Թուրինցիները և մերսիսայդցիները ֆուտբոլիստներով մատակարարել են 10 հավաքականների:
«Ես այստեղ նշանակված եմ Հայ Հեղափոխական Դաշնակցության առաջադրմամբ և այն հայացքները, որ առաջ է տարել քաղաքական ուժը, ես պետք է առաջ տանեմ», – ասաց Արծվիկ Մինասյանը: Լրատվամիջոցների ներկայացուցիչներին նա հորդորեց իր խոսքերը ներկայացնել այնպես, ինչպես ինքն է ասում` առանց ենթադրություններ կատարելու: «Մի կտրեք իմ խոսքը կոնտեքստից, մի հանեք, մի փոխեք: Ինչ կա, ես պատրատ եմ պարզ, բաց տեքստով ասել»,-հավելեց նախարարը:
«Ադրբեջանի կողմից պլանավորած բլից-կրիգը տապալվեց, չնայած ապրիլյան քառօրյա պատերազմում Ադրբեջանը օգտագործեց իր ողջ հարձակվողական ռազմական արեսնալը, որը ձեռք էր բերվել նաեւ Ռուսաստանից։ Այսօր իմ երկրում կա լրջագույն մի հարց, որի վերաբերյալ մենք ուղղակի պարտավոր ենք այստեղ խոսել բաց եւ անկեղծ»։
«Վարշավայում լուրջ որոշուներ են կայացվելու»,- այս մասին 168.am-ի հետ զրույցում ասաց կովկասյան և Կենտրոնական Ասիայի անվտանգությամբ, հետսովետական երկրներում էներգետիկ հիմնահարցերով զբաղվող, Լոնդոնի «Քինգզ» քոլեջի դոկտոր Թրեյսի Ջերմանը՝ անդրադառնալով Վարշավայում կայանալիք ՆԱՏՕ-ի գագաթաժողովի օրակարգին ու Հայաստանի մասնակցության ձևաչափին։
Գերմանիան, ճանաչելով Օսմանյան Կայսրության կողմից Հայոց ցեղասպանության կազմակերպման և իրագործման փաստը, ընտրել է քաղաքակիրթ երկրների ճանապարհը: Ինչպես հաղորդում է Lenta.ru-ն այս մասին` ասել է ՌԴ Դաշնության խորհրդի պաշտպանության և անվտանգության կոմիտեի փոխնախագաh Ֆրանց Կլինցևիչը:
Չեխիայի Հանրապետության Լիդիցե քաղաքում մայիսի 31-ին hանդիսավոր պայմաններում բացվեց 44-րդ միջազգային մանկական ցուցահանդեսը, որի թեման էր «Դպրոցը և կրթությունը»: Այս տարի ցուցահանդեսին մասնակցել են 77 երկիր, որտեղից ներկայացվել է 18075 աշխատանք:
Ինչպես հայտնի է, Ոստիկանությունն Արագածոտնի մարզում երեխայի վաճառքի վերաբերյալ ահազանգ էր ստացել: ՀՀ Գլխավոր դատախազության հանրային կապերի բաժնից 168.am-ին հայտնեցին, որ մարզային դատախազությունում հարուցվել է քրեական գործ :
Երեխաների իրավունքների պաշտպանությունը սկսվում է նրանց անհոգ մանկության ապահովումից:
Թուրքիայի արտաքին գործերի նախարարությունը պաշտոնական հայտարարություն է արել Բունդեսթագում Հայոց ցեղապանության մասին բանաձևի ընդունման առնչությամբ: Թուրքիայի ԱԳՆ-ն Գերմանիայի քայլը բնորոշել է հերթապահ ձևակերպումներով` անվանելով այն «ամոթալի»:
Մոլդովայում չորս մարդ Է զոհվել ռումինական շտապ բուժօգնության ուղղաթիռի (SMURD) կործանման հետեւանքով: Այս տեղեկատվությունը ՏԱՍՍ-ին պաշտոնապես հաստատել են Մոլդովայի առողջապահության նախարարությունում:
Գերմանիայի Կանաչների կուսակցության համանախագահ Ջեմ Օզդեմիրը Բունդեսթագում Հայոց ցեղասպանության մասին բանաձևի ընդունումից հետո հարցազրույց է տվել գերմանական Deutsche Welle գործակալությանը` ասելով, որ այդ որոշմամբ Գերմանիան վերջապես ստանձնել է իր պատասխանատվությունը Ցեղասպանության հարցում:
Եվրամիությունը եւ ԱՄՆ-ը համաձայնագիր են ստորագրել քրեական գործեր հետաքննելիս երկու կողմերի իրավապահ մարմինների համագործակցության ժամանակ անձնական տվյալները պաշտպանելու վերաբերյալ: Այս մասին ասված է Եվրահանձնաժողովի (ԵՀ)՝ Բրյուսելում տարածված հայտարարության մեջ:
ՀՀ նախագահ Սերժ Սարգսյանի հրամանագրով Դավիթ Փախչանյանն այսօր նշանակվել է ՀՀ պաշտպանության նախարարի տեղակալ-ՊՆ ռազմաարդյունաբերության պետական կոմիտեի նախագահ:
ՀՀ քննչական կոմիտեի Լոռու մարզային քննչական վարչությունում ավարտվել է դատարանի նկատմամբ անհարգալից վերաբերմունք դրսևորելու դեպքի առթիվ հարուցված քրեական գործի նախաքննությունը:
ՌԴ նախագահ Վլադիմիր Պուտինն ստորագրել Է բնական գազի, նավթամթերքների եւ չմշակված բնական ալմաստների մատակարարումների ոլորտում Ռուսաստանի եւ Հայաստանի համագործակցության համաձայնագրում փոփոխություններ կատարելու վերաբերյալ արձանագրության վավերացման մասին օրենքը
Գերմանիայի Բունդեսթագը խոնարհվում է Օսմանյան Կայսրությունում ավելի քան 101 տարի առաջ հայերի և այլ քրիստոնյա փոքրամասնությունների նկատմամբ իրագործված տեղահանությունների և կոտորածների զոհերի առջև: Նա դատապարտում է ժամանակի երիտթուրքական կառավարության հանցագործությունները, որոնք հանգեցրեցին հայերի գրեթե լիակատար բնաջնջմանը Օսմանյան Կայսրությունում: Նույն ճակատագրին արժանացան նաև այլ քրիստոնյա ժողովուրդների խմբեր՝ հատկապես ասորի/արամեացի և քաղդեացի քրիստոնյաները:
Բունդեսթագում Հայոց ցեղասպանության մասին բանաձևի ընդունումից հետո նիստի դահլիճում գտնվող հայերը իրենց շնորհակալությունը հայտնող պաստառներ են բարձրացրել: Բացի գրությունից` Բունդեսթագում ներկաները բարձրացրել են Հայաստանի դրոշը:
«Ռոլան Գարոսի» գործող չեմպիոն՝ շվեյցարացի Սթեն Վավրինկան մրցաշարի 1/4 եզրափակչում 6:2, 6:1, 7:6 հաշվով հաղթելով իսպանացի Ալբերտ Ռամոս-Վինոլասին՝ դարձավ Ֆրանսիայի բաց առաջնության կիսաեզրափակչի ամենատարեց մասնակիցը՝ սկսած 1985 թվականից:
35-ամյա կինը անծանոթ երիտասարդների հետ ուղևորվել է Աշտարակ, որտեղ, ըստ նրա հայտարարության, տղաներից մեկը իր կամքին հակառակ սեռական հարաբերություն է ունեցել իր հետ:
Լրագրողների հետ ճեպազրույցում Հովիկ Աբրահամյանը կարևորել է ընկերության գործունեությունը և ծրագրերը՝ նշելով, որ ձեռնարկությունը խոշոր ներդրումներ է կատարում Հայաստանի Հանրապետությունում: Կառավարության ղեկավարի խոսքով՝ միջազգային շուկայում մետաղների գների անկումը խաթարում է հանքարդյունաբերության ոլորտի ձեռնարկությունների բնականոն աշխատանքը, բայց Արարատի ոսկու կորզման գործարանը գտնվում է լավ վիճակում, արտադրական հզորությունները բարձր են, և ողջունելի է աշխարհում ոսկու կորզման տեխնոլոգիայի կիրառումը Հայաստանում:
«Ես ենթադրում եմ, որ հիմա ակտիվորեն Ռուսաստանի հետ քննարկվում են զինվելու հնարավորությունները՝ այն պայմանագրերի հիման վրա, որոնք արդեն եղել են: Թե դա որքան լավ կամ վատ է ընթանում, ոչ մեկս չգիտի: Բայց, որ այդ պրոցեսը բավական ակտիվ է, փաստ է: Հիմա ամառ է ու ներքաղաքական վիճակը մեղմացել է, բայց մյուս կողմից՝ ուսանողները գնում են արձակուրդ, և ինչ-որ իրադարձություններ ներքաղաքական կյանքում կլինեն: Խորհրդարանական ընտրություններից առաջ ակտիվություն կլինի աշնանից սկսած»:
ՀՀ դատախազության կողմից մշակված է ՀՀ քրեական օրենսգրքում փոփոխություններ և լրացումներ կատարելու մասին ՀՀ օրենքի նախագիծը, որով առաջարկվում է ընտրական գործընթացում քաղաքացիների ընտրական իրավունքի իրացման դեմ ոտնձգող մի շարք արարքների քրեականացում, ներառյալ՝ ընտրական հանձնաժողովների նախագահների և հանձնաժողովի անդամների գործողությունները, և պատասխանատվության հստակեցում ու պատժի խստացում:
Քննչական կոմիտեն ամփոփել է 2015 թվականի արդարացման դատավճիռները. արդյունքները ներկայացնում է ՔԿ նախագահի տեղակալ Արթուր Ղամբարյանը:
Մարդու իրավունքների եվրոպական դատարանը (ՄԻԵԴ) այսօր հրապարակել է ադրբեջանցի իրավապաշտպաններ Լեյլա եւ Արիֆ Յունուս ամուսինների գործով վճիռը, որում ՄԻԵԴ-ը ճանաչել է Եվրոպական համաձայնագրի 3-րդ հոդվածով (խոշտանգումների արգելում) նրանց իրավունքների խախտումն Ադրբեջանում:
Գերմանական Բունդեսթագի կողմից պաշտոնապես Հայոց ցեղասպանության ճանաչումն ու դատապարտումը միջագային հանրության ուշադրությունն է սևեռում այն հանգամանքի վրա, որ ԱՄՆ նախագահ Բարաք Օբաման շարունակում է աջակցել Թուրքիայի ժխտողական քաղաքականությանը դեռևս անպատիժ հանցագործության համար: Այս մասին ասված է ԱՄՆ Հայ դատի հանձնախմբի տարածած հայտարարության մեջ:
«Ինչ որ հիմա կատարվում է Պաշտպանության նախարարությունում՝ դա բնական է ու որևէ մեկի մոտ կասկած չի առաջացնում, որ կապված է այն բացթողումների հետ, որ տեղի են ունեցել, բացահայտվել այդ օրերին: Եվ բնական է, որ դրան պետք է նայել՝ որպես գործողություններ, որ պետք է ուժեղացնեն ու բարձրացնեն բանակի մարտունակությունը»,- 168.am-ի հետ զրույցում հայտարարեց ՀՀ պաշտպանության նախկին նախարար Վաղարշակ Հարությունյանը՝ մեկնաբանելով վերջին շրջանում ՊՆ-ում տեղի ունեցող պաշտոնանկություններն ու գեներալի և գնդապետների ձերբակալությունները:
ՆԱՏՕ-ում հուսով են, որ Թուրքիայի եւ Հայաստանի միջեւ հարաբերությունները կնորմալանան: Այս մասին հայտարարել է Հյուսիսատլանտյան դաշինքի գլխավոր քարտուղար Ենս Ստոլտենբերգը՝ մեկնաբանելով ավելի վաղ Բունդեսթագի կողմից բանաձեւի ընդունումը, որով Օսմանյան կայսրությունում հայերի կոտորածները ճանաչվել են ցեղասպանություն:
«Տաշիր» առևտրի կենտրոնը վաղվանից կաշխատի բնականոն ռեժիմով: Այս մասին 168.am-ի հետ զրույցում տեղեկացրին առևտրի կենտրոնից:
Գերմանիայի կառավարությունը մտադիր է նպաստել Հայաստանի եւ Թուրքիայի միջեւ երկխոսության հաստատմանը, այդ թվում՝ Օսմանյան կայսրությունում տեղի ունեցած իրադարձությունների իմաստավորման հարցի շուրջ: Այս մասին հայտարարել է Գերմանիայի կանցլեր Անգելա Մերկելը՝ մեկնաբանելով Բունդեսթագի կողմից Հայոց ցեղասպանության մասին բանաձեւի ընդունումը:
Թուրք ժողովուրդը պետք է ազնվորեն առերեսվի իր անցյալին, ամոթ չէ այլ ուղակի անհրաժեշտություն է: Եվ նրանք պետք է վերջնականապես հասկական, որ Երիտթուրքերը հերոսներ չէին, այլ ռազմական հանցագործներ, որոնք պլանավորեցին և իրագործեցին հայ և մյուս ժողովուրդների ցեղասպանությունը:
