Արևելյան շուկայի 5 կանոնները. ինչպե՞ս է ճիշտ սակարկել
Կանոն համար 1
Խանութի կամ կրպակի տերերը հաճախ հարցնում են, թե ում համար եք ձեռք բերում այս կամ այն ապրանքը: Ամենավատը, ինչը կարող եք պատասխանել՝ երեխայի/մայրիկի համար: Ձեզ միանգամից կտեղեկացնեն, որ երեխայի/մայրիկի համար ոչինչ չի կարելի խնայել: Խորհուրդ ենք տալիս ինչ-որ բան գնելիս հայտարարել, որ դա վերավաճառելու համար է: Մի խոսքով, ավելորդ շահագրգռվածություն ապրանքի նկատմամբ մի դրսևորեք:
Կանոն համար 2
Եթե խոսքը գնում է գնի մեծ զեղչի մասին, ապա բանակցություններ պետք է վարել այն մարդու հետ, ով որոշում կայացնելու իրավունք ունի: Խնդրեք կանչել կամ կառավարչին, կամ սեփականատիրոջը:
Կանոն համար 3
Պետք չէ զրկել վաճառողին զիջելու հնարավորությունից, բայց, միևնույն ժամանակ, թույլ տվեք նրան պահպանել դեմքը: Հեռանալիս մեկ անգամ ևս ասացեք, որ Ձեզ դուր է գալիս Ձեր ընտրած ապրանքը, և պատրաստ եք վճարել դրա դիմաց որոշակի գումար: Նա չի կարող թույլ տալ, որ գնաք մեկ այլ կրպակ, որտեղ, հնարավոր է, այդ գումարը բավարար է:
Կանոն համար 4
Սակարկելիս շատ մի խոսեք. դա ցույց է տալիս Ձեր շահագրգռվածությունը: Թող Ձեր տեղը խոսի լռությունը և Ձեր ինքնավստահությունը: Հանգիստ լսեք:
Կանոն համար 5
Ամեն ինչ փորձել եք, բայց Ձեր սպասված գնի իջեցմանը չեք հասել: Այդ ժամանակ մտովի կշեռքի մի նժարին դրեք այդ ապրանքի տերը դառնալու ցանկությունը, իսկ մյուսին՝ հայտարարված գնից զրկվելու դժկամությունը: Եթե երկրորդ նժարը գերազանցում է, ապա դուրս եկեք փողոց: Շանսը, որ վաճառողը Ձեր հետևից դուրս կգա, շատ մեծ է:
Պատրաստեց Անի Գաբուզյանը
