Վարչապետ Կարեն Կարապետյանի կառավարությունը պահպանում է նախորդներից ժառանգած «բարի ավանդույթը»՝ մեռելոցները ոչ աշխատանքային օր սահմանելու պրակտիկան։ ՀՀ կառավարության առաջիկա նիստում որոշում կընդունվի ապրիլի 17-ի աշխատանքային օրը տեղափոխել մայիսի 6-ը` շաբաթ օրը:
Քաղտեխնոլոգը նկատեց՝ «Սասնա ծռերից» հետո իշխանությունը հասկացավ, որ պետք է ինչ-որ բաներ փոփոխել, ու բերեց Կարեն Կարապետյանին, որը, ըստ նրա՝ բավականին լուրջ ազդեցություն ունեցավ ՀՀԿ-ի ձայների վրա. «Բոլորս էլ հասկանում ենք, որ Կարեն Կարապետյանի վարկանիշը շատ բարձր էր, ու ինչ-որ ընտրազանգված, ատելով ՀՀԿ-ին, ձայն է տվել նրան, որպեսզի Կարեն Կարապետյանը մնա վարչապետ. դա փաստ է»։
ԱՄՆ դեսպանությունը համամիտ է ԵԱՀԿ Մարդու իրավունքների ու ժողովրդավարական հաստատությունների գրասենյակի (ԺՀՄԻԳ) դիտորդական առաքելության նախնական գնահատման հետ, որտեղ նշվում է, որ ընտրությունները լավ էին կազմակերպված և ընդհանուր առմամբ ապահովված էր հարգանքը հիմնարար ազատությունների հանդեպ՝ միաժամանակ նկատելով, որ «ընտրությունների վրա հետք են թողել ընտրակաշառքների վերաբերյալ արժանահավատ տեղեկություններն» ու ընտրողների վրա գործադրված ճնշումները:
Խորհրդարան մտած ուժերի մասին խոսելով՝ նա ասաց, որ «Ծառուկյան» դաշինքը խորհրդարանում կոնստրուկտիվ ընդդիմության դեր է կատարելու. «Գաղտնիք չէ` ում հետ և ինչ խոսակցությունից հետո Ծառուկյանը որոշեց վերադառնալ քաղաքականություն։ Իրական ընդդիմադիր ուժ խորհրդարանում լինելու է միայն «Ելքը», որը շատ ձայներ ստացավ հատկապես Երևանից»։
Ընտությունների միջազգային դիտորդական առաքելությունը ողջունեց բարեփոխումների իրավական շրջանակը, ինչպես նաև նոր տեխնոլոգիաների ներմուծումը, որին իր աջակցությունն է տրամադրել Եվրոպական միությունը՝ ՀՀ իշխանությունների հետ համատեղ հաջողությամբ իրականացված ծրագրի միջոցով:
«Հաղթե՞լ են, թող իրենց տանը, իրենց նեղ շրջապատում բաժակ բարձրացնեն՝ էլի ամոթները երեսներին՝ ղուրբան լինելով էն երեխեքին, որ պառկած են Եռաբլուրում: Գիտե՞ս ինչ՝ մեզ անհապաղ ինքնամաքրում է պետք…»:
«Արևմտամետ ընտրազանգվածի ձայները փոշիացան»,- այս մասին այսօր լրագրողների հետ զրույցում ասաց քաղտեխնոլոգ Վիգեն Հակոբյանը՝ անդրադառնալով նախօրեին անցկացված խորհրդարանական ընտրությունների արդյունքներին։
Մենք երբեք չենք դադարեցնելու մեր ակտիվ և անմիջական շփումները ժողովրդի հետ և երբևէ մեր ժողովրդին չենք բաժանելու մեզ ձայն տվածների և չտվածների: Մենք ունենք միայն մեկ հայրենիք, որի շենացումը բոլորիս գերխնդիրն է:
ԿԸՀ նախագահ Տիգրան Մուկուչյանն այսօր լրագրողների հետ զրույցում պարզաբանեց, թե որ դեպքում կարող է անցկացվել ընտրությունների երկրորդ փուլ։
Կուսակցությունը հայտարարում է, որ չի վիճարկելու ընտրությունների արդյունքները, չի մասնակցելու որևիցե ետընտրական հանրային միջոցատումների և հանրահավաքների
Իմ ցանկությունն է, որ ընտրությունների արդյունքները որևէ պարագայում չանձնավորվեն: Ինչպես ընտրություններից առաջ եմ նշել, այսօր էլ կրկնում եմ. ընտրություններից հետո կյանքը վերստին առօրյա հունով շարունակվելու է, և անթույլատրելի է նախընտրական ժամանակահատվածի գործընթացներն ու, առավել ևս, ընտրությունների արդյունքները տեղափոխել անձնական հարաբերությունների դաշտ:
«Ճնշումներ են եղել ընտրողների նկատմամբ, փորձել են նրանց համոզել, որ իրենց ընտրությունը հայտնի է դառնալու, որ իրենց համար դա հետևանքներ է ունենալու։ Մենք հուզված ենք, որ վախի մթնոլորտը մեծ է եղել»։
«Մեզ մնում է սպասել, թե ՀՀԿ-ն, ԲՀԿ-ն, ՀՅԴ-ն ու «Ելքը» ինչպես են վագրի թռիչքներով զարգացնելու Հայաստանի տնտեսությունը, միլիարդավոր դոլարի ներդրումների հոսք ապահովելու, հզորացնելու Հայոց բանակը, կանխելու հարաճուն արտագաղթը եւ կարգավորելու մեր ժողովրդի առջեւ կանգնած գլխավոր խնդիրը՝ Ղարաբաղյան հակամարտությունը»։
«Չնայած նորագույն տեխնոլոգիաների ներդրմանը՝ ընտրությունների վրա հետք են թողել ընտրակաշառքների վերաբերյալ վստահության արժանի տեղեկություններն ու քաղաքացիական ծառայություն իրականացնողների և մասնավոր ընկերությունների աշխատակիցների վրա ճնշումների մասին այլ տեղեկությունները, որի հետևանքով նկատվել է հանրային վստահության պակաս ընտրություններում։ Թեկուզ այն ընդհանուր առմամբ հանդարտ և խաղաղ է եղել, սակայն նկատվել են կազմակերպչական խնդիրներ և անհարկի միջամտություն գործընթացների նկատմամբ՝ հիմնականում կուսակցության ներկայացուցիչների կողմից»։
Նա նշեց, որ «Լիարժեք կյանք» դիտորդական կազմակերպության դիտորդները հստակ աշխատում էին ՀՀԿ-ի օգտին, «Տնտեսական և սոցիալական իրավունքի կենտրոն» կազմակերպությունն աշխատում էր ԲՀԿ-ի օգտին, «Միացյալ առաջնորդների պալատը»՝ ԲՀԿ-ի օգտին, «Ժողովրդավարություն և ընտրական գործընթացները»՝ ՀՀԿ-ի օգտին, «Եվրասիական ինտեգրացիան»՝ ՀՀԿ-ի օգտին, «Իրավական մշակույթի զարգացման ինստիտուտը»՝ ՀՀԿ-ի օգտին, «Մարզային նախաձեռնությունների կենտրոնը»՝ ՀՀԿ-ի օգտին:
«Որոշակի խաղի կանոններ են պահպանվում, և չեմ կարծում, որ մեծ հակագործողություններ լինեն, ինչպես 10 տարի առաջ։ Քիչ թե շատ հասկանալի է, թե ինչպես կդասավորվեն ուժերը խորհրդարանում։ Ամենայն հավանականությամբ, ՀՀԿ-ն մեծամասնություն կկազմի՝ առանց կոալիցիայի, թեև սպասվում է, որ դաշնակների հետ կոալիցիա կկազմեն»։
Համեմատելով նրա շուրջ 45.000 քվեները՝ ստացվում է, որ ամբողջ հանրապետությունում Հայաստանի Հանրապետական կուսակցության ստացած ձայների մոտ 6 տոկոսը ստացել է Կարեն Կարապետյանը:
«Ինչ վերաբերում է ինձ՝ որպես վարչապետի. եթե ինձ վստահել են տվյալ պաշտոնը, ես կանեմ իմ ուժերի ներածին չափով ամեն ինչ, որպեսզի նպաստեմ մեր երկրի վերականգնմանը, որպեսզի Հայաստանը լինի ժամանակակից, առաջ շարժվող և զարգացած պետություն: Երբ ՀՀ նախագահը ստորագրեց վարչապետի պաշտոնում ինձ նշանակելու հրամանագիրը, նա ընդգծեց քաղաքական բարեփոխումների անցկացումը: Ինձ վրա երկրում փոփոխություններ կատարելու պատասխանատվություն է դրվել»:
«Մենք շահագրգռված ենք մեր երկրի զարգացմամբ: Փոխել պետք է շատ բան, բայց քայլ առ քայլ միասին մենք կարող ենք հասնել մեր առջև դրված նպատակներին, իսկ նպատակներն ու ռազմավարությունները հստակ սահմանված են, և դա շատ կարևոր է»,- ասել է ՀՀ վարչապետը:
«ՀՀ խորհրդարանական ընտրություններն անցան մեծապես հարթ մթնոլորտում»,- այս մասին այսօր լրագրողների հետ զրույցում ասաց ԱՊՀ դիտորդական առաքելության անդամ Ռուսաստանի դաշնային խորհրդի՝ դաշնային կառուցվածքի, տարածաշրջանային քաղաքականության, տեղական ինքնակառավարման և Հյուսիսի հարցերով հանձնաժողովի անդամ Իգոր Չեռնիշենկոն։
«Ներկայումս ընթանում է տարածքային ընտրական հանձնաժողովների կողմից վարչական ընթացակարգերով բողոքարկումներին ընթացք տալու գործընթացը, ինչից հետո բողոքարկումները գնալու են Կենտրոնական ընտրական հանձնաժողով, այնուհետև՝ Սահմանադրական դատարան, հետևաբար՝ ընտրություններն ավարտված չեն»:
«Ես վստահաբար գիտեմ, որ չէր կարող նման բան լինել, ես այնտեղ անգամ բարեկամներ ունեմ, գոնե 1, 2, 3 ձայն պետք է ստանայի։ Ո՞նց կարող է 40-45 համայնքում 0 լինել։ Էն էլ էն տեղերում, որտեղ ես պատգամավոր եմ եղել, հանդիպումներ են ունեցել և մարդիկ եմ ունեցել, բայց հաշվարկի ժամանակ ներկայացուցիչ չեմ ունեցել»։
«Արդեն ապրիլի 3-ն է, ՀՀ-ում տեղի ունեցան ԱԺ ընտրություններ: Կարող ենք շնորհավորել մեր հասարակությանը, բոլոր քաղաքական ուժերին, որ ՀՀ-ին հաջողվեց նոր Ընտրական օրենսգրքի հիման վրա կազմակերպել ժողովրդավարական, թափանցիկ, մրցակցային ընտրություններ: Սա բոլորիս հաջողությունն է, և անկախ նրանից, թե քանի դաշինք ու կուսակցություն կլինի, ժողովրդավարության հաղթանակը Հայաստանում անքննելի փաստ է, բազմակարծության ու պառլամենտարիզմի զարգացման ճանապարհով է գնում Հայաստանը»,- ասաց Էդուարդ Շարմազանովը:
ՀՀ Կենտրոնական ընտրական հանձնաժողովը հրապարակում է խորհրդարանական ընտրությունների նախնական արդյունքները։
«Ոչ մի մեկնաբանություն չեմ ուզում անել»,- 168.am-ի հետ զրույցում` խոսելով Exit poll-ի հրապարակած նախնական արդյունքների մասին, ասաց «Ազատ դեմոկրատներ» կուսակցության նախընտրական ցուցակի պատգամավորության թեկնածու Հրանտ Բագրատյանը:
Հարցին՝ ՀՀԿ-ն ո՞ւմ է դիտարկում՝ որպես հիմնական մրցակից, նա այսպես պատասխանեց. «Մեզ համար մրցակիցների երկու դաշտ է եղել. առաջին՝ Հայաստանի չլուծված խնդիրները, որոնց լուծման համար մենք առաջարկել ենք, ըստ մեզ՝ ամենաիրատեսական և մրցունակ ծրագիրը, և երկրորդ՝ բոլոր քաղաքական ուժերը։ Քաղաքական պայքարն այնպիսին էր, որ իրականում տեղեկատվական պատերազմ էր բացառապես մեր դեմ։ Բայց մեծ հարց է՝ մեր դեմ իրականացվող քարոզարշավը ումից ուր տարավ ձայները»։
«Ուզում եմ նաև փաստել, որ ընտրության ընթացքում բոլոր քաղաքական ուժերը դրսևորել են զսպվածություն։ Մենք միասին հարգեցինք նաև ապրիլյան քառօրյա պատերազմի զոհերի հիշատակը՝ ամրացնելով մեր պետականության հիմքերը»,- ասաց նա՝ հավելելով, որ այս պահի դրությամբ ՀՀԿ կենտրոնական շտաբում է երկրի ղեկավարը, կառավարության ղեկավարը, ՀՀԿ գործադիր մարմնի բազմաթիվ անդամներ, աշխատակիցներ։
«Ընտրությունների ընթացքը շատ նորմալ, դրական, հանգիստ եմ գնահատում։ Օրենքի շրջանակում տեղի են ունենում ընտրություններ այս պահին»,- 168.am-ի հետ զրույցում այս մասին ասաց ՀՀԿ ռեյտինգային ցուցակով ԱԺ պատգամավորի թեկնածու, ԱԺ նախագահ Գալուստ Սահակյանի որդի Արման Սահակյանը։
«Ընտրատարածքի հարակից տարածքում ապրող բնակչուհի է եղել, եկել է ընտրությունների, այդ ճանապարհին վատ է զգացել իրեն, մեր ներկայացուցիչները փորձել են առաջին օգնություն ցուցաբերել։ Տարել են մեր շտաբ, զանգել են շտապօգնություն, բայց, ցավոք, հնարավոր չի եղել կյանքը փրկել»,- պարզաբանեց Ա. Սահակյանը։
«Ես չգիտեմ՝ պարոն Օհանյանն ինչ նկատի ունի՝ «տոնական տրամադրություն» ասելով, ես արդեն նշեցի, որ այսօր հարգանքի օր է, համերաշխության օր է՝ նախևառաջ մեր հերոս զինվորների հիշատակին»,- այսօր լրագրողների հետ հանդիպման ժամանակ ասաց ՀՀԿ խոսնակ Էդուարդ Շարմազանովը՝ անդրադառնալով Սեյրան Օհանյանի հորդորին, որ այսօր պետք է տոնական տրամադրություն պահպանել:
