ԱԷՄԳ-ի փորձագետները ժամանել են Թեհրան
Ռուսական РИА Новости լրատվական գործակալության փոխանցմամբ՝ ԱԷՄԳ-ի ներկայացուցիչներն այսօր Թեհրանում հանդիպելու են Իրանի Ատոմային էներգիայի կազմակերպության ներկայացուցիչների հետ, ինչից հետո կայցելեն Եզդ նահանգում գտնվող միջուկային երկու օբյեկտներ:
Այս մասին հայտարարել է Իրանի Ատոմային էներգիայի կազմակերպության ղեկավարի տեղակալ Բեհրուզ Քամալվանդին: Նրա խոսքերով՝ ԱԷՄԳ-ի տեսուչները երկօրյա այցով Թեհրան են ժամանել անցած գիշեր:
Ակնկալվում է, որ փորձագետներն այցելելու են Էրդեքան քաղաքում գտնվող ուրանի արտադրության գործարան և Սաղանդի ուրանային հանքավայր, որոնք գտնվում են Եզդ նահանգում:
Քամալվանդիի խոսքերով՝ Իրանի ու ԱԷՄԳ-ի միջև համաձայնագիրը բաղկացած է 7 քայլից, որի մեծ մասն իրագործվել է գործողությունների պլանին համաձայն:
