Մենք պատրաստվում ենք մայիսի 9-ին Կիևում ռուսական կողմի հնարավոր սադրանքներին. Տուրչինով
Ուկրաինական UNIAN լրատվական գործակալության փոխանցմամբ՝ Ուկրաինայի Գերագույն ռադայի նախագահ, երկրի նախագահի պաշտոնակատար Ալեքսանդր Տուրչինովը հայտարարել է, որ իրենք պատրաստվում են մայիսի 9-ին (Հաղթանակի օրը) Կիևում ռուսական կողմի սադրանքներին.
«Նրանց նպատակը Կիևում իշխանության տապալումն է: Մայրաքաղաքում ստեղծվել են լրջորեն ստուգված ամրակետեր, որովհետև մենք ակնկալում ենք, որ մայիսի 9-ին կարող են լինել սադրիչ գործողություններ, ընդ որում՝ ոչ միայն մայրաքաղաքում:
Պետք է զգոն լինել երկրի բոլոր շրջաններում, ուր կարող են լինել դիվերսանտներ, սադրիչներ: Մեր դեմ պատերազմ է տարվում: Մենք պատրաստվում ենք: Արդեն իսկ տեղակայվել են ամրակետեր: Ռուսաստանն Ուկրաինայի դեմ պատերազմ է մղում հարավում ու արևելքում: Նրանք փորձում են ամբողջովին ապակայունացնել իրավիճակը»:
Տուրչինովը հավելել է, որ պաշտոնական տվյալներով՝ Օդեսայի բախումների հետևանքով զոհվել է 46 մարդ, որոնցից 42-ը զոհվել են Արհմիությունների տանը:
