Իրանի ռազմաօդային ուժերը վարժանքներ են սկսել
Իրանական IRNA լրատվական գործակալության փոխանցմամբ՝ Իրանի ռազմաօդային ուժերի կործանիչները զորավարժություններ են սկսել մայրաքաղաք Թեհրանում գտնվող իրենց առաջին մարտավարական ավիաբազայում:
Զորավարժությունների անցկացման նպատակը զորահանդեսին նախապատրաստվելն է, որը Թեհրանում անցկացվելու է Իրանի Զինված ուժերի օրվա կապակցությամբ: Զորահանդեսն անցկացվելու է այաթոլլահ Խոմեյնիի դամբարանի առջև:
Զորավարժություններում ներգրավված են Իրանի ռազմաօդային ուժերի կործանիչներ, ռմբակոծիչներ, բեռնատար ու տրանսպորտային ինքնաթիռներ: Իրանում Զինված ուժերի օրը նշում են ապրիլի 18-ին: Առաջիկա զորահանդեսին մասնակցելու են Իրանի զինված ուժերի ու Իսլամական հեղափոխության պահակազորի բոլոր ստորաբաժանումները:
