Դավութօղլուն դատապարտել է Սիրիայում նախագահական ընտրություններ նշանակելը
Թուրքական TRT Haber հեռուստաալիքի փոխանցմամբ՝ Թուրքիայի արտգործնախարար Ահմեթ Դավութօղլուն Հորդանանում լրագրողների հետ զրույցում զգուշացրել է աշխարհին ու միջազգային հանրությանը՝ կապված Սիրիայում կայանալիք նախագահական ընտրությունների հետ:
Դավութօղլուն ընդգծել է, որ նախագահական ընտրություններ անցկացնելու մասին որոշումը ևս մեկ անգամ «ապացուցում» է սիրիական վարչակարգի երկակի խաղը և ոչ անկեղծ լինելը: Դավութօղլուի խոսքերով՝ Սիրիայի ժողովուրդը կարող է ուժեղացնել դիմադրությունը:
Դավութօղլուն հիշեցրել է, որ առնվազն 3 միլիոն սիրիացի է փախել երկրից , ավելի քան 6.5 միլիոն մարդ հարկադրված է եղել լքել իրենց տները, և բնակչության կեսն էլ ի վիճակի չէ մասնակցել ընտրություններին: Դավութօղլուի կարծիքով՝ անիմաստ է այդպիսի պայմաններում նախագահական ընտրություններ անցկացնելը:
Սիրիայում նախագահական ընտրությունները նշանակված են հունիսի 3-ին:
