«Պատահական չեն թուրք-ադրբեջանական զորավարժությունները, Հայաստանի սահմանների նկատմամբ հարձակումները, անցյալ տարվա մայիսից Հայաստանի սուվերեն տարածքներից 110 քառակուսի կիլոմետրի օկուպացումը»,- ասաց Միքայելյանը՝ նկատելով, որ Ադրբեջանն իր պլանավորած ռազմական գործողությունները սկսելու նպատակով է նաև, որ Հայաստանում 3000 մետրից բարձր սարեր է վերահսկում։
«Հիմա հուլիսին պայմանավորվել են, որ հանձնեն Բերձորը, որի վերաբերյալ չկա որևէ գրավոր պայմանավորվածություն։ Նոյեմբերի եռակողմ հայտարարության մեջ Բերձորի հանձնման մասին խոսք չկա, խոսք կա ընդամենը այլընտրանքային ճանապարհի մասին, որը պետք է անցներ Լաչինի միջանցքով, սակայն իրականում այսօր կառուցվող այդ այլընտրանքային ճանապարհը չի մտնում Լաչինի միջանցքի մեջ»,- ասաց Հոխիկյանը։
«Ինձ մոտ հարց է առաջանում՝ լավ, այս ե՞րբ դարձանք այսքան ստամոքսապաշտ. Ո՞ր կետից սկսեցինք այդպիսին դառնալ»,- 168 TV-ի «Ռեվյու» հաղորդաշարի եթերում հարցադրում հնչեցրեց Վահագն Մելիքյանը՝ շարունակելով՝ այս հարցն իրեն մշտապես տանջում է, սակայն դեռ պատասխանն ամբողջապես չի գտնում։
«Բարգավաճ Հայաստանը» երբեք չի դիտարկելու, որ Արցախն ինչ-որ մի ձևով կարող է երբևէ առնչվել Ադրբեջանի հետ։ Այն քաղաքականությունը, որն այսօր գոյություն ունի, դա տանում է դեպի կործանում, իսկ խաղաղության դարաշրջանը բերելու է պատերազմի, ուստի պետք է դուրս գալ այն իլյուզիաներից, որի մեջ տապակված է իշխանությունը։ Կրկնում եմ՝ պատերազմ, արհավիրք և ոչնչացում են բերում նրանք, որոնք խաղաղության անվան տակ հանձնում են կամ փորձում են հանձնել ՀՀ կենսական շահերը»։
«Փոխարենը՝ մենք ունենք մի իրավիճակ, երբ հայկական կողմի լռությանը զուգահեռ՝ Եվրոպական միության հատուկ ներկայացուցիչ Տոյվո Կլաարը, որը միջնորդական առաքելությամբ է զբաղված մեր տարածաշրջանում, չգիտես ինչու, ողջունել է Ադրբեջանի նախագահի այն ելույթը, որտեղ Ալիևը սպառնում է մեզ՝ հայտնելով, որ, եթե «Զանգեզուրով միջանցք» Հայաստանը չտա, իրենք կդիմեն պատերազմի: Անհասկանալի է, որ Կլաարը ողջունում է այն հայտարարությունը, որտեղ Ալիևն ասում է՝ մենք հաղթող կողմ ենք, կասենք՝ ինչ ենք ուզում, հայերն էլ պետք է ենթարկվեն»,- ասաց Տաթևիկ Հայրապետյանը։
Մայիսի 19-ից մինչև 27-ը Հայաստան էր ժամանել երկու արտասահմանյան պատվիրակություն։
Նիկոլ Փաշինյանն իշխանության գալուց անմիջապես հետո մի քանի անգամ խոստացել է անհատ տաքսի վարորդներին ազատել օրենքով սահմանված արտոնագրային վճարից և լիցենզավորման պարտականությունից։
Թեև Նիկոլ Փաշինյանն իշխանության եկավ նախորդ իշխանություններին մեղադրելով նաև երկիրը պադավատապետության վերածելու մեջ, սակայն Փաշինյանի պաշտոնավարման օրոք այդ պադավատները պակասելու փոխարեն՝ ոչ միայն ավելացել են, այլև դրանք դարձել են ավելի թանկարժեք ու ծախսատար։
Նիկոլ Փաշինյանի իշխանության հետ համագործակցելու արդյունքում իր ֆինանսական վիճակը բարելաված Հայաստանի ապագա Գլխավոր դատախազ Աննա Վարդապետյանը 2021 թվականի իր հայտարարագրում հայտարարագրել է վարչապետի աշխատակազմից ստացած 10.5 միլիոն դրամ աշխատավարձ, ԵՊՀ-ից ստացած 624 հազար դրամ և փոխառություն՝ Էյչ-Էս-Բի-Սի Բանկ Հայաստանում՝ 3 միլիոն դրամի չափով։
Տավուշի թեմի առաջնորդ Բագրատ Սրբազանը վստահեցնում է՝ Արցախում ապրող ցանկացած հայ, ապրելով չորս կողմից շղթայված, միևնույն է՝ ունի սրբազան ուխտ՝ ոչ մի քայլ չի՛ զիջելու Արցախի ինքնորոշման իրավունքից. այդ ուխտն անսասան է, թեև Արցախում ապրողներն անորոշության մեջ են՝ Հայաստանից եկող տրամադրությունների պատճառով։
Կառավարությունը ՀՀ ոստիկանության ծառայողների աշխատավարձերի և հավելավճարների համար նախատեսված գումարը հերթական անգամ ավելացրել է. այս անգամ ավելացումը կազմում է շուրջ 2 միլիարդ դրամ։
Թուրքիայի ռազմավարական դաշնակից Կատարում 24 հոգանոց պատվիրակությամբ երկու օր անցկացնելուց հետո Նիկոլ Փաշինյանը վերադարձավ Հայաստան և «Բյուջե 2021-ի» կատարողականի քննարկման ժամանակն օգտագործեց՝ ոչ թե Հայաստանի բյուջեի կատարողականը ներկայացնելու, այլ, իր բնորոշմամբ, Արցախն Ադրբեջանին հանձնողների մասին խոսելու համար։
«ԱրԱր» հիմնադրամի համահիմնադիր, «Համախմբում» շարժման անդամ Ավետիք Չալաբյանը կշարունակի մնալ կալանավորված։
Վերջին 5 ամիսների ընթացքում Հայաստանում ունենք էական գնաճ. ունենք սննդամթերքի տեսակներ՝ հացաբուլկեղեն, բրինձ և այլն, որոնց գնաճը երկնիշ է, բայց քանի որ այս բարձր գնաճը կապված է արտաքին գործոններին՝ զուտ ներքին գործոն չէ, ուստի Կենտրոնական բանկի որոշումը՝ անփոփոխ թողնել վերաֆինանսավորման 9.25 տոկոս տոկոսադրույքը, դրական եմ համարում, հակառակ դեպքում՝ կստեղծեին խնդիր հատկապես փոքր և միջին բիզնեսի համար՝ թանկացնելով նրանց շրջանառու միջոցները։
«Այս հարցի պատասխանը ստանալու համար բավական է նայել Կառավարության հունիսի նիստը, որի ընթացքում ընդունվեց մթերող ընկերություններին միլիարդավոր դրամներ հատկացնելու վերաբերյալ նախագիծ։ Այս նախագծի վերաբերյալ ոլորտի պատասխանատու նախարարը (Էկոնոմիկայի նախարար Վահան Քերոբյան.- Ա.Ս.) և Կառավարության ղեկավարը շուրջ 18 րոպե այնպես էին խնդրահարույց նախագիծը քննարկում, ոնց որ քոռ դանակով մարդուն մորթեն»։
Հայաստանի ապագա իշխանությունը պետք է արժանի լինի Արցախ ունենալու պատվին, այդ ապագա իշխանությունը մենք ենք, իսկ իշխանությունը ձևավորելու է միայն ու միայն ժողովուրդը, հետևաբար, եթե ժողովուրդը տեսնի արտահերթ ընտրությունների կարիք, ապա «Ապրելու երկիր» կուսակցությունը դրանց կմասնակցի։
Պաշտպանության նախարարությունը 725 միլիոն դրամով նվազեցրել է հոսպիտալների և բուժկետերի բժշկական սարքավորումներով համալրելու, այլ սարքավորումներ ձեռք բերելու նպատակով 2022 թվականի բյուջեով հատկացված գումարը, որպեսզի կարողանան վճարել բանակի պաշտպանական կարիքների ձեռքբերման համար կնքված պայմանագրերի դիմաց։
Հյուսիս-Հարավ ճանապարհային միջանցքի ներդրումային ծրագրի շրջանակներում Սյունիքի մարզում Մ2, Երևան-Երասխ-Գորիս-Մեղրի-Իրանի սահման միջպետական ճանապարհի Ագարակ-Քաջարանի թունելի կառուցման նպատակով մի շարք տարածքներ հանրության գերակա շահ են ճանաչվել և օտարվել։
Չեմ կարծում, որ իշխանությունը հենց ինձ է միայն փորձում մեկուսացնել։ Ինձ հետ նույն կալանավայրում այժմ գտնվում են տասնյակից ավելի քաղբանտարկյալներ՝ մեկը մյուսից շինծու և անհեթեթ մեղադրանքներով։ Սակայն ամբողջ երկիրը բանտերում լցնել չի հաջողվելու, բանտերում հայտնվածների փոխարեն՝ գալու են նորերը, և, ի վերջո, այս «ժողովրդավար» իշխանության ստի և կեղծիքի մեքենան փուլ է գալու։
Տաթևիկ Ռևազյանի ղեկավարած Քաղաքացիական ավիացիայի կոմիտեում որոշել են 5.3 միլիոն դրամով կոմիտեի բազմաֆունկցիոնալ որակի կառավարման (quality management) և թռիչքների անվտանգության կառավարման (safety management) նոր համակարգեր ձեռք բերել։
Հայաստանի արտաքին գործերի նախարար Արարատ Միրզոյանը մեր տարածաշրջանում ազդեցիկ աշխարհաքաղաքական դերակատում ունեցող և Հայաստանի ռազմավարական դաշնակից երկրի՝ Ռուսաստանի արտգործնախարար Սերգեյ Լավրովի հետ հանդիպման ժամանակ մեկ բառ անգամ չասաց Արցախի ինքնորոշման իրավունքի անհրաժեշտության մասին. չասաց, որովհետև նրա քաղաքական թիմի ղեկավարը՝ Փաշինյանը, հայտարարել է, որ Արցախն անգամ տեսականորեն զրկվել է Ադրբեջանի կազմում չհայտնվելու որևէ հնարավորությունից։
«Եթե անգամ այս պայմաններում մարդիկ դուրս չեն գալիս փողոց ու չեն ընդվզում, դա արդեն նշանակում է, որ կանգնելու ենք մեր պետականությունը կորցնելու առաջ ու հայտնվենք թուրք-ադրբեջանական լծի տակ: Ի դեպ, եթե կան մարդիկ, որոնք մտածում են, թե «թուրքական լուծ» ասվածը մեզ հիմա չի սպառնում, ապա պետք է ուշադիր նայեն ու տեսնեն Վրաստանի թրքացումն ու հիշեն՝ թուրքական լուծը կա, պարզապես հիմա մոդեռնիզացված է, և մենք բախվելու ենք մոդեռն թրքական լծին»։
168.am-ի տեղեկություններով՝ Նիկոլ Փաշինյանը Հատուկ հանձնարարություններով դեսպան Էդմոն Մարուքյանին գործուղել է Արցախ՝ Արցախի ԱԺ բոլոր խմբակցությունների հետ հանդիպելու և իր վարած քաղաքական կուրսի վերաբերյալ խմբակցությունների անդամների և ղեկավարների հետ բացատրական աշխատանքներ տանելու նպատակով։
Նիկոլ Փաշինյանի հրաժարականի պահանջով փողոցում ծավալված շարժման վերաբերյալ գնահատականներ հնչեցնելուց առաջ նախ պետք է հիշել, որ ամեն ընդվզում չէ, որ կարող է ավարտվել իշխանափոխությամբ, օրինակ, 40 օրում. պետք է հիշել, որ ես, օրինակ, այս իշխանության դեմ ընդվզում եմ արդեն 4 տարի, ուստի ժամկետները պետք չէ շեշտադրել, իսկ այս պայքարին մենք աջակցել և աջակցում ենք, որովհետև որևէ բանական մարդ չի կարող անմասն մնալ դրանից։
Հայաստանում գյուղատնտեսությունը զարգացնելու համար պետք է անցում կատարել հողակտորների խոշորացմանը, որպեսզի Հայաստանում մեծ ներդրումներ անելու ցանկություն ունեցող ներդրողները չբախվեն հողերի կտրատվածությանը, ինչը մեծ և լուրջ խնդիր է։
Հայ ժողովրդի հավաքական տգիտությունն ինձ սարսափեցնում է. դա սարսափեցնում է ոչ միայն ինձ, այլ նաև ինձ շրջապատող նորմալ ադեկվատ հայերին, ուստի պատահական չէ, որ նրանց աչքերում հաճախ տեսնում եմ խելագարության նշույլներ ու սկսում հասկանալ, թե ինչո՞ւ և ինչպե՞ս խենթացավ Կոմիտասը. խենթացավ ոչ այնքան թուրք բարբարոսների ցեղասպան գործողություններից, որքան մեր հավաքական տգիտությունից և անտարբերությունից։
Տնտեսության 9.4 տոկոս ակտիվության ցուցանիշը հանրությանը ներկայացնելիս Կառավարությունը նախ պետք է բացատրի, թե այդ ի՞նչ է արել տնտեսությունը զարգացնելու համար, և ոչ թե՝ սպասի Վիճակագրական կոմիտեի հրապարակած ցուցանիշներին, դրանք փռի սեղանին ու հանրությանը ներկայացնի միայն պլյուսով թվերը, որովհետև պարզ է, չէ՞, որ տնտեսությունն ունի իներցիոն բնույթ, և եթե անգամ Կառավարության շենքը փակեն՝ գնան տուն և 3 ամիս աշխատանքի չգան, միևնույն է՝ տնտեսությունն իր իներցիայով կարող է աշխատել, ինչից հետո կարող են գալ ու նորից վիճակագրական թվերից ընտրել պլոււսով թվերն ու դա հրամցնել քաղաքացիներին։
Կառավարության որոշմամբ՝ ավելացվել է 2022 թվականի առաջին կիսամյակում պետական բյուջեով հատկացված ներկայացուցչական ծախսերը, այսինքն՝ Հայաստան ժամանած պատվիրակությունների ընդունելության համար նախատեսված գումարը։
Այսօր Արցախի ապագան կախված է նրանից, թե աշխարհաքաղաքական իրադարձությունների համատեքստում Հայաստանի իշխանությունն իրեն ինչպե՞ս կպահի, ուստի, հիմա խնդրահարույց է այն, որ ընդամենը իր իշխանության պահպանման մասին մտածող Փաշինյանի իշխանությունը Հայաստանի և Արցախի անվտանգության համար շատ կարճ ժամանակահատվածի կտրվածքով է կարողանում ինչ-որ բան անել, մինչդեռ, մենք կարիքն ունենք երկարաժամկետ ռազմավարությունների։
Գեղամասար խոշորացված համայնքի նախկին ղեկավար Հակոբ Ավետյանը մտահոգություններ ունի առ այն, որ հնարավոր է՝սահմանագծման անվան տակ, հերթական անգամ, Գեղարքունիքի մարզից տարածքներ հանձնվեն Արդբեջանին, այս անգամ՝ Վարդենիսից։ Ըստ Ավետյանի՝ Ադրբեջանը անցյալ տարվանից շարունակում է ոչ միայն օկուպացրած պահել Գեղարքունիքի մարզից հսկայական տարածքներ, այլ նաև ամրապնդվել է այդ տարածքներում՝ ամենուր իրականացնելով բետոնապատման և ամրաշինական աշխատանքներ։
