Ամերիկյան CIA-ի ու FBI-ի տասնյակ գործակալներ գործում են Ուկրաինայում. Bild
Գերմանական Bild պարբերականի փոխանցմամբ՝ ամերիկյան Կենտրոնական հետախուզական վարչության (CIA) և Հետաքննությունների դաշնային բյուրոյի (FBI) տասնյակ աշխատակիցներ գործում են Ուկրաինաի տարածքում: Այս մասին թերթին հայտնել են ուժային կառույցներում թերթի աղբյուրները:
Թերթի տվյալներով՝ CIA-ի ու FBI-ի գործակալները, ի թիվս այլ բաների, Կիևին աջակցում են ուժային կառույցներ ստեղծելու հարցում և խորհրդակցություններ են անցկացնում երկրի արևելյան շրջաններում հատուկ գործողություններ անցկացնելու համար:
Բացի այդ, FBI-ի գործակալներն Ուկրաինայի իշխանություններին օգնում են պայքարել կազմակերպված հանցավորության դեմ, իսկ հատուկ ծառայությունների վերլուծաբաններն ու քննիչները, որոնք մասնագիտացած են ֆինանսական հանցագործությունների դեմ պայքարում, իշխանություններին օգնում են գտնել նախկին նախագահ Վիկտոր Յանուկովիչի ակտիվները:
