Անահիտ Ավանեսյանի ընտանիքին առնչվող «Արֆարմացիան» պետգնումներում շարունակում է մնալ ֆավորիտ։ Սա թերևս պատահական չէ, քանի որ դեռ տարեսկզբին պատասխանելով 168․am-ի հարցին, թե ինչպե՞ս է ստացվում, որ նախարարի ղեկավարած գերատեսչությունը «ժողովրդավարության բաստիոն» Հայաստանում գնումներ է կատարում իր ընտանիքին պատկանող ընկերությունից՝ «Արֆարմացիայից», նա ասել էր․ «Այն, ինչ արգելված չէ օրենքով, թույլատրված է»։
Երևանի քաղաքապետարանը կարմիր գծերի, տրանսպորտի բարեփոխումների անվան տակ՝ տոմսերի գների թանկացման որոշումները գլուխ բերելուց հետո որոշել է համերգային ծրագրով ճանապարհել տարին։ Այս նպատակով նախօրեին մեկ անձ ընթացակարգով մշակութային միջոցառումների ծառայություններ են գնվել «Նեմրա բենդ» ՍՊԸ-ից․ պայմանագրի գինը՝ 2 միլիոն դրամ։
Ազգային ժողովը 2024թ. կարիքների համար պաշտոնական պատվիրակությունների ընդունելության ծառայություններ է ձեռք բերել ոչ մրցակցային՝ մեկ անձ գնման ընթացակարգով։ Գնումն արվել է նորաստեղծ «Չեփթր» ընկերությունից․ ըստ իրավաբանական անձանց ռեգիստրի տվյալների՝ ՍՊԸ-ն ընդամենը սեպտեմբեր ամսին է ստեղծվել և արդեն դեկտեմբերին նման խոշոր ու դեռևս միակ պայմանագիրը կնքել պետական գերատեսչության հետ։
«Ֆակտորի փրոդաքշն» ընկերության համար ևս այս տարին բավականին բարեբեր է եղել պետգնումներում․ համենայն դեպս, մինչ օրս գնումների armeps էլեկտրոնային համակարգում հանրայնացված տեղեկությունների համաձայն՝ այս ընկերության հետ պետական գերատեսչությունները կնքել են 100 միլիոնավոր դրամների 8 պայմանագիր, որից հինգը ոչ մրցակցային համարվող՝ «մեկ անձ» գնման ընթացակարգով, մեկը՝ բաց մրցույթ, և ևս 2-ը՝ երկփուլ մրցույթ ընթացակարգերով։
«Էյ Դաբլյու Այ Գրուպ» ՓԲԸ-ն, որը հայտնի է «AWI» բրենդով, միայն 2024 թվականին պետական գերատեսչությունների հետ կնքել է 15 պայմանագիր, որոնցից 5-ի դեպքում գնումը 4 միլիոնից մինչև 14 միլիոն դրամ է կազմել։ 15 պայմանագրերից 13-ը՝ մեկ անձ ոչ մրցակցային գնման ընթացակարգով կնքված պայմանագրերն են։
Ներքին գործերի նախարարությունն իր հերթական գնումն է կատարել «Սիլ ինշուրանս» ապահովագրական ընկերությունից։ Ըստ էլեկտրոնային գնումների համակարգի՝ նախօրեին կողմերի միջև հրատապ մեկ անձ գնման ընթացակարգով կնքված պայմանագրի գինը 75 միլիոն 660.000 դրամ է, որով ԱՓԲԸ-ն պետք է իրականացնի ՆԳՆ 146 «Շկոդա» մակնիշի մեքենաների «Կասկո» ապահովագրություն։
Տոնից տոն Հայաստանի տրամաբանությունից, պարզվում է, դուրս չէ նաև Շիրակի մարզը։ Մարզային իշխանությունները ծախսային շքերթով են դիմավորում ու ճանապարհում Ամանորը․ դեկտեմբերի 11-ին հենց այս նպատակով 3 պայմանագիր է կնքվել՝ 3-ն էլ հրատապության կարգով։
Երևանի քաղաքապետարանը մեկ անձից գնման եղանակով հերթական պայմանագիրն է կնքել օրերս։ Պայմանագիրի առարկան հոկտեմբերի 28-ից նոյեմբերի 28-ը՝ Երևանի քաղաքապետարանի նախաձեռնությամբ իրականացված լուսանկարչական փառատոնի կազմակերպումն է։
Պետգնումների էլեկտրոնային համակարգից տեղեկանում ենք՝ Տավուշի մարզպետի աշխատակազմն օրերս հրատապ մեկ անձ գնման ընթացակարգով պայմանագիր է կնքել «Վեհ Իշխանասար» ընկերության հետ։ Ի դեպ, այս տարում այս ընկերության հետ մարզպետի աշխատակազմը կնքել է տասնյակ-միլիոնավոր դրամների 3 պայմանագիր, որոնցից 2-ը՝ հրատապ մեկ անձից ընթացակարգով, 1-ը՝ բաց մրցույթով։
Լեհաստանի Հանրապետության նախագահ Անջեյ Դուդայի՝ նոյեմբերի 25-27-ը Հայաստան կատարած այցի շրջանակում ՀՀ Արտաքին գործերի նախարարության արարողակարգի ծառայությունը, ըստ պետգնումների էլեկտրոնային armeps համակարգի, մեկ անձից գնման ոչ մրցակցային եղանակով երկու պայմանագիր է կնքել։
Երևանի քաղաքապետարանը 104 միլիոն 989.560 դրամ է հատկացրել Երևանի Թևոսյան փողոցի հ. 9 հասցեում գտնվող «Երևանի ավտոբուս» ՓԲ ընկերության հավաքակայանի ասֆալտապատման աշխատանքների համար։
Երևանի քաղաքապետ Տիգրան Ավինյանի գլխավորած պաշտոնական պատվիրակությունը նոյեմբերի 23-30-ը գործուղվել է Ամերիկայի Միացյալ Նահանգների Լոս Անջելես քաղաք։
Ինչպես և նախորդ տարի, այս տարի ևս քաղաքապետարանը սեփական միջոցները մի գրպանից կդնի մյուսը՝ հենց քաղաքապետի կառավարմամբ գործող «Ձևավորում և սպասարկում» ՀՈԱԿ-ից դարձյալ պատվիրակելով ամանորյա ծառայություններ։
168․am-ը տարբեր առիթներով և պարբերաբար անդրադառնում է «իրական», «նոր», «սպիտակ», «թափանցիկ ու թավշյա»՝ իշխանական մակդիրներով բնութագրվող Հայաստանի պետական գերատեսչությունների՝ հաճախ կոռուպցիոն ռիսկերով, ոչ մրցակցային, ԽԾԲ սկզբունքով իրականացվող գնման գործընթացներին։
«Քարավան-11» ՍՊԸ-ի հետ հերթական 1 միլիարդը գերազանցող պայմանագիրն է հանրայնացվել օրերս․ պատվիրատուն այս մատակարարին նախընտրող ՀՀ տարածքային կառավարման և ենթակառուցվածքների նախարարությունն է։ Փաստաթղթով նշվում է՝ ավտոճանապարհի վերակառուցման աշխատանքների համար ՍՊԸ-ին կհատկացվի 1 միլիարդ 118.400.000 դրամ (որից շուրջ 186 միլիոն դրամ՝ ԱԱՀ-ն)։ Իսկ ճանապարհահատվածն Աճարկուտ-Կիրանց պատմական հուշարձանի 3,5 կմ-անոց հատվածն է։
Պետգնումների էլեկտրոնային armeps համակարգում հանրայնացվել է Ներքին գործերի նախարարության հրատապ մեկ անձից գնման ոչ մրցակցային ընթացակարգով հերթական գնումը։ Մատակարարը ՆԳՆ ֆավորիտներից է՝ «Էլիտբաս» ՍՊԸ-ն։
Հոկտեմբերի 18-ին Շիրակի մարզում ոչ պաշտոնական քարոզարշավի ժամանակ Նիկոլ Փաշինյանն ու իր թիմը նաև Բերդաշենում էին։ Այցից հետո Նիկոլ Փաշինյանը ֆեյսբուքյան էջում տեսանյութով անդրադարձել էր նաև գյուղի միջնակարգ դպրոցի կառուցման աշխատանքներին՝ մասնավորապես տեղեկացնելով․ «Ծրագրի ընդհանուր արժեքը 717 մլն դրամ է, որը հատկացրել է Կառավարությունը:
168.am-ն օրերս «Ով ինչքան է ստացել «Էրեբունի-Երևան-2806» տոնակատարության միջոցառումներին մասնակցության համար. քաղաքապետարանի ճոխ-ճոխ գնումները» և «Քեֆ անողին քեֆ չի պակսի․ Ով ինչքան է ստացել «Էրեբունի-Երևան-2806» տոնակատարության միջոցառումներին մասնակցության համար. ՄԱՍ 2» հրապարակումներով անդրադարձել էր «Էրեբունի-Երևան-2806» տոնակատարության շրջանակներում Երևանի քաղաքապետարանի՝ առավել խոշոր գնումներին։
ՀՀ-ում գնումների նախընտրելի ձևը մրցույթն է. համենայն դեպս, սա օրենքի պահանջն է։ Հանրային ու մասնագիտական տարբեր շրջանակներ հաճախ խնդրահարույց են համարում մեկ անձից գնման ընթացակարգեր՝ նկատի ունենալով կոռուպցիոն ռիսկերի հավանականությունը, սակայն պետական մարմինները չեն հրաժարվում այս ընթացակարգերից։
«Էրեբունի-Երևան-2806» տոնակատարության շրջանակներում մշակութային միջոցառումների կազմակերպման ծառայություններ է մատուցել «Նումա» ՍՊԸ-ն՝ 10 միլիոն 530.000 դրամով ապահովելով Հյուսիսային պողոտայում 50 մասնակցով գինու փառատոնի ու Դիանա Աբգարի անվան զբոսայգում 24 մասնակցով գարեջրի փառատոնի կազմակերպումը։
Ներքին գործերի նախարարությունն օրերս կատարել է իր հերթական՝ հրատապ մեկ անձից ընթացակարգով գնումը։ ՆԳՆ-ն մատակարար ընկերություն «Տոպազ-95»-ից ձեռք է բերել առանց դիմային ստեղնաշարի դիսփլեյով դյուրակիր ռադիոկայան։ Պայմանագրի գինն արժեցել է 54 միլիոն 840.000 դրամ։ Ըստ պայմանագրի՝ ռադիոկայանի 1 հատի արժեքը 457.000 դրամ է։
Երևան քաղաքի Մովսես Խորենացի փողոցում գտնվող ՀՀ ՊԵԿ թվային հետախուզության լաբորատորիայի վերակառուցման աշխատանքների համար նախօրեին հրատապ մեկ անձ գնման ընթացակարգով կնքվել է 32 միլիոն 196.000 դրամ արժողությամբ պայմանագիր։ Ըստ պայմանագրի տեխնիկական բնութագրի՝ աշխատանքները պետք է ավարտվեն 30 օրում։
Արտաքին գործերի նախարարությունն օրերս հանրայնացրել է «Երևանյան երկխոսություն» համաժողովի ծախսերի մեկ այլ հատված։
2024 թվականի սեպտեմբերի 9-11-ը ՀՀ արտաքին գործերի նախարարության նախաձեռնությամբ Երևանում տեղի ունեցավ «Երևանյան երկխոսություն» միջազգային համաժողովը։
Էկոնոմիկայի նախարարությունն այս ամիս հերթական պայմանագիրն է կնքել հերթական միջազգային ցուցահանդեսին՝ «WTM London 2024»-ին մասնակցելու նպատակով։ Ըստ պայմանագրի՝ միջոցառումը նախատեսված է նոյեմբերի 5-7-ը։ Գնումը դարձյալ «գնում չհանդիսացող ծախս» ընթացակարգով է կատարվել և բյուջեի վրա արժեցել է 24 միլիոն 720.000 դրամ։
Տարածքային կառավարման և ենթակառուցվածքների նախարարությունն օրերս հերթական հրատապ մեկ անձ ընթացակարգով գնումն է կատարել իր հիմնական մատակարարներից մեկից՝ «ՀԱԼԴԻ Քոնսալթ» ՍՊԸ-ից։ Պայմանագրի գինը 8 միլիոն 700 հազար դրամ է․ այս գումարի շրջանակում ընկերությունը պետք է ստանձնի Մ-2, Սյունիք, Աղվանի-Տաթև միջպետական նշանակության ավտոճանապարհի Վերին Խոտանանը շրջանցող ճանապարհահատվածի կառուցման աշխատանքների 2-րդ փուլի տեխնիկական հսկողության աշխատանքների պարտավորությունը։
Ազգային ժողովը ոչ մրցակցային՝ մեկ անձից գնման եղանակով հերթական պայմանագիրն է կնքել։ Այս անգամ մատակարար կողմը «Դվին հյուրանոցային համալիր» ՓԲԸ-ն է, որը, ըստ պայմանագրի, մատուցելու է ներկայացուցչական ծառայություններ։ Սեպտեմբերի 5-ին ԱԺ աշխատակազմի ղեկավար-գլխավոր քարտուղար Դավիթ Առաքելյանի և հյուրանոցային համալիրի տնօրեն Սյուզաննա Թովմասյանի միջև կնքված պայմանագրի գինը կազմել է 325 միլիոն 908.679 դրամ։
Ազատության հրապարակում օրերս տեղի ունեցած «Սիմֆոնիկ Երևան» խորագրով համերգային ծրագրի համար Երևանի քաղաքապետարանը բյուջեից ծախսել է 58 միլիոն 840 000 դրամ։ Ծրագրի շրջանակում հանդես էր եկել Հայաստանի պետական սիմֆոնիկ նվագախումբը՝ գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ:
Օրերս Էկոնոմիկայի նախարարությունը նարդի է գնել։ Գնումն արվել է մեկ անձից գնման ընթացակարգով և արժեցել է 126.000 դրամ։ Ըստ պետգնումների էլեկտրոնային համակարգի՝ մատակարարը 2017 թվականից պետական գրանցում ստացած և Կարեն Հարությունյանին պատկանող «Հենդլ» ընկերությունն է, որը շուկայում ներկայացնում է ձեռագործ նարդիների, շախմատների լայն տեսականի։
Քաղաքաշինության կոմիտեն մեկ անձ գնման ընթացակարգով հեղինակային հսկողության ծառայություններ է պատվիրակել։ Ըստ էլեկտրոնային գնումների armeps համակարգի՝ օգոստոսի 1-ին կոմիտեի և մատակարար ընկերության՝ «Ավ կոմպանի»-ի միջև կնքված պայմանագրի գինը կազմել է 60 միլիոն 804.000 դրամ։
