Դիտորդական առաքելությամբ հետաքրքրված կազմակերպությունների մրցույթը դեռ չի անցկացվել, հաղթող հասարակական կազմակերպությունները դեռ հայտնի չեն, սակայն կառավարությունն արդեն այդ նպատակով 160 միլիոն դրամ է հատկացնում վարչապետի աշխատակազմին։
«Եթե ես հայտարարեի, որ իմ և «Բարգավաճ Հայաստան» խմբակցության ինչ-ինչ սկզբունքներն այլևս համահունչ չեն իրար, հիմա կկարողանայի պատասխանել հարցին, թե հստակ ի՞նչ սկզբունքների մասին է խոսքը, բայց քանի որ հայտարարություն տարածողը եղել է «Բարգավաճ Հայաստան» խմբակցությունը, ուստի չեմ կարող ասել, թե հայտարարության տեքստում ի՞նչ սկզբունքների մասին է խոսքը»։ Այս մասին այսօր 168TV-ի «Ռեվյու» հաղորդաշարի եթերում ասաց պատգամավոր Տիգրան Ուրիխանյանը՝ նշելով, որ խմբակցությունից հեռացել է հստակ գիտակցումով:
Անդրադառնալով մեկ այլ ուժի՝ Հայ ազգային կոնգրեսի տարածած հայտարարությանը, որով Կոնգրեսը ողջունել է Ազգային ժողովի ընդունած Հանրաքվեի մասին որոշումը, Աննա Մկրտչյանը նկատեց. «ՀԱԿ-ից այլ բան ակնկալել պետք էլ չէր, բայց մյուս կողմից էլ՝ զարմացած եմ՝ մի՞թե ՀԱԿ-ում իրավաբաններ չկան, փաստորեն այդ կուսակցությունը կոչ է անում քվեարկել մի հանրաքվեի օգտին, որով նպատակ է դրված արդեն իսկ կիրարկված հոդվածի փոփոխություն»։
Հայաստանի Կառավարությունը ներկայացրել է օրենսդրական նախաձեռնություն, որով առաջարկվում է Հասարակական կազմակերպությունների մասին օրենքում կատարել փոփոխություններ և սահմանել պարտադիր պահանջ, որ հասարակական կազմակերպությունները պարտավոր են, բացի յուարաքանչյոր տարի ներկայացվող հաշվետվությունները, տարեկան հաշվետվություն ներկայացնել նաև էլեկտրոնային եղանակով, որի համար ստեղծվել է taxservice.am հարթակը, որտեղ հրապարակված հաշվետվությունները այլևս հասանելի են լինելու նաև հանրությանը։
Ազգային ժողովի «Լուսավոր Հայաստան» խմբակցությունը ԱԺ լիագումար նիստերի օրակարգում ներառելու համար ներկայացրել է օրենսդրական նախաձեռնություն, որը վերաբերում է վարկային կազմակերպությունների և բանկերի՝ ժամկետանց և չվճարված վարկային պարտավորություններին։
Ազգային ժողովի «Բարգավաճ Հայաստան» խմբակցությունն ԱԺ լիագումար նիստերի օրակարգ ընդգրկելու համար ներկայացրել է օրենսդրական նախաձեռնություն, որով առաջարկում է ստեղծել պետական մի ընկերություն, որը կզբաղվի ոսկյա և թանկարժեք իրերի, զարդերի հարգադրոշմամբ, ընկերությանը զինել ժամանակակից տեխնիկայով և այն գումարները, որոնք այդ նպատակի համար ուղղվում են գործող 8 մասնավոր ընկերություններին, ուղղել պետական բյուջե։
Ազգային ժողովի «Իմ քայլը» խմբակցության պատգամավոր Տիգրան Ուլիխանյանի համոզմամբ՝ Սահմանադրության փոփոխության հանրաքվեի մասին խոսելիս նախ պետք է հիշել մի շատ պարզ հարց՝ Ազգային ժողովը որոշել է X հարցը տանել և դնել ՀՀ քաղաքացիների դիմաց՝ նրանց կամքը ճշտելու համար, իսկ ՀՀ քաղաքացիները որևէ կերպ իրենց կամարտահայտությունը չեն կարող սահմանափակել որևէ իրավական ակտով և այդ թվում՝ Սահմանադրությամբ։ Այս մասին այսօր 168 TV-ի «Ռեվյու» հաղորդաշարի եթերում կազմակերպված բանավեճի ընթացքում ասաց պատգամավորը։
Այսօր «Ռեվյու» հաղորդման հյուրերն են ԱԺ «Իմ քայլը» խմբակցության պատգամավոր Տիգրան Ուլիխանյանն ու իրավաբան Արսեն Բաբայանը: Հաղորդումն ամբողջությամբ կարող եք դիտել 22:50-ին:
Այսօր վաղ առավոտից բողոքի ակցիա են անցկացնում Երևան քաղաքը սպասարկող մի շարք երթուղային միկրոավտոբուսների և ավտոբուսների վարորդներ։ Մասնավորապես՝ այսօր աշխատանքի դուրս չէին եկել համար 19, 21, 25, 29 երթուղիները սպասարկող միկրոավտոբուսներն ու 24 համարի երթուղին սպասարկող ավտոբուսները։
ՀՀԿ երիտթևի անդամ, մանկավարժական գիտությունների թեկնածու, դոցենտ Լևոն Նազարյանի համոզմամբ՝ հանրապետության նախագահ Արմեն Սարգսյանը պետք է դրսևորի անհրաժեշտ քաղաքական կամք, հայտնվի հասարակության գիտակից հատվածի կողքին և Հանրաքվեի մասին օրենքը չստորագրի այնպես, ինչպես չստորագրեց «Բանկային գաղտնիքի մասին» օրենքը։ 168 TV-ի «Ռեվյու» հաղորդաշարի եթերում ասաց Նազարյանը՝ ընդգծելով, որ, եթե Արմեն Սարգսյանը ցանկանում է, որ ժողովրդին հանրաքվեի և պլեբիսցիտի միջոցով դիմելու մշակույթն ամրապնդվի, ապա այստեղ առաջանում են մի շարք լրջագույն հարցեր։
168.am-ի տեղեկություններով՝ այս պահին «Աստղիկ» բժշկական կենտրոնում բուժզննում է անցնում Հանրապետության նախագահ Արմեն Սարգսյանը։
Հայաստանում երեկ տեղի ունեցավ հերթական խայտառակությունը, և երկու տարի անընդմեջ երկրում ընթացող հակապետական զարգացումները հասան իրենց կուլմինացիային, իսկ իշխող ուժը թաղեց և՛ ժողովրդավարությունը, և՛ մարդու իրավունքները։ 168 TV-ի «Ռեվյու» հաղորդաշարի եթերում ասաց ԱԺ Հանրապետական կուսակցության նախկին պատգամավոր Մարգարիտ Եսայանը։
Ազգային ժողովի «Լուսավոր Հայաստան» խմբակցությունն ուզում է, որ Հայաստանը լինի իրավական պետություն, իսկ «Իմ քայլը» խմբակցությունը փորձում է փոխել Սահմանադրությունը, ինչի համար նախ պետք է ստեղծվի հանձնաժողով, լինեն քննարկումներ մասնագետների հետ, որից հետո այդ առաջարկները պետք է Սահմանադրական դատարանը որոշում ընդունի դրանց հակասահմանադրական լինել-չլինելու մասին, բայց հիմա, եթե այս գործընթացը փորձում են շրջանցել, ապա այդ շրջանցումը միանշանակ հակասում է օրենքի և Սահմանադրության ոգուն, և արվում է մի բան, որի համար մեր գործընկերները մեղադրում են Հրայր Թովմասյանին։
Ազգային ժողովի կանոնակարգ սահմանադրական օրենքը թույլ է տալիս, որ Սահմանադրական փոփոխությունների նախագիծն ընդունվի պատգամավորների 2/3-ով, և դուք կարող էիք այստեղ այդ հարցը լուծել, բայց դուք ասում եք՝ թող ժողովուրդը որոշի, որն, ի դեպ, արդեն մեկ անգամ որոշել է և ձեզ տվել 70 տոկոս քվե, բայց այսօր էլ դուք փորձում եք ձեր լիազորությունները թողնել այդ նույն ժողովրդի վրա, իսկ դա ունի հատուկ նպատակ։ Այս մասին այսօր Ազգային ժողովում ասաց «Լուսավոր Հայաստան» խմբակցության պատգամավոր Անի Սամսոնյանը՝ նշելով, որ «Իմ քայլը» հաշվարկել է այս առաջարկվող փոփոխությունների քաղաքական հետևանքները, և, որպեսզի հետագայում կարողանա խուսափել պատասխանատվությունից, դա որոշել է թողնել ժողովրդի վրա։
Այն, ինչ այսօր կատարվում է Հայաստանում և Ազգային ժողովում, գժվելու բան է, որովհետև լրատմամիջոցներ կան, որոնք գումար են ստանում այն մարդկանցից ու մարդուց, որ ՀՀ-ում լրատվամիջոց է փակել, որը ԵԽԽՎ-ին ասում էր՝ «պոլիտբյուրո», որը ՀՀ-ում քաղբանտարկյալներ էր ստեղծում, իսկ հիմա գալիս են, ինձ հարցնում են ԵԽԽՎ-ի մասին. դա աբսուրդ է։ Այս մասին այսօր Ազգային ժողովում հայտարարեց ԱԺ փոխնախագահ Ալեն Սիմոնյանը։
Արդեն 20 տարի է՝ նախորդ իշխանությունները բռնազավթել են ժողովրդի իշխանությունը և այդ տարիների ընթացքում Սահմանադրական դատարանը դակել է իշխանության որոշումները։ Այս մասին այսօր Ազգային ժողովում իրավական ձևակերպումները թողնելով «Լուսավոր Հայաստան» խմբակցության պատգամավորներ Էդմոն Մարուքյանին և Տարոն Սիմոնյանին՝ ասաց «Իմ քայլը» խմբակցության պատգամավոր Սասուն Միքայելյանը՝ խոսելով, իր խոսքերով, ՍԴ-ում ստեղծված իրավիճակը հանգուցալուծելու մասին։
Ազգային ժողովի «Բարգավաճ Հայաստան» խմբակցության պատգամավոր Միքայել Մելքումյանն «Իմ քայլը» խմբակցության պատգամավոր Վահագն Հովակիմյանից այսօր հետաքրքրվեց՝ արդյոք նրա առաջարկած օրենսդրական փոփոխությունները չե՞ն նսեմացնում պետական ինստիտուտը՝ Սահմանադրական դատարանը, որն անկախ ամեն ինչից՝ շարունակում է գործել, և արդյո՞ք ներկայացված նախագիծը բխում է պետական շահից, որն այս պարագայում ստորադասվում է քաղաքական շահին։
Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանն «Իմ քայլը» խմբակցության պատգամավոր և աղմկահարույց օրենքի նախագծի հեղինակ Վագահ Հովակիմյանին խնդրեց պատասխանել երեք հարցի.
Պատգամավորը հայտարարեց, որ «Իմ քայլը» խմբակցությունն առաջին ընթերցմամբ չի ընդունելու իր ներկայացրած նախագիծը և առաջարկելու է քվեարկության դնել այն համաժողովրդական հանրաքվեի դնելու մասին նախագիծ։
Ազգային ժողովն այսօր փետրվարի 6-ին գումարել էր արտահերթ նիստ, որի օրակարգում ընդգրկված էին «Ազգային ժողովի կանոնակարգ», «Հանրաքվեի մասին», «Սահմանադրական դատարանի մասին» սահմանադրական օրենքներում լրացումներ և փոփոխություններ կատարելու մասին աղմկահարույց օրենքի նախագծերը։ Բոլոր երեք նախագծերն այսօր պետք է անցնեն առաջինից երկրորդ ընթերցում։
Ազգային ժողովն այսօր փետրվարի 6-ն գումարել էր արտահերթ նիստ, որի օրակարգում է «Ազգային ժողովի կանոնակարգ», «Հանրաքվեի մասին», «Սահմանադրական դատարանի մասին» սահմանադրական օրենքներում լրացումներ և փոփոխություններ կատարելու մասին աղմկահարույց օրենքի նախագծերը։
Վերջին մի քանի ամիսների ընթացքում Սահմանադրական դատարանի թեման շարունակում է մնալ հասարակական օրակարգի առաջին հորիզոնականում, բայց ես չեմ հասկանում, թե բարձր դատարանի վերաբերյալ Ազգային ժողովի «Իմ քայլը» խմբակցության պատգամավոր Վահագն Հովակիմյանի հեղինակած նախագիծն ինչպե՞ս կարելի է համարել Սահմանադրությանը չհակասող, եթե դրա վերաբերյալ չի լինելու Սահմանադրական դատարանի որոշում։ Ինձ համար անհասկանալի է նաև, առանց սահմանադրության պարտադիր […]
168 TV-ի «Ռեվյու» հաղորդաշարի եթերում Բեռլինի Շարիտեի համալսարանական կլինիկայում վերապատրաստված, Շենգավիթ ԲԿ-ի կրծքագեղձի վիրաբույժ Սոնա Հայրապետովան, խոսելով օրվա խորհրդի մասին, նշեց, որ այս հիվանդության վերաբերյալ տեղեկացվածության բարձր մակարդակը նպաստում է հիվանդությամբ պայմանավորված մահացությունների թվի կրճատմանը: Մասնագետն ընդգծեց նաև, որ հատկապես տարածված է կրծքագեղձի քաղցկեղը։
Վարչապետ Նիկոլ Փաշինյանն այսօր ֆեյսբուքյան իր էջով տեղեկացրել էր, որ կիրակի օրն ընտանիքով գնացել էին Արցախ՝ որդուն՝ Աշոտին տեսության, ճաշել էին ճամփեզրի ռեստորանում, որից հետո, երբ վճարել է հաշիվը, պարզվել է, որ ՀԴՄ կտրոն իրեն չեն կարողանում տրամադրել։ Վարչապետը ֆեյսբուքյան իր գրառման մեջ ընդգծել էր՝ ՀԴՄ կտրոն չխփողը զինվորի հացն է ուտում։
Ազգային վիճակագրական ծառայությունը հունվարի 31-ին հրապարակել էր 2019 թ. մակրոտնտեսական ցուցանիշները, ըստ որի՝ նախորդ տարի տնտեսական ակտիվության ցուցանիշը կազմել է 7.8%: 168 TV-ի «Ռեվյու» հաղորդաշարի եթերում «Ազգային օրակարգ» կուսակցության համահիմնադիր Ավետիք Չալաբյանի խոսքով՝ հրապարակված վիճակագրական տվյալների մեջ լավ նորություն է այն, որ 7.8 տոկոս տնտեսական աճը բավականին լավ ցուցանիշ է, որն արձանագրվել էր նաև նախկին վարչապետներ Կարեն Կարապետյանի և Տիգրան Սարգսյանի պաշտոնավարման ժամանակաշրջանում։
Օրերս պատմաբան, ՀՀԿ խորհրդի անդամ Գեղամ Պետրոսյանն իր ֆեյսբուքյան էջում հրապարակել էր 9-րդ դասարանի Հայոց պատմություն առարկայի ավարտական քննության հարցաշարից մի հատված, որտեղ նշված է, որ 1998-2008 թվականներին ընտրակեղծիքներով անցկացված ընտրություններից հետո 2 ժամկետով պաշտոնավարել է Ռոբերտ Քոչարյանը, հետո դարձյալ ընտրակեղծիքներով ընտրություններին հաղթել է Սերժ Սարգսյանը։ 168 TV-ի «Ռեվյու» հաղորդաշարի եթերում Գեղամ Պետրոսյանն ասաց, որ Հայոց պատմություն» առարկայի հարցաշարի նյութը պատմական առումով հիմնազուրկ և բոբիկ նյութ է՝ առանց որևէ պատմական և փաստական հիմքերի։
2019 թվականին շատ խոսվեց Ազգային ժողովի պատգամավորների տարբեր գործուղումների և դրանց համար բյուջեից ծախսվող հսկայական միջոցների մասին։ 2019 թվականին խորհրդարանականների գործուղումներն այնքան շատ էին, որ տարվա կեսին պարզվեց, որ ծախսվել է բյուջեով այդ նպատակի համար հատկացված ամբողջ գումարը, և կառավարությունը ստիպված էր հավելյալ 892 միլիոն դրամ հատկացնել, որպեսզի պատգամավորները ետ չընկնեն արտասահմանյան իրենց գործուղումներից, որոնք հետո շատերը որակեցին՝ որպես անարդյունավետ վոյաժներ։
«Ադրբեջանը նման բան էր առաջ քաշել, սահմանել էր կարմիր գծեր, և դա իր դիրքորոշումն էր ներկայացնում, հետևաբար՝ այդ մեմորանդումի հրապարակումից հետո ինձ հետաքրքրում էր՝ ի՞նչ է անելու Ադրբեջանը հիմա, արդյո՞ք Ժնևում խոսելու է այդ կարմիր գծերի մասին, իսկ գուցե հրաժարվելո՞ւ է։ Ինձ համար Մնացականյան-Մամեդյարով այս վերջին հանդիպման ընթացքում հուզող գլխավոր հարցը սա էր»,- ասաց Սարգսյանը։
Իշխող ուժը որդեգրել է իրավական պետության իրավանորմերի մեջ աբսուրդի թանգարանների նմուշներ ստեղծելու քաղաքականություն և շարունակում է չզարմացնել իր նախաձեռնությունների ոչ իրավական և հակասահմանադրական բնույթով։ 168 TV-ի «Ռեվյու» հաղորդաշարի եթերում ասաց սահմանադրագետ Գոհար Մելոյանը։
Հանրային հեռուստաընկերությամբ եթեր հեռարձակված՝ Սահմանադրական դատարանի նախագահի մասին պատմող ռեպորտաժից առաջին տպավորությունս այնպիսին է, որ գործ ունենք շատ քաղաքականացված նյութի մատուցման հետ, սա ուղղակի ինֆորմացիոն պատերազմի մի գործիք է, որը կիրառվում է Սահմանադրական դատարան-Կառավարության ղեկավար շատ վատ բնույթ ունեցող դեբատի մեջ։ Այս մասին այսօր 168 TV-ի «Ռեվյու» հաղորդաշարի եթերում ասաց «Մեկ Հայաստան» կուսակցության համահիմնադիր Վլադիմիր Մարտիրոսյանը։
