Մանդարիններով մուալե
Բաղադրիչները՝
- 2 հատ մանդարին
- 100 գ նուշ կամ նուշի ալյուր
- 50 գ ցորենի ալյուր
- 3 հատ ձու
- 100 գ կարագ
- 100 գ շաքարի փոշի
- 0,3 թ.գ. փխրեցուցիչ
- կարագ՝ ֆորմաներին քսելու համար
Պատրաստման եղանակը
Կարագը հալեցրեք, օրինակ՝ դնելով միջին ուժգնության ջերմաստիճանի ջեռոցում:
Ձվերը հարեք մինչև միատարր զանգված ստանալը:
Շաքարի փոշին մաղեք պնակի մեջ, որպեսզի գնդիկներ չմնան:
Նույն պնակի մեջ մաղեք ալյուրը: Ավելացրեք փխրեցուցիչը և նուշի ալյուրը:
Մանդարինների կեղևից մոտ կես թեյի գդալի չափով աղացեք ու խառնեք ալյուրին:
Ալյուրի զանգվածին խառնեք ձվի զանգվածն ու խառնեք: Ստացվածը խառնեք կարագի հետ: Խառնեք մինչև միատարր զանգված ստանալը: Խմորը պատրաստ է:
Պատրաստեք ֆորմաները: Մանդարիններն ընտրեք ձեր ֆորմաների չափով:
Մանդարինները լվացեք, չորացրեք, վերևի մասը կտրեք ու օղակաձև կտրատեք՝ յուրաքանչյուր մանդարինից 3 օղակ ստանալով:
Ֆորմաները պատեք կարագով ու մանդարինի օղակները տեղադրեք դրանց մեջ:
Մանդարինների վրա լցրեք խմորը՝ ֆորմաների մոտ 2/3 բարձրությամբ:
Ֆորմաները մոտ 20 րոպեով տեղադրեք 180 աստիճան ցելսիուս տաքության ջեռոցում:
Մատուցելիս մուալեն շրջեք, որպեսզի մանդարինները երևան:
