Սերգեյ Լավրովը երկօրյա այցով ժամանում է Ադրբեջան
Ադրբեջանական APA լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովն այսօր երկօրյա պաշտոնական այցով ժամանում է Ադրբեջան: Այցի շրջանակներում Լավրովը հանդիպումներ է ունենալու Ադրբեջանի նախագահ Իլհամ Ալիևի ու արտգործնախարար Էլմար Մամեդյարովի հետ:
Դա կլինի ընթացիկ տարում Ռուսաստանի ու Ադրբեջանի արտգործնախարարների չորրորդ հանդիպումը: Այդ հանդիպումներում կողմերը քննարկելու են տարածաշրջանային ու միջազգային օրակարգում առկա առանցքային ասպեկտներ: Ուշադրություն է հատկացվելու Կասպիցին առնչվող խնդիրներին:
Բանակցությունների օրակարգում է գտնվելու նաև Ղարաբաղյան հակամարտության կարգավորումը, շեշտադրում է արվելու ստեղծված իրավիճակն ապաարգելափակելու ու կոնկրետ պայմանավորվածությունների հասնելու անհրաժեշտության վրա:
