Իմաստ չունի փողոցից մարդուն հրավիրել, ասել՝ եկեք ձեզ թեստ անենք. Փաշինյան
Շաբաթ և կիրակի օրը բավականին մեծ թվով, համապատասխանաբար՝ 680 և 467 թեստ է իրականացվում: Այսօր Կառավարության արտահերթ նիստի ժամանակ ասաց Առողջապահության նախարար Արսեն Թորոսյանը՝ նշելով, որ աստիճանաբար կմեծանա կատարվող թեստերի քանակը, որոնք իրականացվում են, սակայն, ցուցումների դեպքում:
Նախարարը նշեց, որ այս պահին թեստերն իրականացվում են 6 լաբորատորիաներում, որոնց թիվն այս շաբաթ կհամալրվի ևս մեկով:
Վարչապետ Նիկոլ Փաշինյանն էլ հավելեց, որ, փաստորեն, իմաստ չունի փողոցից մարդուն հրավիրել ասել՝ եկեք ձեզ թեստ անենք:
Անցնող օրվա ընթացքում ունեցել ենք 26 նոր դեպք, ընդհանուր թիվը՝ 1039, 211-ը՝ բուժված, արձանագրվել է 14 մահ. փաստացի ակտիվ դեպքերի թիվը 814 է:
