Հետաձգվել է Եվրոպայի Խորհրդի գլխավոր քարտուղարի այցն Ադրբեջան
Ադրբեջանական APA լրատվական գործակալության փոխանցմամբ՝ հետաձգվել է Եվրոպայի Խորհրդի գլխավոր քարտուղար Թհորբյորն Յագլանդի այցն Ադրբեջան: Այս մասին հայտնել է Եվրոպայի Խորհրդի մամուլի ծառայությունը:
Յագլանդի ադրբեջանական այցը պետք է տեղի ունենար ապրիլի 22-24-ին, սակայն այն հետաձգվել է մինչև մայիսի կեսեր: Միևնույն ժամանակ այսօր Ադրբեջան է ժամանել ԵԱՀԿ ԽՎ-ի նախագահ, Մոնտենեգրոյի խորհրդարանի նախագահ Ռանկո Կրիվոկապիչը: Նրա այցը տևելու է մինչև ապրիլի 17-ը:
