Ուկրաինան կունենա Ղրիմի հարցերով նախարար
Украинская правда-ի փոխանցմամբ՝ Ուկրաինայի կառավարությունում ստեղծվելու է օկուպացված տարածքների հարցերով նախարարի կամ փոխվարչապետի պաշտոն, ինչպես նաև առանձին հատուկ դեպարտամենտ: Այն կզբաղվի Ռուսաստանի օկուպացրած ուկրաինական տարածքների վերադարձման խնդրով:
Այս մասին երեկ հայտարարել է Ուկրաինայի Գերագույն ռադայի նախագահ, Ուկրաինայի նախագահի պաշտոնակատար Ալեքսանդր Տուրչինովը: Գերագույն ռադան երեկ ընդունել է օկուպացված տարածքների մասին օրենքը, որով Ղրիմն ու Սևաստոպոլը ճանաչվել են ժամանակավոր օկուպացված տարածքներ:
