«Կառավարության այս տարվա 60 էջանոց ծրագրում ընդամենը 2 նախադասություն էր հատկացված ավիացիային. առաջին, որ գործող չվերթերի հաճախականություններն ավելացվեն, և երկրորդ, որ ՔԱԿ-ն օդում էկոլոգիային հետևի»։
Դիմում եմ ՀՀ Անվտանգության ծառայությանը՝ եթե դեպի ՀՀ իմ մուտքի արգելքը հանվի, պատրաստ եմ առաջին իսկ չվերթով վերադառնալ Հայաստան, և եթե Անվտանգության ծառայությունը կկարողանա ապացուցել, որ ես վտանգ եմ ներկայացնում Հայաստանի և hայ ժողովրդի համար, կամ երբևէ որևէ հանցանք եմ գործել՝ ուղղված Հայոց պետականության դեմ, թող ինձ կալանավորեն և դատեն օրենքով սահմանված կարգով։
«Տուրիզմի ոլորտում բարեփոխումների անհրաժեշտությունը վաղուց է առկա, պետությունը պետք է դա վաղուց իրականացներ»,- 168.am-ի հետ զրույցում ասաց փաստաբան Դիանա Գրիգորյանը՝ անդրադառնալով տուրիզմի ոլորտում օրենսդրական բարեփոխումների նախաձեռնությանը:
«Ես կարող եմ տալ տարբեր վարկածներ, իսկ թե որն է իրականությունը, գիտեն այն մարդիկ, ովքեր ազատել են աշխատանքից: Ես անգամ կասկածում եմ, որ նրանք, ովքեր ազատվել են աշխատանքից, չգիտեն պատճառը»,- «168 TV»-ի «Ռեվյու» հաղորդման ժամանակ ասաց քաղտեխնոլոգ Կարեն Քոչարյանը՝ անդրադառնալով Մովսես Հակոբյանի և նրա տեղակալներ Վաչագան Ներսեսյանի ու Կամո Քոչունցի պաշտոնանկությանը:
«Էլեկտրոնային հաղորդակցության մասին» օրենքում փոփոխություններ կատարելու վերաբերյալ որոշման նախագիծը քննադատության արժանացավ ոլորտի փորձագետների կողմից: ՀԾԿՀ-ն, ըստ էության, փորձ է անում ինտերնետ պրովայդերներից պահանջել 2 տարով արխիվացվել օգտվողների ընթացիկ տվյալները (IP, IMEI, էլեկտրոնային փոստի տվյալներ և այլն) և դրանք բացահայտել օրենքով սահմանված դեպքերում և կարգով: Իրավաբան Դավիթ Սանդուխչյանը 168 TV-ի «Ռեվյու» հաղորդման ընթացքում այս խնդրի վերաբերյալ ասաց, որ այս որոշմամբ գրանցվում են բոլոր այն գործողությունները, որոնք անձը կատարում է համացանցում:
«Նախկին ռեժիմից շատ մարդիկ շարունակում են աշխատել: Խոսքն այն մասին չէ, որ որոշ պրոֆեսիոնալ մարդիկ, այսինքն՝ այն մարդիկ, որոնք չինովնիկական պաշտոններ են զբաղեցնում նախարարություններում և կատարում են չինովնիկական աշխատանքներ, նրանք, անկախ իրենց պատկանելությունից, պետք է շարունակեն աշխատել, եթե պրոֆեսիոնալներ են, բայց տեսնում ենք, գիտենք, որ նախ՝ ռեժիմի շատ անդամներ շարունակում են կառավարել որոշ ոլորտներ, այդ թվում՝ ստվերային կառավարել որոշ ոլորտներ, դա ակնհայտ երևում է ամեն ինչից: Եվ շատ ակնհայտ է, որ նախկին ռեժիմը դեռ չի հանձնվել»:
«Այսօր մեր հասարակությունը շատ բարդ բարոյահոգեբանական վիճակում է, նույնիսկ ավելի բարդ, քան, այսպես կոչված՝ թավշյա իշխանափոխության ժամանակ»,- «168 TV»-ի «Ռեվյու» հաղորդման ժամանակ ասաց ԱԺ նախկին պատգամավոր Մարգարիտ Եսայանը:
«Ես պետք է շնորհակալություն հայտնեմ Հայ բանասիրության, Պատմության, Սոցմանկավարժության ֆակուլտետներին՝ իրենց քաջության և ազգային արժեքներին հավատարիմ լինելու համար»,- «168 TV»-ի «Ռեվյու» հաղորդման ընթացքում ասաց ԵՊՀ հայ բանասիրության ֆակուլտետի դասախոս, լեզվաբան Նարինե Ներսիսյանը:
«168 TV»-ի «Ռեվյու» հաղորդման ժամանակ Երևանի Հովհաննես Թումանյանի անվան տիկնիկային թատրոնի տնօրեն և գեղարվեստական ղեկավար Ռուբեն Բաբայանն ասաց, որ Հայոց լեզու, Հայ գրականություն և Հայոց պատմություն առարկաները չպետք է պարտադիր լինեն ոչ մասնագիտական ֆակուլտետներում:
«Նախ՝ սխալ էր պետական մակարդակով հայտարարել, թե ավիատոմսը 35 եվրո է, և ազգաբնակչությանը մոլորության մեջ գցել: Իրականում այդ 35 եվրոն տոմսի տարիֆն է, իսկ տոմսը բաղկացած է տարիֆից, ինքնարժեքից, որին գումարվում են որոշակի հարկեր՝ ավիաընկերության հարկերը, օդանավակայանի հարկերը, ընդունող երկրի հարկերը, և այլն: Ընդ որում՝ «Ռյան Էյրի» դեպքում չկա որևէ սպասարկում, ուղեբեռի հնարավորություն, պետք է պարտադիր օնլայն check-in արվի, որովհետև կարող ես տոմսը ձեռքիդ հասնել օդանավակայան, և պարզվի, որ քո տեղը վերավաճառել են: Ամեն ինչը հավելյալ վճար է այս ավիաընկերության դեպքում»:
Մինչ Հայաստանում ակտիվորեն քննարկվում է պետական բյուջեի հաշվին Մել (Մելինե) Դալուզյանի մասին պատմող ֆիլմի համար տրամադրված 20 մլն դրամի արդարացված կամ չարդարացված լինելը՝ Ծանրամարտի միջազգային ֆեդերացիան հրապարակել է հակադոպինգային խախտումների նոր ցուցակը, որը ցույց է տալիս, թե ինչպես են վատ հեղինակություն ունեցող երկրները վճարում իրենց արարքների համար։
Դիտարկմանը՝ աշխատավարձերի բարձրացման վերաբերյալ իշխանություններն ասում են, թե այդպես նաև կոռուպցիոն ռիսկերն են վերացնում, նա այսպես արձագանքեց. «Գող լինելը գենետիկ հատկանիշ է: Գողին չի կարելի պաշտոն վստահել»:
Անդրադառնալով Սփյուռքի նախարարության փակմանը, Վարուժ Չիլինկիրեանն ասաց. «Սփյուռքի նախարարության փակումը քաղաքական պատգամ էր ներկա իշխանությունների կողմից: Սա Սփյուռքի կարևորության նսեմացում էր»:
«168 TV»-ի «Ռեվյու» հաղորդման շրջանակներում Հանրային խորհրդի անդամ, Մարդու իրավունքների առաջին պաշտպան Լարիսա Ալավերդյանի հետ զրուցել ենք Հանրային խորհրդի այսօրվա նիստի, Վազգեն Մանուկյանի հայտարարությունների, արցախյան հիմնահարցի, Ռոբերտ Քոչարյանի դատական գործի և այլ հարցերի շուրջ:
«Նոր իշխանությունները եկան առանց քաղաքական օրակարգի, իրենց հետ չբերեցին քաղաքական մտածողություն և քաղաքական պատկերացումներ, այդ իսկ պատճառով այն, ինչ ձևավորվել է Հայաստանում հեղափոխությունից հետո, քիչ առնչություն ունի քաղաքականության հետ, ավելի շատ առնչվում է քաղաքական տեխնոլոգիաների և քաղաքական շոուների հետ»,- «168 TV»-ի «Ռեվյու» հաղորդման ժամանակ նման տեսակետ հայտնեց Մամուլի ազգային ակումբի նախագահ Նարինե Մկրտչյանը:
Այսօր Երևանի պետական համալսարանի բանասիրության ֆակուլտետի ուսանողները դասադուլ էին կազմակերպել: Դասադուլի պատճառը ԿԳՄՍ նախարարության կողմից շրջանառության մեջ դրված «Բարձրագույն կրթության և գիտության մասին» օրենքի նախագծում Հայոց լեզու, Հայոց պատմություն և Հայ գրականություն առարկաների դասավանդումը ոչ մասնագիտական բուհական ծրագրերում ոչ պարտադիր դարձնելու մասին դրույթին դեմ լինելն էր:
«Սովետի ժամանակ ցենզուրա կար, բայց դա խթանում էր, որ ավելի համարձակ բաներ անենք: Հետո, որ ազատություն տվեցին, արդեն չենք իմանում ինչի մասին խոսել, արդեն ամեն ինչ կարելի է: Սովետի ժամանակ, եթե գիրք պետք է հրատարակվեր, պետությունը ֆինանսավորում էր միայն գեղարվեստորեն բարձր մակարդակ ունեցողներին: Իսկ հիմա ամեն մեկը մի քանի կոպեկ գցում է, գիրք է հրատարակում՝ զիբիլ: Նայում ես, տեսնում ես՝ բան չկա տակը»,- «168 TV»-ի «Ռեվյու» հաղորդման ժամանակ ասաց ՀՀ ժողովրդական արտիստ, բեմադրիչ Նիկոլայ Ծատուրյանը՝ անդրադառնալով ԿԳՄՍ նախարար Արայիկ Հարությունյանի այն հայտարարությանը, թե իր նախարարության օրոք մշակույթի ոլորտում «ցենզուրա չի լինելու»:
«1 միլիոն դոլար էլ լինի, եթե կաշառք վերցնելու մեխանիզմ կա, միևնույն է՝ վերցնելու են: Նախ՝ պետք է այնպիսի մեխանիզմ ստեղծել, որ մարդը չկարողանա կաշառք վերցնել: Եթե մեծ պատասխանատվություն ունի նախարարը, դատավորը, փաստաբանը, ապա ո՞վ ասաց, որ պատասխանատվություն չունեն ուսուցիչը, սանիտարը և այլք: Այդպես չեն մոտենում, այս ժողովուրդը դուրս է եկել, հեղափոխություն է արել ոչ դրա համար, այլ նրա համար, որ նաև իր սոցիալական վիճակը լավանա, որ առաջընթաց տեսնի: Մենք այսօր չպետք է մխիթարվենք, որ մենք ազատվեցինք նախկիններից: Եթե առաջ ենք գնում, մարդավարի առաջ գնանք. սա առաջընթաց չէ»:
«Իշխող քաղաքական ուժն է Հանրային խորհրդի և Վազգեն Մանուկյանի շուրջ այդ վիճակը ստեղծում: Ավելի քան պարզ պետք է լինի բոլորին, որ դա արհեստածին մի բան է, որն արձագանք է Վազգեն Մանուկյանի՝ որպես անկախ, մտածող քաղաքական, հասարակական գործչի գործունեությանը»,- 168.am-ի հետ զրույցում ասաց Հանրային խորհրդի անդամ, Մարդու իրավունքների առաջին պաշտպան Լարիսա Ալավերդյանը:
«ԿԳՄՍՆ-ն չունի դրամաշնորհային քաղաքականություն, այսինքն՝ դա ոչ թե դրամաշնորհային քաղաքականություն է, այլ հեղափոխությանը մասնակցած այն մարդկանց, որոնց պաշտոն չի հասել, վարձքը վերադարձնելու միտում ունեցող ծրագիր է»,- «168 TV»-ի «Ռեվյու» հաղորդման ընթացքում այս մասին ասաց Հայաստանի մշակութային հիմնադրամի տնօրեն Մանուկ Նիգոյանը:
«Քաղաքական ճնշման ենթարկվող, հալածվող մարդը չի կարող ուղղակի չենթարկվել հոգեբանական ճնշման, այլ խնդիր է, թե ինչքան է մարդը դիմանում, ինչ վարք է հանդես բերում: Ես այդ գրառումը կատարել եմ՝ տեսնելով, որ կան բաներ, որոնք արդեն առողջ տրամաբանության սահմաններից դուրս են գալիս: Հասկանալի է, ես համամիտ եմ, որ այդ բաստիոնը գրավելը նույն «ստամբուլյանների» համար, Արցախի հարցի վերաբերյալ կանաչ ճանապարհ է բաց անում: Մենք պետք է պաշտպան կանգնենք այն համակարգին, որը պայքարում է, թույլ չի տալիս»:
«Աղքատ երկրին սազական չէ այս ամենը. միայն մեքենան չէ, միայն առանձնատունը չէ: Մեր այս երիտասարդ մարդիկ, որոնք հայտնվել են ղեկի մոտ, շնչահեղձ՝ ինքնաթիռներից չեն իջնում: Տեսեք գործուղումները. մարդիկ, փաստորեն, բյուջեի հաշվին, այսինքն՝ խեղճուկրակ հարկատուների հաշվին, անիմաստ գործուղումներ, շրջագայություններ են անում: Որոշ մարդկանց համար բյուջեն վերածվել է տուրիստական բյուրոյի»,- «168 TV»-ի «Ռեվյու» հաղորդման ընթացքում այս մասին ասաց ԱԺ նախկին պատգամավոր, տնտեսագետ Վարդան Բոստանջյանը:
Գիտությունը նոր գիտելիքի ստեղծումն է. դրա համար տարբերում են հիմնարար գիտական մշակումներ, որն ուղղված է նոր գաղափարների ստեղծմանը, և կիրառական բնույթի, որ նոր գաղափարի հիման վրա ստեղծվում է նոր արտադրություն, տեխնոլոգիա, նոր մեքենա, նոր զենք: Այդ հիմնարար արդյունքները մենք վերածում ենք կիրառականի: Հիմնարարում շատ մարդ պետք չէ, որովհետև այնտեղ պետք է լայն գիտելիքներ ունեցող աշխատողներ ունենանք, որ զբաղվեն հիմնարար արդյունքներով: Նրանց ստացած արդյունքները որպեսզի կիրառենք, այստեղ մարդկանց թիվն ավելանում է: Հիմնարար գիտելիքների արժեքը դժվար է գնահատել:
«Եթե Նիկոլ Փաշինյանը գար իշխանության ընտրությունների միջոցով, մենք կունենայինք հիմա բացարձակապես այլ իրավիճակ, որովհետև եթե ընտրությունների միջոցով տեղի է ունենում իշխանափոխություն, և ողջ կուսակցությունը մասնակցում է դրան, այն հակակշիռները, որոնք կային կուսակցությունում, իրենք որոշակիորեն պահպանվում են: Բայց քանի որ այս ամենը հասարակությանը հրամցվեց՝ որպես հեղափոխություն, և Նիկոլ Փաշինյանի անձի շուրջ գեներացվեցին ողջ պրոցեսները, մեղմ ասած՝ մեր նախկին կուսակցին աստղայինը տարավ»:
«168 TV»-ի «Ռեվյու» հաղորդման ընթացքում ամերիկագետ Սուրեն Սարգսյանի հետ զրուցել ենք ԱՄՆ ներկայացուցիչների պալատի կողմից Հայոց Ցեղասպանության վերաբերյալ բանաձևի ընդունման, Թուրքիայի արձագանքի, հայկական կողմի հետագա անելիքների մասին:
«Սահմանադրական դատարանի շուրջ ստեղծված իրավիճակը գնահատում եմ՝ ցուգցվանգային, այսինքն՝ շախմատում այդպիսի մի իրավիճակ կա, չէ՞, որ ինչ քայլ էլ անես՝ քո իրավիճակն ավելի է վատանալու»,- «168 TV»-ի «Ռեվյու» հաղորդման ընթացքում ասաց քաղաքագետ Աղասի Ենոքյանը՝ ընդգծելով՝ Նիկոլ Փաշինյանն այս ընթացքում այնպիսի իրավիճակի հասցրեց, որ իբր երկիրը փրկելու համար հարկավոր է ՍԴ նախագահի հրաժարականը:
Սա շատ կարևոր գործոն է, որովհետև Նիկոլ Փաշինյանը, լինելով լրագրող, շատ լավ հասկանում է լրատվամիջոցների նշանակությունը, հնարավորությունները և, ի վերջո, նա իր հեղափոխությունը մեծավ մասամբ կատարել է մեդիամանիպուլյացիաների հիման վրա: Եվ նա հասկանում է, որ վերցնելով իշխանությունը՝ ինքը պետք է սահմանափակի այլ լրատվամիջոցների գործունեությունը, որպեսզի ինքը չկորցնի իշխանությունը: Այսինքն՝ ինքը շատ ավելի լավ է հասկանում լրատվամիջոցների դերը, խոսքի արժեքը, քան Սերժ Սարգսյանը, Ռոբերտ Քոչարյանը, իրենից առաջ եղածները:
Վարչապետ Նիկոլ Փաշինյանը, ըստ քաղաքագետի՝ ոչնչացրել է ընդդիմադիր Նիկոլին. «Թքել, անցել է այդ ամեն ինչի վրայով: Հիմա նա ամեն ինչ անում է նույն ձևով, նույն սկզբունքներով, ինչը որ քննադատում էր, շատ տեղերում էլ գերազանցել է այն մարդկանց, ում քննադատում էր: Այս տեսակետից ընդդիմադիր Նիկոլ Փաշինյան այլևս գոյություն չունի: Ի դեպ, իշխանափոխություն իրականացնող Նիկոլ Փաշինյան էլ գոյություն չունի, այսօր մենք արդեն ունենք բռնապետությունից 5 պակաս մի իրավիճակ»:
«Մեր դիվանագիտական շահը սպասարկող գլխավոր անձնավորությունը չի կարողանում ճնշումների դիմանալ, հարվածներ պահել, այսինքն՝ մի քիչ կոպիտ տոնով լրագրողը հարց է տալիս, Զոհրաբ Մնացականյանը խառնվում է իրար»:
«Փաշինյանը զգում է, որ չի կարողանում, ու զգում է, որ դա իր մեղքը չէ, բայց ինչ-որ բաներ պետք է անի, իրենից սպասում են, և միակ ձևը տեսնում է՝ այ, որ հիմա սրան բռնեմ, մի 10 հազար հոգի գուցե լավ զգա, ուրիշ տարբերակ չկա, որ ինքը դրական էմոցիաներ տա ժողովրդին: Փաշինյանը հիմա պատանդ է»: