Ուրալյան ձյունն ուտում են Չելյաբինսկի երկնաքարից դուրս եկած «այլմոլորակային միջատները» (տեսանյութ)
Ռուսական Голос России ռադիոկայանի փոխանցմամբ՝ գործնականում Ռուսաստանի ողջ տարածքում պահպանվում է ցուրտ եղանակ: Այսօր առավոտյան Մոսկվայում սկսվել է նոր ձյունամրրիկ: Ձգձգվող ձմռանը հաղթելուն կնպաստեն «այլմոլորակային միջատները»:
Համացանցում տարածվում է Չելյաբինսկում հայտնված խորհրդավոր էակների մասին տեսանյութը: Այդ մանր միջատները մտնում են ձյան մեջ և սկսում են ուտել այն: Լուցկու գլխիկի չափը չգերազանցող այդ միջատները Չելյաբինսկում են հայտնվել փետրվարի կեսին երկնաքարի ընկնելուց հետո:
Չելյաբինսկի մարզի ԱԻՆ-ը և զինվորականները չեն մեկնաբանել այդ զարմանալի էակների մասին տեսանյութը, որը տեղադրվել է YouTube վիդեոհոսթինգում:
Հիշեցնենք, որ սրանից առաջ էլ հաղորդվում էր, թե ՉԹՕ-ն է երկնքում ոչնչացրել Չելյաբինսկի մարզի վրա ընկնող վիթխարի երկնաքարը:
