Իրանում առաջին անգամ ելույթ կունենա էլեկտրոնային փոփ-երաժշտություն նվագող արևմտյան խումբ
Գերմանական Schiller խումբը կդառնա էլեկտրոնային փոփ-երաժշտության ժանրի առաջին արեւմտյան կոլեկտիվը, որն Իրանում համերգով հանդես կգա 1979 թվականի իսլամական հեղափոխությունից հետո։
«Schiller-ը դեկտեմբերի 11-15-ը հինգ համերգ է տալու Թեհրանում»,-հաղորդվում է խմբի կայքում: Tik8 իրանական կայքը, որն զբաղվում է մշակութային միջոցառումների տոմսերի իրացմամբ, հայտնել է, որ դեկտեմբերի 11-ի եւ 12-ի համերգների բոլոր տոմսերը վաճառված են:
Schiller խումբը գերմանացի երաժիշտ Քրիստոֆեր ֆոն Դայլենի երաժշտական նախագիծն է, որը հայտնի վոկալիստների ու երաժիշտների է համագործակցության ներգրավում Գերմանիայից եւ Եվրոպայի այլ երկրներից, հաղորդել է ՌԻԱ Նովոստին:
