Հովիկ Աբրահամյան. Հորդորում եմ «Արմենիա» հեռուստաընկերության ղեկավարությանը՝ վերանայել իրենց որոշումը
Ինչպես հայտնի է՝ վարչապետ Հովիկ Աբրահամյանի անունը «Հավիկ» գրելու և եթեր հեռարձակելու պատճառով «Արմենիա» հեռուստաընկերությունն աշխատանքից հեռացրել էր «Ժամը» լրատվական ծրագրի երկու աշխատակիցներին՝ լրագրողին և մոնտաժողին:
Քիչ առաջ Հովիկ Աբրահամյանը ֆեյսբուքյան իր էջում գրառում է կատարել՝ արձագանքնելով տեղի ունեցածին: ««Արմենիա» հեռուստաընկերության աշխատակիցների աշխատանքից ազատման մասին տեղեկացել եմ մամուլի հրապարակումներից: Վստահ եմ, որ տեղի ունեցածը զուտ տեխնիկական վրիպակ է: Միաժամանակ հայտնում եմ, որ նման դեպքերում լրագրողներին աշխատանքից ազատելը ինձ համար ցանկալի չէ: Հորդորում եմ «Արմենիա» հեռուստաընկերության ղեկավարությանը վերանայել իրենց որոշումը»:
