Խմբագրի ընտրանի

Կառավարության վերջին նիստում ՀՀ վարչապետ Նիկոլ Փաշինյանի կողմից Սահմանադրական դատարանի դատավորի պաշտոնում Վահրամ Ավետիսյանի թեկնածության առաջադրումը փոթորիկ է առաջացրել իշխանության ներսում։ Արդեն մի քանի օր է՝ սոցցանցում ու պրոիշխանական որոշ լրատվամիջոցներում արշավ է սկսվել Փաշինյանի առաջադրած թեկնածուի դեմ, որում հիշատակվում է նախկին իշխանության հետ նրա հոր կապը, ակնարկներ են հնչում «կոռուպցիոն անցյալի» մասին, անգամ անձնական կյանքին վերաբերող որոշ դրվագներ են հանրայնացվել։

Հայաստանում հուլիսի 29-ին հաստատվել է կորոնավիրուսային հիվանդության ընդհանուր 37937 դեպք, որոնցից 27824-ն` առողջացած:

Տնտեսական ակտիվությունը նվազում է, իսկ պետական հատվածում աշխատավարձերն ավելանում են։ Հասկանալի է, պարգևավճարների հաշվին։ Դա տեղի է ունեցել այն պարագայում, երբ տնտեսության մեջ զբավածների դեպքում ունենք աշխատավարձերի նվազում։ Այլ կերպ, տնտեսության մեջ ընթացող պրոցեսների բացասական դրսևորումներն անմիջականորեն կրում են ոլորտում զբաղվածները։ Փոխարենը՝ պետական պաշտոնյաները շարունակում են վայելել իրենց պարգևավճարները։

Ա. Կիվիրյանի խոսքով՝ այս պահին Ռուսաստանը ձեռնարկում է գործողություններ, որպեսզի չեզոքացնի լայնածավալ պատերազմի վտանգը. «Ռուսաստանի շահերից չի բխում, որ իր սահմանի վրա, երբ ինքն ունի խնդիրներ տարբեր տարածաշրջաններում, ստանա ևս մեկ թեժ կետ: Վերջին օրերին իր ողջ գործողությունները վկայում են այն մասին, որ ՌԴ ղեկավարությունը փորձում է տարբեր պետությունների ղեկավարությունների հետ կոնտակտի մեջ մտնելով՝ հասկացնել, որ ինքը թույլ չի տա այստեղ լայնածավալ գործողություններ»:

«Դա մոբիլիզացված բանակ է և կարող է ամեն պահի զորավարժություններից անցնել բուն մարտական գործողությունների, և եթե դու առաջնագծում ունես թշնամու կուտակումներ, այն էլ՝ տեխնիկայով զինված, առնվազն պետք է չափազանց զգույշ լինել և հետևել, որպեսզի իրավիճակը դուրս չգա զորավարժությունից»,- 168TV-ի «Ռեվյու» հաղորդման ընթացքում այս մասին ասաց «Ոսկանապատ» վերլուծական կենտրոնի ղեկավար, քաղաքագետ Հրանտ Մելիք-Շահնազարյանը:

Սևանա լճի խնդիրն ունի հրատապ լուծման կարիք, որովհետև  այն, ինչ կատարվում է այսօր լճում, վաղը կարող է բերել մի կետի, երբ կունենանք անդառնալի իրավիճակ, որին հասնելուց հետո անգամ միլիարդավոր դոլարների ծախսման պարագայում էլ չենք կարողանալու փրկել Սևանա լիճը։ Այսօր 168.am-ի «Ռեվյու» հաղորդաշարի եթերում ասաց «Կանաչ ապագա» բնապահպանական շարժման ղեկավար, կենսաբանական գիտությունների թեկնածու Վահագն Վարագյանը։

«Ու կապ չունի գործից կհեռացվեք, թե՛ ինքնակամ հրաժարական կտաք, կփախնեք ԱՄՆ, թե՛ Կանադա, բոլորդ պատասխան եք տալու՝ սեփական մաշկի վրա զգալով, որ հա՛մ պետություն կա, հա՛մ էլ՝ Աստված»:

Կովկասում Թուրքիան ունի ազդեցություն, Ռուսաստանը՝ ևս, բայց նրանք դեռ գործում են ոչ թե առճակատման, այլ համագործակցության ռեժիմում։ Թուրքիայի նախագահն այդ զանգով փորձում է հիշեցնել տարածաշրջանում Ադրբեջանի միջոցով իր ներկայության մասին, «մեկ ազգ, երկու պետություն» կարգախոսի տրամաբանությամբ է փորձում գործել Թուրքիան, իսկ Ռուսաստանը, չցանկանալով որևէ բախում Արցախյան հակամարտության գոտում, փորձում է հանդես գալ՝ որպես հավասարակշռող ուժ, և դատելով հաղորդագրության բովանդակությունից, ՌԴ-ն նշել է հակամարտության կարգավորման կարևոր ասպեկտները, որ այն չունի ռազմական լուծում, ինչն ուղերձ էր նաև Էրդողանին։

168.am-ի հետ զրույցում նա նշեց, որ առաջին հերթին պետք է հասկանալ` ինչ օրակարգի շուրջ են միջնորդներն առաջարկում բանակցային սեղանի վերադարձը, իսկ թե ինչ օրակարգային հարցեր պետք է ներառվեն, մանրամասնեց. «Օրակարգային հարցերը պետք է վերաբերեն Վիեննայում ձեռք բերված պայմանավորվածությանը, որը ենթադրում էր առաջնագծում հետաքննությունների մեխանիզմի ներդրման գաղափարը, ինչպես նաև՝ ԵԱՀԿ գործող նախագահողի գրասենյակի ընդլայնում, ինչը հնարավորություն էր տալու տեղում՝ սահմանին, մոնիտորինգի առավել հաճախակի անցկացում, ինչպես նաև՝ որոշակի դեպքերում նաև քննարկման մեջ էր նրան շատ ավելի մեծ իրավասությունների տրամադրումը»:

Արարատի մարզի Նորամարգի Ագապի Քադեշյանի անվան միջնակարգ դպրոցի շուրջ կրքերը չեն հանդարտվում: Միջնակարգ դպրոցում հուլիսի 17-ին նշանակված էր տնօրենի թափուր տեղի մրցույթ, որին մասնակցում էր 3 թեկնածու՝ նախկին տնօրեն Ծովինար Գալստյանը, Գևորգ Մինասյանը՝ Մասիս քաղաքից, և Գոհար Սահակյանը՝ Այնթապից: Սակայն մրցույթը, ինչպես նորամարգցիներն են ասում, տապալվել է՝ Արարատի մարզպետ Գարիկ Սարգսյանի թեթև ձեռքով:

Հաշվի առնելով երկրում հայտարարված արտակարգ դրությունը, Հայաստանի բոլոր դպրոցներում ուսուցումը հեռավար տարբերակով կազմակերպվեց: Այն ընտանիքներին, որոնք ունեին սարքավորումների խնդիր՝ ուսուցումն այդ ձևով կազմակերպելու համար, նախարարությունը սարքավորումներ հատկացրեց, բայց քանի-որ մայիսի 22-ը համարվում էր ուսումնական տարվա ավարտը, հեռավար կրթությունը կազմակերպելու նպատակով աշակերտներին տրամադրված այդ սարքավորումները դպրոցների տնօրենների պահանջով վերադարձվեցին դպրոցներին:

Դեռևս անցյալ տարի 168.am-ը գրել էր այն մասին, որ Ջերմուկի տարածքում պարբերաբար բախումներ են տեղի ունենում Ամուլսարի հանքի շահագործման դեմ հանդես եկող ցուցարարների ու շահագործմանը կողմ համայնքի ներկայացուցիչների միջև, և ոստիկանությունը նախ՝ փորձում է կոծկել այդ միջադեպերը, քանի որ այդպիսով ակնհայտ կդառնա, որ կառավարության՝ Ամուլսարի հարցով որոշում չկայացնելու արդյունքում համայնքում իրավիճակը վերահսկողությունից դուրս է գալիս։

Պետրոսյանն անդրադարձավ նաև Սերգեյ Բագրատյանի ԲՀԿ-ից դուրս գալուն. «Մենք ոչ մեկս «բագրատյանացավով» չենք տառապում, հիմա մարդ է՝ այդպես է որոշել, մենք ո՛չ վիրավորում ենք, ո՛չ հետևից խոսում ենք, ինքն իր իրավունքն է իրականացրել, Աստված իր հետ, ամեն մարդ ինքն է որոշում իր անելիքը, իհարկե, ցանկալի չէ, որ խմբակցությունը լքեն առանց պատճառների։ Պարզապես Բագրատյանը բարոյապես պարտավոր էր մի հարցազրույց տար, թե ո՞րն է իր շարժառիթը, կամ գոնե հարցազրույց տա, ասի, որ իմ նախկին գործընկերներին մի՛ ծանրաբեռնեք իմ անձի հետ կապված հարցերով»:

«Վերջերս լսեցի, որ պարետի որոշմամբ Ջերմուկ քաղաքում մի քանի հանգստյան տներ էին փակվել։ Դե պատկերացրեք, եթե քաղաքացին իմանում է, որ, եթե գնա ինչ-որ տեղ, կարող է պատահել՝ հանկարծ փակվի, սա ուղղակի խփում է ներգնա տուրիզմին»,- նշեց Գագիկ Մինասյանը։

Մասնագետները վստահեցնում են, որ տնտեսական աճի նախապայմաններից մեկը երկրի ֆինանսական կայունությունն է, ինչն էլ իր հերթին կախված է նրանից, թե ինչպես են ֆինանսական ինստիտուտները կառավարում չվճարումների ռիսկերը, իսկ, ամենակարևորը, վարկային ռիսկերը։

Հայաստանում հուլիսի 28-ին հաստատվել է կորոնավիրուսային հիվանդության ընդհանուր 37629 դեպք, որոնցից 27357-ն` առողջացած:

Ապրելով ժամանակի մեջ և լինելով դրա կրողը, մենք հաճախ չենք հասցնում կշռել այն ծանրությունը, որ բաժին է ընկնում մեզ նույն ժամանակի նժարին: Տեսնում ենք ընթացքը, բայց լիարժեք չենք գիտակցում հետևանքը, քանի դեռ չի կատարվել: Հստակ տեսնում ենք մեր այսօրը, բայց մեր երեկը մեր վաղվա մեջ չենք կարողանում տեսնել: Մենք այսօր մենակ ենք: Հաճախ կարող ենք շարքային քաղաքացիներից փողոցում կամ սոցիալական ցանցերում, զրուցարաններում լսել, որ Ռուսաստանը` մեր ռազմավարական ու տնտեսական գործընկերը, մեզ հետ չէ: Իսկ ինչո՞ւ մեզ հետ չէ:  

«Բիզնեսները, չիմանալով կոնկրետ օր, թե երբ է ազատականացվելու տնտեսությունը, և երբ են թույլ տրվելու աշխատանքները, չեն կարող այդպես երկար ժամանակ իրենց գոյությունը պահել: Ես սա փորձեցի բիզնեսմենների անունից փոխանցել էկոնոմիկայի նախարարին, և մտածել, թե այդ ուղղությամբ տնտեսական բլոկն ինչ տիտանական աշխատանք ունի կատարելու»,- 168TV-ի «Ռեվյու» հաղորդման ընթացքում այս մասին ասաց հանրային սննդի փորձագետ, ռեստորատոր Աշոտ Բարսեղյանը:

Անվտանգության խորհրդի ընդունած «Անվտանգության ռազմավարության» մեջ 46 անգամ հիշատակված է Արցախ բառն առանց Հանրապետության, ու որքան էլ Անվտանգության խորհրդի քարտուղար Արմեն Գրիգորյանը դա պատճառաբանում է նրանով, որ այստեղ գործ ունենք ընկալումների հետ, միևնույն է, ցանկանում եմ նրան հարցնել. «Պարո՛ն Գրիգորյան՝ ինչ է՝ Դուք կարդում եք Արցախ, հասկանում եք Հանրապետություն, մենք չենք հասկանում. նման փաստաթուղթը պետք է լինի այնքան միարժեք, որ 3 միլիոն մարդ կա, հանգի մեկ կարծիքի»։ Այսօր 168.am-ի հետ զրույցում ասաց պատմական գիտությունների թեկնածու Վանիկ Բաբաջանյանը՝ անդրադառնալով հուլիսի 10-ին ընդունված Անվտանգության ռազմավարության՝ իր համար վիճելի դրույթներին։

Մոտ մեկ շաբաթ առաջ Թուրքիայի պաշտպանական արդյունաբերության վարչության տնօրեն Իսմաիլ Դեմիրը հանդիպել էր Թուրքիայում գտնվող Ադրբեջանի պաշտպանության փոխնախարարներ Քերեմ Մուստաֆաևի և Ռամիզ Թաիրովի հետ:

«ՌԴ-ում հայերի գործողություններում չկար կազմակերպվածություն, թեև կարող էր լինել»,- 168.am-ի հետ զրույցում ասաց «Ռեգնում» լրատվական գործակալության գլխավոր խմբագիր, ՌԴ առաջին կարգի պետական խորհրդական, վերլուծաբան Մոդեստ Կոլերովը՝ անդրադառնալով տավուշյան սրացումից հետո ՌԴ տարածքում գրանցված հայ-ադրբեջանական ազգամիջյան միջադեպերին ու անկարգություններին։

Իշխանությունը շրջանառության մեջ է դնում սահմանամերձ 36 բնակավայրերին սոցիալական աջակցություն նախատեսող օրենքի նախագիծ, որը բնակիչներին հնարավորություն կտա պետության կողմից անհատույց ստանալ հակառակորդի հրետակոծության հետևանքով կրած գույքային վնասները, առաջիկա երեք տարում ազատվել օրենքով նախատեսված մի շարք պարտադիր վճարներից:

Հարցրել էինք նաև, թե քանի՞ շուն է ստերջացվել այս տարի, հաշվարկներ կա՞ն, թե քանիսը դեռ պետք է ստերջացվի, ինչպես նաև նախորդ տարի քանի՞ շուն է ստերջացվել և քանի՞սն էր մնացել, որ պետք է ստերջացվեր, արդյոք չի՞ ավելացել դրանց թիվը, ինչին քաղաքապետարանից պատասխանել են. ««Թափառող կենդանիների վնասազերծման կենտրոն» ՀՈԱԿ-ի ստեղծման օրվանից մինչ օրս ստերջացվել է 3402 շուն: 2019 թվականի ընթացքում ստերջացվել է 2335 շուն: Ստերջացման ենթակա շների թիվը կարող է ավելանալ նաև տներում ապրող և քաղաքացիների կողմից բազմացվող շների սերունդների հաշվին»:

Հուլիսի 23-ի Կառավարության նիստում՝ որպես Սահմանադրական դատարանի (ՍԴ) դատավորի՝ կառավարության թեկնածու ներկայացվեց քաղաքացիական իրավունքի մասնագետ, իրավագիտության դոկտոր Վահրամ Ավետիսյանի թեկնածությունը:

Երբ կենաց-մահու պայքարի արդյունքում իրականացվեցին սահմանադրական փոփոխություններ, թվում էր՝ ամեն ինչ տեղն է ընկնելու։ Իսկ իրականում տեղի ունեցավ հակառակը, և սա դեռ սկիզբն է։ Ինչո՞ւ։ Որովհետև իշխանությանը մատուցված օրակարգերն էին կեղծ, իսկ այդ կեղծ օրակարգի հիմքում ընկած միակ իրական օրակարգը՝ ՍԴ յուրային նախագահ ունենալն ու Փաշինյանից իշխանություն կորզելը (հաստատ՝ ոչ Փաշինյանի շահի համար), մնաց չբավարարված։ Կարճ ասած՝ կան չբավարարված ամբիցիաներ ու թվացյալ հաղթանակ։

Այսօր 13:10-ի սահմաններում ԿԳՄՍՆ-ի առջևից Ոստիկանության Կենտրոնի բաժին բերման ենթարկվեց 2 հոգի: Առավոտից բուհ չընդունված դիմորդներն ու նրանց ծնողներն ակցիա էին իրականացնում ԿԳՄՍՆ-ի դիմաց և պահանջում հանդիպում միայն նախարար Արայիկ Հարությունյանի հետ: Նրանց առաջարկվեց հանդիպում փոխնախարար Գրիշա Թամրազյանի հետ, ինչից ակցիայի մասնակիցները հրաժարվեցին, քանի որ, ինչպես պնդում էին, նրա հետ հանդիպումներն անօգուտ են: Մեկ ժամ ժամանակ տվեցին Արայիկ Հարությունյանին իրենց ընդունելու համար: Հանդիպումը տեղի չունեցավ: Դիմորդները փակեցին Վազգեն Սարգսյան-Մովսես Խորենացի փողոցների խաչմերուկը: Ոստիկանները բացեցին փողոցները, ակցիայի մասնակիցներից երկուսը բերման ենթարկվեցին:

Այսօր բուհ չընդունված դիմորդներն ու նրանց ծնողներն ակցիա էին անցկացնում  ԿԳՄՍ  նախարարության դիմաց և պահանջում հանդիպում միայն նախարար Արայիկ Հարությունյանի հետ: Դիմորդի ծնող, ակցիաների կազմակերպիչ  Մասիս Բաբալյանը նշեց, որ իրենց հանդիպումները փոխնախարար Գրիշա Թամրազյանի հետ որևէ օգուտ չեն տալիս, և այդ է պատճառը, որ նրանք ուզում են հանդիպել հենց նախարարի հետ:

Մամուլում տեսանյութ հրապարակվեց, որտեղ արձանագրված էր, որ Սևանի ափին գտնվող «Սպիտակ-Շորժա» հանգստյան գոտում երիտասարդները «փարթի» են անցկացնում, որին մասնակցել է նաև ԱԺ «Իմ քայլը» խմբակցության պատգամավոր Հայկ Սարգսյանը։  Այսօր առավոտյան 168.am-ի հետ զրույցում վարչապետի մամուլի խոսնակ Մանե Գևորգյանը փոխանցեց, որ մեր զրույցի պահին արդեն ոստիկանությունը և տեսչական մարմինը «Սպիտակ Շորժա»-ում են գտնվում և իրականացնում են համապատասխան աշխատանքներ: 

Հաստատվել է կորոնավիրուսային հիվանդության 73 նոր դեպք, ապաքինվել է ևս 187 մարդ:

ՀՀ պաշտպանության նախարարությունը խորին ցավակցություն և զորակցություն է հայտնում Աշոտ Միքայելյանի ընտանիքի անդամներին, հարազատներին և ծառայակիցներին: