաքելու է, այդպես է լինելու, հաստատ է։ Պետք է ևս մեկ անգամ հասկանանք, որ թուրքը չի փոխվել, ու նրա դեմ դու պետք է ունենաս ուժեղ բանակ»,- ասաց Գևորգյանը։