ԱՄՆ-ը հուսով է, որ Հայաստանի ու Ադրբեջանի նախագահների հանդիպումը տեղի կունենա մոտ ապագայում
Ադրբեջանական Trend լրատվական գործակալության փոխանցմամբ՝ ԱՄՆ-ը հուսով է, որ Հայաստանի ու Ադրբեջանի նախագահների հանդիպումը տեղի կունենա մոտ ապագայում: Այս մասին լրագրողների հետ զրույցում հայտարարել է Ադրբեջանում ԱՄՆ-ի դեսպան Ռիչարդ Մորնինգսթարը:
Նա հավելել է, որ այդ հանդիպումը կարող է տեղի ունենալ ինչպես պաշտոնական, այնպես էլ՝ ոչ պաշտոնական ձևով. «Որպես ԵԱՀԿ Մինսկի խմբում համանախագահող երկիր՝ մենք ակտիվ ենք շարունակվող բանակցային գործընթացում:
Կարծում եմ, որ Հայաստանի ու Ադրբեջանի նախագահների կանոնավոր հանդիպումները շատ կարևոր են հակամարտության կարգավորման կոնկրետ քայլերը քննարկելու համար»:
