Ժամը 06.49-ից վերսկսվել են որոնողափրկարարական աշխատանքները, որին մասնակցում են նաև ոստիկանության Նոյեմբերյանի բաժնի աշխատակիցներ և Արճիս գյուղի բնակիչներ:
Հայաստանի Հանրապետության Նախագահ Սերժ Սարգսյանը ստորագրել է հրամանագիր Արմեն Պապիկյանին ՀՀ արտաքին գործերի նախարարի տեղակալի պաշտոնում նշանակելու մասին:
Սպիտակի 1988 թվականի դեկտեմբերի 7-ի ողբերգության մասին պատմող «Երկրաշարժ» ֆիլմի նոր պաստառն ազդարարում է ֆիլմի մեծ էկրան բարձրանալու օրը. ֆիլմի ռուսաստանյան պրեմիերան տեղի կունենա 2016 թ. դեկտեմբերի 1-ին: Իրական իրադարձությունների հիման վրա նկարահանված ֆիլմի ռեժիսոր Սարիկ Անդրեասյանը պատմում է Սպիտակ, Կիրովական, Գյումրի, Ստեփանավան և ավելի քան 300 բնակեցված վայրերի ավերվելու մասին:
«Գազպրոմը», որը երկար ժամանակ փորձում էր պայմանավորվածություն ձեռք բերել պաշտոնական Թբիլիսիի հետ գազամատակարարման վերաբերյալ, այլընտրանքային եղանակ է գտել և 100 միլիոն խմ գազ է վաճառել մասնավոր «Գազկո+» գնորդին, հայտնում է «Կոմերսանտը»:
Իրանում՝ Քիրմանից Շիրազ ուղևորվող ավտոբուսը ընկել է խանդակը Նեյ Ռիզ շրջանում, հայտնում է APA-ն:
Հռոմի Ֆրանցիսկոս պապը համոզված է, որ եվրոպացիները փախստականներին պետք է վերաբերվեն որպես եղբայրների: Այդ մասին նա հայտարարել է ամենշաբաթյա ունկնդրության ժամանակ, որին մասնակցել են նաեւ մի քանի փախստականներ:
Ժիրայր Սէֆիլյանին կալանավորելու միջնորդություն է ներկայացվել Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան։ Փաստաբանի փոխանցմամբ՝ քիչ անց դատարանում կմեկնարկի միջնորդության քննությունը։
Նախագահ Սերժ Սարգսյանն այսօր աշխատանքային այցով մեկնել է Լեռնային Ղարաբաղի Հանրապետություն: Այս մասին տեղեկացնում են ՀՀ նախագահի աշխատակազմից:
Քաղաքացին դիմել է Մարդու իրավունքների պաշտպանին եւ հայտնել,որ որդին, ով սովորում է Երեւանի պետական համալսարանում, առաջին կիսամյակի ավարտից հետո զորակոչվել է պարտադիր ժամկետային զինծառայության եւ ծառայության ընթացքում իրականացրել մարտական հերթապահություն: Ծառայության ավարտից հետո ուսումը ԵՊՀ-ում շարունակել է առաջին կուրսի երկրորդ կիսամյակից, սակայն չի կարողացել ստանալ ուսման վարձի փոխհատուցում՝ որպես մարտական հերթապահություն իրականացրած զինծառայող:
Լեռնային Ղարաբաղի ոստիկանությունը Հայաստանի ոստիկանությունից աջակցություն է խնդրել, և վերջինս էլ նպատակահարմար է համարել բավարարել խնդրանքը: Ըստ այդմ՝ ԼՂՀ ոստիկանությանը կտրամադրվեն իրավախախտման կատարման վայրում վարորդի և տրանսպորտային միջոցի տվյալները շտեմարանների միջոցով պարզելու, ինչպես նաև սթափության վիճակի զննության համար նախատեսված սարքավորումներ: Հարցը ՀՀ ոստիկանապետ Վլադիմիր Գասպարյանը վաղը կներկայացնի կառավարության նիստում:
Որոշ հայ խորհրդարանականներ ակնարկում են, թե դրա ձգձգման պարագայում Մոսկվան կարող է ճնշում գործադրել Երևանի վրա՝ ուշացնելով Հայաստանին խոստացած ռազմական տեխնիկան:
Հրանուշ Խառատյանի համոզմամբ՝ եթե Հռոմի պապի այցի օրակարգը խելացի կազմակերպվի, ապա դա լավ հնարավորություն կստեղծի՝ ներկայանալու աշխարհին, ներկայացնելու հասցեական ուղերձներ. «Այս պահի դրությամբ, սակայն, չեմ տեսնում հնարավոր մարդկանց շրջանակը, որոնք պետք է կցված լինեին այցի արարողակարգին: Ամեն դեպքում, այս այցը Ցեղասպանության ճանաչման քննարկման դաշտն անկասկած կընդլայնի, սակայն իրավական հարթության հարցեր չի լուծի: Կոտորածների տարիներին կաթոլիկ եկեղեցին օգնել է առավելապես կաթոլիկ հայերին»:
Նախնական քննությամբ բավարար ապացույցներ են ձեռք բերվել առ այն, որ նա կազմակերպել է մի խումբ անձանց կողմից ապօրինի կերպով զենք և ռազմամթերք ձեռք բերելը, փոխադրելը և տարբեր վայրերում դրանք ապօրինի կերպով պահելը:
Հայաստանի Հանրապետության արդարադատության նախարարության քրեակատարողական վարչության, Կարմիր խաչի միջազգային կոմիտեի և «Նուբարաշեն» քրեակատարողական հիմնարկի համագործակցության արդյունքում կնքված պայմանագրի շրջանակներում «Նուբարաշեն» ՔԿՀ-ում շահագործման հանձնվեց դատապարտյալների համար նախատեսված մարզասրահը:
Մոսկվայի քաղաքային դատարանը գործարար Լեւոն Հայրապետյանի նկատմամբ դատավճռի գանգատարկման քննությանը նվիրված նիստի ընդմիջում է հայտարարել նրա առողջական վիճակի վատանալու պատճառով: Իր վիճակի վատանալու մասին դատապարտյալը դատավորներին հայտնել է նիստում, որին նա հետաքննչական մեկուսարանից մասնակցում է տեսակապի միջոցով, տեղեկացնում է ՏԱՍՍ-ը:
Chess.com կայքը կազմակերպել է շախմատի կայծակնային մրցաշար, որին մասնակցում է Մագնուս Կարլսենը: Անցկացվել է նաև որակավորման մրցաշար, որտեղ հաղթող է ճանաչվել Տիգրան Լ. Պետրոսյանը:
Ռուսաստանի նախագահ Վլադիմիր Պուտինը հունիսի 22-ին՝ ԽՍՀՄ-ի վրա հիտլերյան Գերմանիայի հարձակման 75-րդ տարելիցի օրը, Ալեքսանդրյան այգում ծաղկեպսակ է դրել Անհայտ զինվորի շիրիմի մերձակա Անմար կրակի մոտ:
Հունիսի 22-ին ԵԽԽՎ ամառային նստաշրջանի լիագումար նիստի օրակարգում քննարկման դրվեց` « Թուրքիայում ժողովրդավարական հաստատությունների գործունեությունը» թեմայով զեկույցը, որի ընթացքում ԵԽԽՎ հայկական պատվիրակության ղեկավար, ԱԺ փոխնախագահ Հերմինե Նաղդալյանը հանդես եկավ ելույթով` խստագույնս դատապարտելով Թուրքիայում տիրող ժողովրդավարական իրավիճակը:
Պոլսո Հայոց պատրիարքական փոխանորդ Արամ արքեպիսկոպոս Աթեշյանը վերադարձել է Ստամբուլ. պատրիարքական փոխանորդը չեղյալ է համարել նախապես ծրագրած այցը Հայաստան` հաշվի անելով իր իսկ անվան շուրջ ստեղծված բացասական տրամադրվածությունը:
Վատիկանի արխիվում պահվող փաստաթղթերը ներառում են Հին Եվրոպայի, Ամերիկայի հայտնագործման ժամանակահատվածից ընդհուպ մինչեւ Երկրորդ համաշխարհային պատերազմ:
«Մենք ունենք հերթական քաղաքական բանտարկյալը՝ ի դեմս Ժիրայր Սէֆիլյանի»,- այսօր լրագրողների հետ հանդիպման ժամանակ ասաց Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը:
ԱՄՆ-ի պետքարտուղարի տեղակալ Վիկտորիա Նուլանդը հունիսի 23-ին Մոսկվայում հանդիպում կանցկացնի ՌԴ նախագահի օգնական Վլադիսլավ Սուրկովի հետ, տեղեկացնում է «Ինտերֆաքսը»:
Մեծ Բրիտանիայի վարչապետ Դևիդ Քեմերոնը բրիտանացիներին դարձյալ կոչ է արել քվեարկել Եվրամիության երկրներում անդամակցության պահպանման օգտին՝ դա բացատրելով ապագա սերունդների բարեկեցությամբ:
Նա նախամրցաշրջանային նախապատրաստությունների ընթացքում միանալու է Զինեդին Զիդանի թիմին: Ոչ մի այլ ինֆորմացիա կայքում չկա:
Ամերիկացի դերասանուհի Ումա Թուրմանը վարժանքի ժամանակ ընկել է ձիուց, ինչի հետեւանքով կոտրվածքներ է ստացել: Այս մասին հայտնում է Page Six պորտալը՝ վկայակոչելով դերասանուհու ներկայացուցչին:
2015 թվականի նոյեմբերի 1-ին՝ ժամը 10:00-ի սահմաններում, Երևան քաղաքի Արտաշատի խճուղու թիվ 5/7 հասցեի դիմաց գտնվող կամրջի մոտեցման հենապատի բետոնի ամրացման համար մետաղյա վահանները հաշվելու ընթացքում շինարարության բանվոր Ռազմիկ Ա.-ն կանգնել է բետոնին հենված վահանի վրա, որի ժամանակ հողի շերտը պոկվել, թափվել է նրա վրա, ինչի հետևանքով վերջինս ստացել է մարմնական վնասվածքներ:
Մոտակա 5 տարում միգրացիոն ճգնաժամի պատճառների դեմ պայքարի վրա հավելյալ ծախսվելու է 6 միլիարդ եվրո:
ԺՀԿ-ն դատապարտոմ է վարչախմբի հանցավոր գործելաոճը հայ ժողովրդի և Հայաստանի Հանրապետության օրհասական ժամանակ երկրի ու ժողովրդի անվտանգությունը ամրապնդելու, հասարակությանը համախմբելու իրական քայլեր իրականացնելու փոխարեն զբաղված է ներքին ինտրիգներով` հասարակությունը պառակտելով երկարաձգում է սեփական իշխանությունը և թալանի շարունակումը:
Հռոմի Ֆրանցիսկոս պապի` Հայաստան կատարելիք այցի ծրագրին հատուկ պատվիրակություն կմասնակցի Մեծի Տանն Կիլիկիո կաթողիկոսությունից:
ՀՀ հանրային ծառայությունները կարգավորող հանձնաժողովը Ռուսաստանի դեսպանությանը Երեւանում եւ մերձակա բնակավայրերում ռադիոհաճախականությունների օգտագործման թույլտվություն տրամադրեց: Հանրային ծառայությունները կարգավորող հանձնաժողովի հեռահաղորդակցության վարչության պետ Գևորգ Գևորգյանը նշեց, որ դա կապի միջոց է, այստեղ արտառոց ոչինչ չկա, նման նախադեպեր նույնպես եղել են:
