Դավիթ Յուրչենկոն՝ Հայաստանի ազգային թիմ իր հրավիրվելու մասին
«Անժի»-ի դարպասապահ Դավիթ Յուրչենկոն խոսել է ՀՖՖ նախագահ Ռուբեն Հայրապետյանի կողմից` Հայաստանի ֆուտբոլի ազգային թիմ իր հրավիրվելու մասին:
«Կընտրեմ այն թիմը (խոսքը Հայաստանի և Ռուսաստանի հավաքականների մասին է-խմբ.), որը սրտիս ավելի մոտ կլինի: Որոշում կայացնելուց հետո լեգիոնական կդառնամ: Ակումբի հետ խոսել եմ այդ մասին: Որոշում կկայացնեմ, երբ հանգամանալից զրույց լինի»,- Յուրչենկոյի խոսքը փոխանցում է Championat կայքը:
Հայաստանի ֆուտբոլի ֆեդերացիայի նախագահ Ռուբեն Հայրապետյանը հայտարարություն էր տարածել, որ ՀՖՖ-ն «գրկաբաց սպասում է Յուրչենկոյին հավաքականում»:
