Դավութօղլուն պլանավորել է Վիեննայում բարձրացնել Ղրիմի թաթարների հալածանքների հարցը
Թուրքական Hürriyet թերթի փոխանցմամբ՝ այսօր Վիեննայում մեկնարկում է Եվրոպայի Խորհրդի Նախարարների կոմիտեի նիստը, որն անցկացվում է արտգործնախարարների մակարդակով և ավարտվելու է վաղը:
Թուրքիայի արտգործնախարար Ահմեթ Դավութօղլուն պլանավորել է նիստի ժամանակ հանդես գալ հատուկ զեկույցով, որն առնչվելու է Ռուսաստանի կողմից Ղրիմը բռնակցելուց հետո տեղի թաթարների նկատմամբ հալածանքներին:
Մասնավորապես, Դավութօղլուն բարձրացնելու է Ղրիմի թաթարների առաջնորդ Մուսթաֆա Ջեմիլևի հարցը, որին ռուսական կողմը 5 տարով արգելել է մուտք գործել թերակղզու տարածք:
Դավութօղլուն պլանավորել է նաև նիստի շրջանակներում երկկողմ հանդիպում ունենալ Ռուսաստանի արտգործնախարար Սերգեյ Լավրովի հետ և քննարկել Ղրիմի թաթարների հարցը:
Հիշեցնենք, որ սրանից առաջ Մուսթաֆա Ջեմիլևը հայտարարել է, որ իր հարցով խոստացել է զբաղվել Թուրքիայի վարչապետ Ռեջեփ Էրդողանը, ով այդ նպատակով պետք է կապ հաստատի Ռուսաստանի նախագահ Վլադիմիր Պուտինը:
