Պետերբուրգի մետրոյում ահաբեկչության զոհերի թիվը հասել է 14-ի
Սանկտ Պետերբուրգի մետրոյում կատարված ահաբեկչական գործողության զոհերի ընդհանուր թիվը հասել է 14-ի: Այդ մասին հայտնել է ՌԴ առողջապահության նախարար Վերոնիկա Սկվորցովան:
«Այսօր կարելի է արձանագրել 14 մարդկանց մահը»,-ասել է նա լրագրողներին, հավելելով, որ նրանցից 11-ը մահացել են պատահարի վայրում, մեկը՝ հիվանդանոց տեղափոխելու ճանապարհին, եւս երկուսը՝ հիվանդանոցի ընդունարանում:
Նախարարի խոսքով՝ ներկայում 49 մարդ գտնվում է ստացիոնարում: «13-ին բաց են թողել: Բոլոր հիվանդներին ամեն օր զննում են լավագույն մասնագետները, բոլորն ապահովված են դեղորայքով եւ արյամբ»,-հայտնել է Սկվորցովան:
Լուսանկարը` ТАСС
