Վարդենիսի ոստիկանները գողության դեպք են բացահայտել
Ոստիկանության Վարդենիսի բաժնում օպերատիվ կառավարման կենտրոնից հաղորդում էր ստացվել, որ Կարճաղբյուր գյուղի տներից մեկի բակից գողություն է կատարվել:
Օպերատիվ խումբը մեկնել էր դեպքի վայր: Պարզվել էր` նշված տան բակից և կից կիսակառույց շինությունից մոտ մեկ ու կես միլիոն դրամի շինարարական ապրանք են գողացել:
Քրեական հետախույզների համալիր որոնողական աշխատանքի արդյունքում շուտով տեղեկություններ ստացվեցին, որ գողությունը հնարավոր է կատարած լինի նույն գյուղի 37-ամյա մի բնակիչ:
Կասկածվողը բերման ենթարկվեց ոստիկանության Վարդենիսի բաժին և տվեց խոստովանական բացատրություն:
Հանգամանքները պարզվում են:
Գողոնի մի մասը հայտնաբերվել և ի պահ է հանձնվել տուժողին: Ձեռնարկվում են միջոցառումներ` գողոնի մյուս մասը հայտնաբերելու ուղղությամբ: Փաստի առթիվ նախապատրաստվում են նյութեր:
