Աֆրիկյանների տան մոտից բերման ենթարկված Սոնա Ասատրյանի վերաբերյալ ոստիկանությունում նյութեր են նախապատրաստվում
Աֆրիկյանների տան մոտից այսօր բերման ենթարկված Սոնա Ասատրյանն ազատ է արձակվել: Այս մասին 168.am-ին հայտնեցին ՀՀ ոստիկանության հասարակայնության հետ կապի և լրատվության վարչությունից՝ հավելելով, որ նրա վերաբերյալ ՀՀ ոստիկանության կենտրոնականի բաժնում նյութեր են նախապատրաստվում, կատարվում է հետաքննություն:
Նշենք, որ, ըստ լրատվամիջոցների, ակտիվիստն այսօր փորձել է պոկել Աֆրիկյանների տան շրջակայքում փակցված պաստառները, որոնք փակցվել էին երեկ:
