«Մենք անցած տարի մեքենաներ էինք ներկրել, դրանք մինչև տարեվերջ չէին բեռնաթափվել և հունվարի 31-ին մոտ 300 մեքենա դուրս է մնացել մեր շուկայից: Դրանք բոլորը Բագրատաշենի մաքսատանն են: Մի քանի գրություն ենք հղել ՀՀ կառավարությանը, վարչապետին, որպեսզի թույլ տան դեռևս անցած տարի ձեռք բերած ավտոմեքենաները բերել: Երեք շաբաթ է՝ պատասխանի ենք սպասում: Չենք ցանկանում այդ 300 մեքենաները թողնել Վրաստանի տարածքում»,- լրագրողների հետ զրույցում ասաց «Ավտովարորդների պաշտպանության լիգա» իրավաբանական անձանց միության նախագահ Տիգրան Հովհաննիսյանը:
«2019 թվականի օգոստոսի 1-ին գնել եմ 4 մեքենաները, ինձ հասել են դեկտեմբերի 31-ին, որովհետև վրացիներին իրենց մեքենաներն էին դատարկում, հետո՝ հայերինը: Ես վարկ եմ փակում, և հույսս այդ 4 մեքենաներն են, որոնք մնացել են Բագրատաշենի մաքսատանը: Չգիտեմ, թե ի՞նչ պետք է անեմ, եթե ոչինչ չփոխվի՝ մեքենաներից մեկն այստեղ՝ Կառավարության մոտ կվառեմ, մյուսն էլ՝ ՊԵԿ-ի դիմաց»,- լրագրողների հետ զրույցում ասաց ավտոներկրողներից մեկը:
«Ես միշտ ասել եմ, որ Անդոն այն սուբյեկտը չէ, որին ես ընդհանրապես քննարկման առարկա դարձնեմ: Եվ երկրորդը՝ եթե երկրում արդեն քրեական դատավարության և Մարտի 1-ի հարցը քննարկում ու մեկնաբանում է Քոչարյան Անդոն, արդեն ամեն ինչ պարզ է, էլ ինչի՞ մասին է խոսքը»,- ասաց նախկին գլխավոր դատախազը:
168.am-ի տեղեկություններով՝ իշխանությունները մարդկանց հատուկ խումբ է ձևավորել, որոնց գործառույթը պետք է լինի իրենց թիրախում գտնվող ընդդիմադիր հայացքներ ունեցող, Նիկոլ Փաշինյանի և նրա կառավարության անդամների քայլերին դեմ արտահայտվող անձանց՝ քաղաքական-հասարակական գործիչների, տնտեսվարողների, լրագրողների, առհասարակ՝ ակտիվ գործունեություն ծավալող անձանց հեռախոսները, այսպես ասած՝ որևէ ձևով թռցնելը: Նպատակը՝ մուտք գործել հեռախոս և ձեռք բերել իրենց ցանկալի տեղեկատվությունը:
Մեզ խանգարում է ստեղծված իրավիճակը, մեզ խանգարում է այն, որ Հրայր Թովմասյանը որոշել է ինքն իրենով մարմնավորել ամբողջ դատական համակարգը, որոշել է իր ամբողջ անցած քաղաքական ուղիով հանդերձ՝ փորձել աշխատել, ներկայացնել Հայաստանում տիրող իրավիճակը՝ որպես հակաժողովրդական: Ամբողջ աշխարհը հիանում է մեզնով, իսկ Հայաստանում որոշ մարդիկ այնպես են ներկայացնում, կարծես 37 թիվն է: Բոլոր միջազգային չափորոշիչներով մենք թռիչքներ ենք ապրում, իսկ այստեղ ինչ-որ մի խումբ առավոտից երեկո զբաղված է մեզ փնովելով, ընդ որում, հաջողությունները ներկայացնելով՝ որպես անհաջողություններ: Անկեղծ ասած՝ այդ մոտեցումը չեմ հասկանում:
168 TV-ի «Ռեվյու» հաղորդաշարի եթերում Բեռլինի Շարիտեի համալսարանական կլինիկայում վերապատրաստված, Շենգավիթ ԲԿ-ի կրծքագեղձի վիրաբույժ Սոնա Հայրապետովան, խոսելով օրվա խորհրդի մասին, նշեց, որ այս հիվանդության վերաբերյալ տեղեկացվածության բարձր մակարդակը նպաստում է հիվանդությամբ պայմանավորված մահացությունների թվի կրճատմանը: Մասնագետն ընդգծեց նաև, որ հատկապես տարածված է կրծքագեղձի քաղցկեղը։
Եթե զինվորն իմանա, որ իր հայրը, հորեղբայրը, քեռին չի կարողանալու գալ բանակ և իր հարցերը լուծել, և ինքն իր չկատարած ինչ-որ բանի համար պատժվելու է, հաստատ այդ զինվորը շարժվելու է ծառայության օրենքներով: Բայց ինչ-որ մեկի հայրը, հորեղբայրը, քեռին, որ ինչ-որ դերակատարում ունի երկրում, զինվորին ասում է՝ գնա, դու պրոբլեմ չունես, ցանկացած դեպքում քո «մեջքին կանգնած ենք», ինչ ուզես՝ քեզ համար կանենք: Եվ այս դեպքում ուրիշ բաներ չենք էլ կարող սպասել, երբ զինվորը գիտի, որ խնդիր չունի:
«Նկատելի է, որ տարածված բազմակողմ տեքստը լավ մշակված է և կողմերի համար բավականին անվտանգ, այսինքն՝ կա և տպավորություն, որ քննարկվում են կարևոր հարցեր, որն Ադրբեջանի դիվանագիտական շահերի տիրույթում է, և խոսք է գնում ապագա կարգավորման սկզբունքների ու տարրերի մասին, մարդասիրական օրակարգի մասին, որը Հայաստանի շահերի տիրույթում է, այսինքն՝ երկար բանակցության և խոսակցության արդյունքում հաջողվել է համաձայնության գալ մի տեքստի շուրջ, որը չի վտանգի ներգրավված կողմերին՝ հակասությունների պատճառ դառնալով նրանց հրապարակային հայտարարությունների և քայլերի միջև»,- ասաց Հալբախը:
«Բոլոր նրանք, ում այն օրը բռնել էին, համարձակ տղաներ են, ու նրանցից ոչ մեկը Նիկոլից չի վախենում: Ընդամենը փորձել էին վախեցնել, բայց բոլորդ տեսաք, որ նրանք չեն վախենում: Բայց մեր տեսակը չի վախենում դրանից: Ոստիկանը կարող է, ինչքան ուզում է, ինձ պառկեցնել»,- ասաց գործարարը:
«Մի գեղեցիկ օր ես եմ պառկացնելու ու ոտքերս մաքրելու իրենց վրա». Ռուբեն Հայրապետյանը դուրս եկավ ոստիկանության շենքից
Արշակ Զաքարյանը պատմել էր, որ վարչապետն իր ընտանիքով այս կիրակի եկել էր Արցախ՝ տեսակցելու բանակում ծառայող որդուն՝ Աշոտին, և ընտանիքի հետ ճաշել է իրենց ռեստորանում, ինչից հետո Փաշինյանը պահանջել է ՀԴՄ կտրոն: Աշխատակիցներն ասել են, որ ՀԴՄ տպող սարքն այդ պահին չի աշխատում: Տեղեկանալով այդ մասին՝ Նիկոլ Փաշինյանը սկանդալ է սարքել ռեստորանում, աշխատակիցներին մեղադրել է «զինվորի հաց ուտելու» մեջ, ապա զանգահարել է Արցախի Պետնախարարին և պահանջել, որպեսզի ստուգումներ անցկացնեն և տուգանեն ռեստորանի սեփականատիրոջը:
Ռոբերտ Քոչարյանի շահերի պաշտպան Հովհաննես Խուդոյանն իր պաշտպանյալի նկատմամբ քրեական հետապնդումը դադարեցնելու վերաբերյալ միջնոդությունը ներկայացնելիս նշեց, որ Քոչարյանին առաջադրված մեղադրանքը հակասում է նախկինում ընդունված իրավական ակտերին։ Խոսքը, մասնավորապես, վերաբերում է հայտնի «յոթի գործին»: Տվյալ գործով անցնող յոթ մասնակիցների նկատմամբ քրեական հետապնդումը դադարեցվել է 300.1-րդ հոդվածի համաձայն:
«Մենք պաշտոնապես չգիտենք՝ ինչ գործի շրջանակներում է բերման ենթարկվել Ռուբեն Հայրապետյանը: Նա ինձ հասցրեց փոխանցել միայն, որ իրեն բերման են ենթարկում քրեական ոստիկանություն: Ինձ, 15 րոպե է արդեն, ինչ չի հաջողվում ներս մտնել և իրավաբանական օգնություն ցույց տալ պարոն Հայրապետյանին: Այս պահին «պաշտոնական» պատճառաբանությունը հետևյալն է՝ պետը տեղում չէ, որ անցագիր իջացնի»,- լրագրողների հետ զրույցում ասաց գործարար, ՀՖՖ նախկին նախագահ Ռուբեն Հայրապետյանի պաշտպան Ամրամ Մակինյանը՝ հավելելով, որ սա առաջին դեպքը չէ, և ինքը Ոստիկանության ուշադրությունը ուզում է հրավիրել, որ եթե պետը տեղում չէ, ու հնարավոր չէ ապահովել անձանց իրավաբանական օգնությունը, ուրեմն թող օպերատիվ-հետախուզական միջոցառումները կազմակերպեն այն ժամանակ, երբ պետը տեղում է:
168.am-ի տեղեկություններով՝ Ռուբեն Հայրապետյանին բերման ենթարկելու պատճառը ենթադրյալ 2 ավտոմեքենաներով երթևեկելն է, սակայն ըստ էության, պարզվում է, որ ծանոթներով, երկու մեքենաներով Ռուբեն Հայրապետյանն ու նրան ուղեկցող մեքենան ուղևորվել են նույն վայրը:
Ամրամ Մակինյանը ֆեյսբուքյան իր էջում գրում է. «Հրատապ Քրեական ոստիկանության դիմակավորված ծառայողներն առանց պատշաճ հիմնավորման բերման են ենթարկել Ռուբեն Հայրապետյանին»:
Հայաստանում ավտոներկրողները լուրջ խնդրի առջև են կանգնած. հազարավոր մեքենաներ են ներկրել, սակայն գնորդ չկա: Տաքսի ծառայությունների գործատուների ճյուղային միության նախագահ Վահագն Սահակյանի կարծիքով՝ հարկավոր էր ժամանակին հաշվի առնել, որ հայաստանյան այս փոքրիկ շուկան չի կարող գնային մեծ ազդեցություն ունենալ Մաքսային միության տարածքում՝ ավտոմոբիլային շուկայի վրա:
ԱԺ «Իմ քայլը» խմբակցության պատգամավոր Վահագն Հովակիմյանը, որը մինչև պատգամավոր դառնալը Նիկոլ Փաշինյանին պատկանող օրաթերթի լրագրող էր, նախաձեռնել է փոփոխություններ «Ազգային ժողովի կանոնակարգ», «Հանրաքվեի մասին» և «Սահմանադրական դատարանի մասին» սահմանադրական օրենքներում, որոնցով նախատեսվում է (առանց չափազանցության) վերջ դնել երկրում սահմանադրական կարգին:
Իրականությունը, սակայն, այլ է. Հայաստանը միջազգային հանրության անդամ է (դեռևս) և ունի բազմաթիվ միջազգային պարտավորություններ, ու իշխանության թևերից մեկի կողմից մյուսի նկատմամբ բացահայտ ճնշումների այս քայլերը, տարբեր գնահատականներով՝ իշխանության յուրացման փորձը, չի կարող անհետևանք մնալ: Սակայն Հայաստանի իշխանություններին կարծես դա այնքան էլ չի մտահոգում, և նրանք շարունակում են առաջնորդվել «դուխով», այն դեպքում, երբ վաղուց դրա փոխարեն՝ պետք է գործեին մտքով ու խելքով:
«Ինձ ավելի ծանրակշիռ մարդկանց տեսակետների վերաբերյալ հարցրեք, սիրով կպատասխանեմ»:
Քանի որ ԿԳՄՍ նախարարությունից մենք մեր հարցերի պատասխաններն ըստ էության չստացանք, դիմեցինք ԱԺ պատգամավոր Անի Սամսոնյանին՝ խնդրելով մեզ առարկայական տրամադրել իր ունեցած տվյալները, թե ինչ տեղեկություն ունի կուսակցականացված կառավարման խորհուրդների վերաբերյալ: Մեր խնդրանքն ԱԺ պատգամավորը չմերժեց, և մի քանի դպրոցների կառավարման խորհուրդների լիազոր մարմնի ներկայացուցիչների ցանկը ուսումնասիրելով՝ մեզ համար պատկերը պարզ դարձավ:
Երբ պարոն Փաշինյանը հպարտորեն ասում էր, որ ինքը զրոյական կետից է սկսում բանակցային գործընթացը և այս ողջ ընթացքը տրամադրել է նրան, որպեսզի տեղեկանա գործընթացի փաստերից, դա ծիծաղելի էր: Բայց երբ նախորդ տարվա դեկտեմբերին Բրատիսլավայում հրապարակվեց քիչ թե շատ շոշափելի որևէ դիրքորոշում, որի վերաբերյալ կարելի է խոսել, որովհետև Արցախի բանակցային գործընթացն ամենագաղտնի բանն է, որը կա մեր երկրում, մենք համոզվեցինք նրանում, որ վերադարձել են Սերժ Սարգսյանի թողած կետին՝ փոշիացնելով 2 տարի, և գումարած մեկ կետ՝ կապված Արցախը բանակցային սեղան վերադարձնելու հետ:
Արցախի նախագահի թեկնածուները ներկայացրել են հարցի կարգավորման իրենց կամ իրենց քաղաքական ուժերի դիրքորոշումները, իսկ պաշտոնական Ստեփանակերտի դիրքորոշումը վերջին անգամ արտահայտվել է Հայաստանի և Արցախի անվտանգության խորհուրդների դեկտեմբերյան նիստին՝ նախագահ Բակո Սահակյանի ելույթում: Նախագահը մասնավորապես նշել էր. առաջին՝ Արցախի համար չի կարող լինել վերադարձ անցյալին՝ լինի դա կարգավիճակի թե սահմանների առումով, երկրորդ՝ կարգավորման որևէ տարբերակ չի կարող վտանգի տակ դնել Արցախի Հանրապետության անվտանգությունը և նրա բնականոն կենսագործունեությունը: Արցախի նախագահը շեշտեց՝ սրանք այն նշաձողերն են, որոնք երբեք չպետք է իջեցվեն, և այն կարմիր գծերը, որոնք երբեք չպետք է խախտվեն:
Ազգային վիճակագրական ծառայությունը հունվարի 31-ին հրապարակել էր 2019 թ. մակրոտնտեսական ցուցանիշները, ըստ որի՝ նախորդ տարի տնտեսական ակտիվության ցուցանիշը կազմել է 7.8%: 168 TV-ի «Ռեվյու» հաղորդաշարի եթերում «Ազգային օրակարգ» կուսակցության համահիմնադիր Ավետիք Չալաբյանի խոսքով՝ հրապարակված վիճակագրական տվյալների մեջ լավ նորություն է այն, որ 7.8 տոկոս տնտեսական աճը բավականին լավ ցուցանիշ է, որն արձանագրվել էր նաև նախկին վարչապետներ Կարեն Կարապետյանի և Տիգրան Սարգսյանի պաշտոնավարման ժամանակաշրջանում։
«Իմ հարցաքննությունը եղել է զուտ ինձ առաջադրված մեղադրանքի թեմայով, այն է՝ իբր ես ցուցումներ եմ տվել նախկին ոստիկանապետ Ալիկ Սարգսյանին՝ թաքցնել 2008թ. մարտյան իրադարձությունների հետքերը»,- եզրափակեց ՀՀ նախկին գլխավոր դատախազ Գևորգ Կոստանյանը:
Օրերս պատմաբան, ՀՀԿ խորհրդի անդամ Գեղամ Պետրոսյանն իր ֆեյսբուքյան էջում հրապարակել էր 9-րդ դասարանի Հայոց պատմություն առարկայի ավարտական քննության հարցաշարից մի հատված, որտեղ նշված է, որ 1998-2008 թվականներին ընտրակեղծիքներով անցկացված ընտրություններից հետո 2 ժամկետով պաշտոնավարել է Ռոբերտ Քոչարյանը, հետո դարձյալ ընտրակեղծիքներով ընտրություններին հաղթել է Սերժ Սարգսյանը։ 168 TV-ի «Ռեվյու» հաղորդաշարի եթերում Գեղամ Պետրոսյանն ասաց, որ Հայոց պատմություն» առարկայի հարցաշարի նյութը պատմական առումով հիմնազուրկ և բոբիկ նյութ է՝ առանց որևէ պատմական և փաստական հիմքերի։
Վենետիկի հանձնաժողովի նախագահ Ջ. Բուքիքիոն հայտարարություն է տարածել, որում իր մտահոգությունն է հայտնում ՀՀ Սահմանադրական դատարանի շուրջ ստեղծված իրավիճակի վերաբերյալ: «2019թ. հոկտեմբերի 29-ի իմ հայտարարությունից հետո ես շարունակում եմ մտահոգված լինել Հայաստանի Սահմանադրական դատարանում տեղի ունեցող բաց կոնֆլիկտով: Ես ցանկանում եմ հիշեցնել 2019թ. հոկտեմբերին Վենետիկի հանձնաժողովում ձևավորված կարծիքը, որ Սահմանադրական դատարանի վերաբերյալ ցանկացած նախագիծ՝ վաղաժամ կենսաթոշակի անցնելու վերաբերյալ, պետք է լինի իրապես կամավոր, բացառի ցանկացած անձնական կամ քաղաքական բնույթի ճնշում Սահմանադրական դատարանի դատավորների նկատմամբ և չպետք է ազդի դատարանի վարույթում գտնվող գործերի արդյունքների վրա։
«Տիկին Մակունցը հղում է անում Հ1-ի հաղորդմանը, որտեղ էլ հղում են արել ԱԱԾ-ի նախապատրաստած նյութերում ինչ-որ տեղեկությունների, այսինքն՝ մոտավորապես երրորդ ձեռք տեղեկատվությունը հավաստիանում է։ Ես կստանամ նյութերը, հուսով եմ՝ ինձ կտրամադրեն, քանի որ օրենքով նախատեսված է, որպեսզի տրամադրվի, որից հետո կկարողանամ ավելի հստակ ասել։ Մանկական խաղ կա՝ կոչվում է «փչացած հեռախոս», որի ժամանակ տեղեկատվությունը մեկը մյուսին փոխանցելով՝ գնում են, այսինքն՝ մենք տեսնում ենք մի ցիկլ, որտեղ ապացուցողական որևէ գործընթաց չկա։
«Ռազմինֆո» մասնագիտացված կայքի համակարգող Կարեն Վրթանեսյանն այն կարծիքին է, որ 80-ականների զենքում որևէ «ամոթալի» բան չկա, և, որ չկա աշխարհում բանակ, որը չունենա 80-ականների զենք:
«Շատ բարդ վիճակ է, գնորդները շատ քիչ են, գրեթե չկան: Եթե առաջ ամեն օր Հայաստանից 600-700 մեքենա էր դուրս գալիս, հիմա այդ ցուցանիշը համարյա թե զրո է: Այնպես չէ, որ կարող ենք ասել՝ ոչինչ, հայերը կգնեն: Բոլորն էլ մեքենա են բերել: Հիմա մեր հույսը, կարող եմ ասել՝ Ռուսաստանի քաղաքացիներն են, սակայն չգիտեմ, թե ինչն է խնդիրը, որ նրանք էլ չեն գալիս: Մի քանիսի հետ խոսել եմ, ասացին, որ պարզապես սպասում են՝ տեսնեն, թե ի՞նչ է կատարվում, քանի որ լսել են ղազախների մասին, ովքեր իրենց երկրում խնդիրներ ունեն»,- 168.am-ի հետ զրույցում ասաց ավտոներկրող Զոհրաբ Իգիթյանը:
Օրեր առաջ Ալմաթիում հանդիպեցին ՀՀ վարչապետ Նիկոլ Փաշինյանը և ՌԴ վարչապետ Միխայիլ Միշուստինը: Այն առաջին հանդիպումն էր Ռուսաստանի վարչապետի պաշտոնում Միշուստինի նշանակումից հետո:
