ԱՄՆ հատուկ ծառայությունների գաղտնալսման ծրագրերի մասին կհրապարակվեն սենսացիոն նոր նյութեր
Ռուսական ИТАР-ТАСС լրատվական գործակալության փոխանցմամբ՝ ԱՄՆ-ի հետախուզության էլեկտրոնային գաղտնալսումների խոշորամասշտաբ ծրագրերի վերաբերյալ ամենասենսացիոն բացահայտումները դեռև առջևում են:
Այս մասին հայտարարել է ամերիկացի լրագրող Գլեն Գրինուոլդը, ով էլ պատրաստվում է հրապարակել նոր նյութերը: Հենց նա է նախորդ տարի սկսել հրապարակել համապատասխան փաստաթղթեր, որոնք նրան տրամադրել է ԱՄՆ Ազգային անվտանգության գործակալության ու Կենտրոնական հետախուզական վարչության նախկին աշխատակից Էդվարդ Սնոուդենը:
Բրիտանական The Guardian թերթում Սնոուդենի հատկացրած փաստաթղթերի համար Գրինուոլդը և մեկ այլ ամերիկացի լրագրող ու ռեժիսոր Լորա Փոյթրեսն ընթացիկ տարում ԱՄՆ-ում արժանացան Պուլիտցերյան հեղինակավոր մրցանակի՝ «Հանրությանը ծառայելու համար»:
Գրինուոլդն ընդգծել է, որ իրենք պատրաստվում են հրապարակել Ազգային անվտանգության գործակալության մասին խոշորագույն, եթե ոչ ամենակարևոր հոդվածները:
