«Լեռնային Ղարաբաղի ժողովրդի կամարտահայտությունը երբեք չի կարող դրվել հարցականի տակ և ԼՂ ժողովուրդը երբեք չի եղել ու չի լինելու Ադրբեջանի տիրապետության տակ: Թող Արցախից էն կողմ գտնվող նավթադոլարներով հարուստ երկրում մոռանան դրա մասին»,- այսօր ԱԺ-ում լրագրողների հետ զրույցում հայտարարեց ԱԺ փոխնախագահ Էդուարդ Շարմազանովը` մեկնաբանելով Ադրբեջանի նախագահի հայտարարությունը, թե Լեռնային Ղարաբաղը երբեք չի ստանա անկախություն Ադրբեջանի պատմական հողերի վրա, Ղարաբաղի կարգավիճակը ապագայի հարց է և այն չպետք է խախտի Ադրբեջանի տարածքային ամբողջականությունը:
«Չենք հանձնելու ո՛չ օդը, ո՛չ հողը», «ՀՕՊ-ի հանձնումը=Ստեփանակերտի ռմբակոծում», «Դավաճանության հերթական քայլը», «Մենք չենք վստահում պերմյակովների բանակին, մենք վստահում ենք Հայոց բանակին»… Այսպիսի ցուցապաստառներով այսօր ԱԺ դիմաց բողոքի ակցիա է կազմակերպվել՝ ընդդեմ «ՀՀ և ՌԴ միջև Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին» համաձայնագրի վավերացման:
«Այս պահին իշխանությունը փորձում է մեզ հավաստիացնել, թե խնդիրներ չենք ունենալու, ամեն ինչ ճիշտ է ամրագրված, բայց կտեսնենք, որ Ռուսաստանն աշխարհաքաղաքական առումով իր խնդիրը լուծում է, իսկ տակավին հարց է, թե ի՞նչ խնդիր է լուծում Հայաստանը»։
«Մարդկանց մոտ դեռ չկա ընկալումը, թե ինչ «կենդանի» է այդ Հարկային օրենսգիրքը։ Հայաստանում հարկային համակարգի զարգացումը սկսվել է 90-ականներին, երբ մենք ունեինք 3 էջից բաղկացած մեկ հարկային օրենք՝ «Հարկերի մասին» օրենքը, որից հետո շատ բուռն զարգացում է եղել՝ ձևավորվել են նոր հարկատեսակներ և վարչարարության համակարգ»։
Վերին Լարսի անցակետի՝ քարաթափման հետևանքով փակվելու պատճառով կանգնել է ծիրանի արտահանման գործընթացը: 168.am-ի հետ զրույցում Խաղողապտղագինեգործության գիտական կենտրոնի տնօրեն Ֆիրդուս Հարությունյանը նշեց, որ ստեղծված իրավիճակում միակ լուծումը մթերող գործարանների կողմից ծիրանի մթերման գործընթացը շուտափույթ սկսելն է:
Փաստաթղթերի համաձայն, «Ալեքս Գրիգը» վերջին անգամ ստուգման ենթարկվել է 2013 թ.-ին, իսկ հաջորդ բոլոր տարիներին շարունակել է մնալ ստուգումների ցուցակում:
Որպես ՓՄՁ զարգացման հիմնական խոչընդոտ՝ Հ.Ավագյանը նշեց 3 խնդիր` բիզնես շահերի պաշտպանություն, ֆինանսական ռեսուրսների անհասանելիություն և սպառման շուկա
Պատգամավորի խոսքով՝ ՀՕՊ-ի մասին համաձայնագիրն առաջիկա արտահերթ նիստում ներառելը գուցե նաև կապված է այս օրերին Մոսկվայում ՀՀ ՊՆ պատվիրակության ձեռք բերած մի շարք պայմանավորվածություններով. «Միգուցե դետալներ կար, որ անհրաժեշտ էր ճշտել: Ընդհանուր առմամբ, համաձայնագրի հետ կապված՝ պարզաբանումները շատ հստակ տրվել են և, կարծում եմ՝ ԱԺ-ում այդ մասին առավել մանրամասն կներկայացվի»:
Հայաստանի գործարար շրջանակները տեղյակ չեն Ռուսաստանի Կենտրոնական բանկի նախազգուշացումների մասին: Մասնավորապես՝ ՌԴ ԿԲ-ն այսօր զգուշացրել էր Հայաստանի ֆիկտիվ ներմուծման սխեմայի առկայության մասին, որ ռուսաստանյան բանկերը կարող են ներգրավվել կասկածելի գործարքների մեջ, որոնք ներկայացնում են իրենց հաճախորդները Մաքսային միության երկրների ապրանքների հաշվարկի ժամանակ:
«Մամեդովը հայտնի է բավականին ոչ ադեկվատ հայտարարություններով, իր շուրթերով հնչեցնում են բաներ, որոնք սպասարկում են իրենց պրոպագանդան։ Դա զուտ ներքին օգտագործման հայտարարություն է»,- ասում է Ալեքսանդր Արզումանյանը։
Լեռնային Ղարաբաղի ոստիկանությունը Հայաստանի ոստիկանությունից աջակցություն է խնդրել, և վերջինս էլ նպատակահարմար է համարել բավարարել խնդրանքը: Ըստ այդմ՝ ԼՂՀ ոստիկանությանը կտրամադրվեն իրավախախտման կատարման վայրում վարորդի և տրանսպորտային միջոցի տվյալները շտեմարանների միջոցով պարզելու, ինչպես նաև սթափության վիճակի զննության համար նախատեսված սարքավորումներ: Հարցը ՀՀ ոստիկանապետ Վլադիմիր Գասպարյանը վաղը կներկայացնի կառավարության նիստում:
Անհասկանալի է, թե Վիճակագրական ծառայությունը որտեղից է վերցրել այդ թվերը, և ինչպես է ստացվել, որ այս տարվա հունվար-մայիսին արտահանման ծավալները 20% աճել են: Նման տեսակետ 168.am-ի հետ զրույցում հայտնեց Հայաստանի արտահանողների միության նախագահ Րաֆֆի Մխչյանը՝ խոսելով ԱՎԾ հրապարակած տվյալների մասին:
«Այսօր Հայաստանը Երևան քաղաքով մի բեռ է տանում, որ ամբողջ Հայաստանի բեռն է, իսկ մարզերը տնտեսության մեջ չեն մասնակցում: Բայց եթե նրանք մասնակցեին, մենք շատ ավելի հիմնավոր գործընթաց կունենայինք: Նաև սրա արդյունքում է, որ մի փոքր ակտիվացումը տոկոսային ոչ քիչ աճ է դառնում»:
«Լուսավոր Հայաստանը» կոչված է զսպելու քաղաքական դաշտում առկա անպատժելիությունը և հաշվետվողականություն ու թափանցիկություն պարտադրելու քաղաքականություն իրականացնողներին:
Թե ինչո՞ւ են իրավապահները որոշել Սէֆիլյանին ձերբակալել ուղիղ 1 ամիս անց, պաշտոնական պարզաբանում չտրվեց։ Իր արմատական հայացքներով հայտնի ընդդիմադիր գործչի թիմակիցները նրա ձերբակալությունը հենց այն օրը, երբ Սանկտ Պետերբուրգում ծրագրված էր Սարգսյան-Ալիև հանդիպումը, պարզապես զուգադիպություն չեն համարում։
Փորձեցինք ճշտել՝ Գ.Հարությունյանի՞ արջը չի փախել, թե՞ նա արջ չունի: Հ.Պապիկյանը պատասխանեց. «Եթե որևէ կենդանի պահում է Հարությունյանը, դա մեղու է: Էն էլ թռչուն է, կենդանի չի»:
«Ժիրայր Սէֆիլյանն իշխանություններին ինչ-որ հարցով խանգարել է, այսինքն՝ ինչ-որ գործընթացներ են հավանաբար սպասվում, որի պարագայում ինքը կարող է խանգարող լինել, քանի որ անցած մարտական ուղի ունի, նաև ազատամարտիկներին համախմբելու կարողություն, և երևի այդ առումով խանգարել է»,- 168.am-ի հետ զրույցում հայտարարեց «Նոր Հայաստան» հանրային փրկության ճակատի անդամ «Ժառանգություն» կուսակցության փոխնախագահ Արմեն Մարտիրոսյանը՝ մեկնաբանելով «Հիմնադիր խորհրդարանի» ղեկավար Ժիրայր Սէֆիլյանի ձերբակալությունը:
Ս.Սիմոնյանը նշեց, որ ուժայինները դուռը կոտրել, մտել են Սէֆիլյանի տուն, նրան տարել են և գնացել են ՇԱԳԱՄ («Շուշիի առանձնակի գումարտակիազատամարտիկների միավորում»), այնտեղ են խուզարկություն կատարում:
էլեկտրոնային համակարգի նկատմամբ վերահսկողություն իրականացնող համատեղ հանձնաժողով` ընդդիմության, քաղհասարակության և իշխանության ներկայացուցիչների մասնակցությամբ, և կախված այդ հանձնաժողովի լիազորություններից, իրապես վերահսկողություն իրականացնելու հնարավորությունից, հնարավոր է՝ ներառվեն այդ հանձնաժողովում և աշխատեն: «Բայց թե որքանո՞վ կլինի իրական վերահսկողություն, դեռ պարզ չի»,- ասաց նա:
ՀՀ կառավարությունը, KfW-ն և «Բարձրավոլտ էլեկտրացանցեր» ընկերությունը 2015 թ. դեկտեմբերին կնքել էին վարկային համաձայնագիր, որով «Կովկասյան էլեկտրահաղորդման ցանց III» ծրագրի իրականացման համար հատկացվել էր 83 միլիոն եվրո: Այդ միլիոններն այժմ ներառվելու են էլեկտրաէներգիայի սակագնում:
ԱԺ Տնտեսական հարցերի մշտական հանձնաժողովի նախագահ Վարդան Այվազյանը 168.am-ի հետ զրույցում մտահոգություններ հայտնեց այս խնդրի հետ կապված: «Առայժմ նախագծում որոշակի հարցադրումներ կան, որոնք կարգավորման մեխանիզմներով անհրաժեշտ է պարզեցնել»,- ասաց նա:
«Եթե համարենք ինչ-որ ճանապարհային քարտեզ կա, հնարավոր է` միանշանակ Լեռնային Ղարաբաղի խնդրի արծարծում, քրդական հարցի որոշակիորեն ինչ-որ «լուծումներ», մասնավորապես` քրդերին ռուսական կողմից օգնության չցուցաբերում, կամ նույնիսկ քրդական լիդերների ճնշում, այդ թվում` ոչ միայն՝ Թուրքիայում, այլ նաև՝ Ռուսաստանում: Դա լուրջ մարտահրավեր կլինի Հայաստանի համար»,- ասաց Հ.Արշամյանը:
Վարչության անդամ, «Արաբո» ջոկատի հրամանատար Մանվել Եղիազարյանը լրագրողների հետ զրույցում անկեղծացավ։ «Ես չեմ ընտրել «Համախմբումը», դուք մի ուժ ստեղծեցիք, ես ձեզ չմիացա՞։ Չկա այդ ուժը։ Մյուս նորաստեղծ կուսակցություններին չմիացա, որովհետև ամեն մարդ մի ձև է գտնում իր ճանապարհը, ես սա գտել եմ ավելի հարթ ու անվտանգ, պատեհ, քան մյուս կուսակցություններին համախմբվելը։ Դրա համար ես միացա «Համախմբում» կուսակցությանը։ Այնպիսի վիճակ է, որ քաղաքական դաշտում չկա լիակատար նախընտրելու տեղ»,- ասաց նա՝ հավելելով, թե «պարտավոր է իր լուման ներդնելու, նորից մի լավ բան փորձել անելու հայրենիքի համար»։
«Ես չեմ ընտրել «Համախմբումը», դուք մի ուժ ստեղծեցիք, ես ձեզ չմիացա՞: Չկա այդ ուժը: Մյուս նորաստեղծ կուսակցություններին չմիացա, որովհետև ամեն մարդ մի ձև է գտնում իր ճանապարհը, ես սա գտել եմ ավելի հարթ ու անվտանգ, պատեհ, քան մյուս կուսակցություններին համախմբվելը: Դրա համար ես միացա «Համախմբում» կուսակցությանը: Այնպիսի վիճակ է, որ քաղաքական դաշտում չկա լիակատար նախընտրելու տեղ»,- այսօր «Համախմբում» կուսակցության հիմնադիր համագումարի ժամանակ լրագրողների հետ զրույցում հայտարարեց «Արաբո» ջոկատի հրամանատար Մանվել Եղիազարյանը:
Նշելով, որ որպես անձ՝ թերություններ ունի, Օսկանյանը վստահեցրեց, թե անձնվեր պետական աշխատող է և հայրենասեր. «Ի տարբերություն այլոց` ես գումարներ չեմ աշխատել հայրենիքում, հակառակը, իմ կապերը ներդրել եմ գումարներ բերելու»: Նա նշեց, որ հրաժարվել է ԱՄՆ քաղաքացիությունից: «Ես լավ հայաստանցի եմ, ես լավ ղարաբաղցի եմ, լավ հալեպցի եմ»,- ոգևորված հայտարարեց Օսկանյանն ու արժանացավ բուռն ծափահարությունների:
«Համախմբում» կուսակցության հիմնադիր համագումարում այսօր կուսակցության նախագահ ընտրվեց ՀՀ նախկին արտգործնախարար, ԱԺ պատգամավոր Վարդան Օսկանյանը: Նախաձեռնող խմբի անդամ Էլինար Վարդանյանը հարկ չհամարեց նույնիսկ հարցնել` կա՞ն արդյոք այլ թեկածուներ: Հարցը միանգամից դրվեց քվեարկության, և ներկաները միաձայն կողմ քվեարկեցին:
«Որպեսզի գաղափարներն իրականանան, պետք է տեղի ունենա իշխանափոխություն: Կուսակցությունը գնում է ամբողջական իշխանափոխության: Սակայն իշխանափոխությունը նախագահի հրաժարականով չէ պայմանավորված, պետք է ունենալ հանրային վստահություն, ունենալ իր խոսքն ու ասելիքը որոշումների կայացման գործում»,- ասաց Կ.Անդրեասյանը:
Նախաձեռնող խմբի անդամ Անդրանիկ Թևանյանը հայտարարեց, որ 259 պատվիրակներից 252ը ներկա են, և ՀՀ հիմնի ներքո համագումարը հայտարարեց բացված: Նորաթուխ կուսակցականները որոշում ընդունեցին կուսակցության ստեղծման մասին, հաստատեցին ծրագիրը, կանոնադրությունը:
ԱԺ Տնտեսական հարցերի մշտական հանձնաժողովի նախագահ Վարդան Այվազյանը փաստաթուղթն առաջին ընթերցմամբ ընդունելը «168 Ժամի» հետ զրույցում կարևորեց աշխատանքային փաստաթուղթ ունենալու տեսանկյունից, հակառակ դեպքում պատգամավորները քննարկելու նյութ չէին ունենա։ Նա չհամաձայնեց բիզնեսի ներկայացուցիչների կարծիքին, որ այս տեսքով ընդունված ՀՕ-ն քաղաքական էլիտայի համար հավասարազոր է ինքնասպանության:
«Նման հանդիպում ժամանակին եղել է և՛ ֆրանսիական կողմի, և՛ ամերիկյան կողմի նախաձեռնությամբ։ Եվ այդ իմաստով՝ ես չեմ կարծում, որ այստեղ որևէ անհանգստանալու խնդիր կա»։
