«Կուբան-Ղրիմ» գազատարը կկառուցվի մինչև 2016 թվականի հունվարը
Ռուսական Интерфакс լրատվական գործակալության փոխանցմամբ՝ ղրիմյան «Չեռնոմորնեֆտեգազ» ընկերության գլխավոր տնօրեն Անդրեյ Իլյինը հայտարարել է, որ մինչև 2016 թվականի հունվարը գազատար կկառուցվի Կուբանից դեպի Ղրիմ: Իլյինը մանրամասնել է, որ գազատարի տարեկան թողունակությունը կազմելու է մինչև 2 միլիարդ խորանարդ մետր.
«Նոր գազատարը կմիացվի արդեն իսկ գոյություն ունեցող «Ջանկոյ-Թեոդոսիա-Կերչ» գազատարին: Այդ գազը կուղղվի էլեկտրաէներգիայի այն նոր հզորություններին, որոնք ծավալվելու են Ղրիմում: Ղրիմում էլեկտրաէներգիայի արտադրության նոր ծավալումը կարող է ընթանալ երկու ուղով. գոյություն ունեցող էլեկտրակայանների վերակառուցման կամ էլ նոր էլեկտրակայանների կառուցման արդյունքում»:
