Հայաստանում ՌԴ դեսպանատանը ռադիոհաճախականություն տրվեց
ՀՀ հանրային ծառայությունները կարգավորող հանձնաժողովը Ռուսաստանի դեսպանությանը Երեւանում եւ մերձակա բնակավայրերում ռադիոհաճախականությունների օգտագործման թույլտվություն տրամադրեց: Հանրային ծառայությունները կարգավորող հանձնաժողովի հեռահաղորդակցության վարչության պետ Գևորգ Գևորգյանը նշեց, որ դա կապի միջոց է, այստեղ արտառոց ոչինչ չկա, նման նախադեպեր նույնպես եղել են:
«Նախադեպեր կան, Հայաստանում ԱՄՆ-ի դեսպանատունը ևս ունի ռադիոհաճախականություն, այսօր էլ թույլտվություն տրվեց Հայաստանում Ռուսաստանի դեսպանատանը: Դա ընդունված պրակտիկա է, այնպես ինչպես Հայաստանի Հանրապետության դեսպանատներն արտերկրում օգտագործում են տվյալ երկրների ռեսուրսները»,- ասաց Գևորգ Գևորգյանը:
ՌԴ դեսպանությանը հատկացվեցին 147.150 մեգահերց եւ 147.350 մեգահերց ռադիոհաճախականությունները: Թույլտվությունը տրամադրվում է մեկ տարով:
