Ադրբեջանցի զինծառայողը կրակել է իր վրա
Ադրբեջանական APA լրատվական գործակալության փոխանցմամբ՝ ադրբեջանցի զինծառայողը կրակել է իր վրա: Միջադեպը գրանցվել է Նախիջևանի զորամասերից մեկում:
Զինծառայող Քյամրան Ռուստամօղլու Ջալիլովը վիրավորվել է իրեն ամրակցված զենքի հետ անզգուշաբար վարվելու հետևանքով: Վիրավոր զինծառայողին հոսպիտալացրել են: Ադրբեջանի ՊՆ-ի մամլո ծառայությունը հաստատել է այդ փաստը: Հարուցվել է քրեական գործ, տարվում է հետաքննություն:
Հիշեցնենք, որ «Դոկտրինա» լրագրողական ռազմական հետազոտությունների կենտրոնը երեկ հայտնել էր, որ Ադրբեջանի անվտանգության ու պաշտպանության ոլորտի կորուստներն այս տարի կազմել են 28 մարդ: Եվս 36 զինծառայող վիրավորվել է կամ վնասվածքներ է ստացել:
