Ձեր գազի ծախսի՝ մինչև 10.000, հոսանքի՝ մինչև 5000 դրամ վարձավճարի ուղիղ կեսը կվճարի Կառավարությունը
Կառավարությունն այսօր՝ ապրիլի 13-ին, ընդունեց Կորոնավիրուսի տնտեսական հետևանքները վերացնելուն միտված ևս մեկ միջոցառում: Այսօր ընդունված 11-րդ միջոցառումով կառավարությունը 50 տոկոսով կփոխհատուցի այն շահառուների գազի և հոսանքի վարձավճարները, որոնց փետրվար ամսվա գազի ծախսը կազմել է մինչև 10 հազար դրամ, իսկ հոսանքինը՝ մինչև 5000 դրամ:
Նախագիծը Կառավարության համաձայնությանը ներկայացրած փոխվարչապետ Մհեր Գրիգորյանի փոխանցմամբ՝ գումարները կփոխատուցվեն կոմունալ ծառայությունները վճարող ընկերությունների բաժանորդների հաշվին, իսկ այն քաղաքացիները, որոնք պարտքեր չունեն, համապատասխան գումարը նրանց հաշվին կփոխանցվի՝ որպես հաջորդ ամսվա կանխավճար:
