«Որևէ հաղթանակ միայն տեխնիկայի գործոնով չի կարող պայմանավորված լինել, կա նաև որակական առումով մարդկային գործոնը, որն ընդհանրապես չունեն»:
Լյարդն ամենակարևոր օրգաններից մեկն է, որն անդադար աշխատում է: Լյարդը, ինչպես և սիրտը, սերտ «համագործակցում է» մարսողական համակարգի հետ: Այն մաքրում է արյունը՝ դուրս բերելով բոլոր շլակները, ապա ետ է վերադարձնում այն դեպի սրտանոթային համակարգ: Եվ հենց այդ պարզ պատճառով էլ չափազանց կարևոր է լյարդի մասին ճիշտ հոգ տանելը:
Ապրիլյան պատերազմից հետո բոլորը խոսում էին փոխվելու, ամեն ինչ վերագնահատելու, ավելի լավը դառնալու մասին: Նման հայտարարություններ անում էր անգամ իշխանությունը, որը Հայաստանում ամենաանփոփոխ սուբստանցիան է: Հիմա իշխանությունն ասում է, որ ցանկանում է փոխվել ներքնապես՝ վերացնելով սեփական արատները, որոնք արտահայտվեցին պատերազմական օրերին: Որքանո՞վ է հասարակությունը հավատում իշխանության անկեղծությանը, դժվար է ասել, որովհետև տարիներ շարունակ լսել է փոփոխությունների մասին հայտարարություններ, սակայն ապրել է չփոփոխվող կամ ավելի վատը դարձող իրականության մեջ:
«Ռ-Էվոլյուցիա» հաղորդաշարի հյուրը Վազգեն Մանուկյանն է
Ապրիլի լույս 2-ից հետո Հայաստանն ու Լեռնային Ղարաբաղն ապրում են միանգամայն այլ պայմաններում, այլ ռեժիմում: Ղարաբաղաադրբեջանական սահմանին հարաբերական հրադադար է, որը, սակայն, ցանկացած պահի կարող է խախտվել: Վերջին օրերի զարգացումները, անշուշտ, բոլորի համար հետևություններ անելու առիթ պետք է դառնան: Այդ թվում կամ գուցե առաջին հերթին՝ քաղաքական, արտաքին քաղաքական որոշումներ կայացնողների: Չորսօրյա պատերազմը ցույց տվեց, որ իրականում Հայաստանի ու Լեռնային Ղարաբաղի միակ ռազմավարական դաշնակիցն առաջնագծում կանգնած հայ զինվորն է:
Ապրիլի լույս 2-ի գիշերն ադրբեջանական զինված ուժերը ղարաբաղաադրբեջանական շփման գծի ողջ երկայնքով` օգտագործելով ծանր զինտեխնիկայի բոլոր միջոցները, նախահարձակ գործողություններ ձեռնարկեցին Լեռնային Ղարաբաղի զինված ուժերի, ինչպես նաև՝ խաղաղ բնակավայրերի ուղղությամբ` պատճառելով մարդկային կորուստներ: Լեռնային Ղարաբաղի պաշտպանության բանակը հակահարված տվեց հակառակորդի ուժերին, որը կրեց զգալի նյութական և մարդկային կորուստներ: Տեղի ունեցածից անմիջապես հետո հնչեցին գնահատականներ, որ 1994 թվականի հրադադարից հետո սա առաջին դեպքն էր, երբ ադրբեջանական զինուժն օգտագործում էր գրեթե ողջ ծանր զինտեխնիկան, այդ թվում՝ ռազմական ավիացիան: Արդյոք կարո՞ղ է վերսկսվել պատերազմը:
Այսօր «Եռաբլուրում» տեղի ունեցավ հակառակորդի գնդակից զոհված մայոր Հայկ Թորոյանի հուղարկավորության արարողությունը: Հայկը զոհվել է Մատաղիսի պաշտպանության ժամանակ: Նա 30 տարեկան էր, ընտանիքի միակ տղան:
Այսօր Կոնդի Սուրբ Հովհաննես եկեղեցում տեղի ունեցավ զոհված զինծառայող Արմենակ Ուրֆանյանի հոգեհանգստի արարողությունը: Արմենայի մայրիկի հետ աշխատած կանանցից մեկը պատմեց, որ 4-րդ հրաձգային վաշտի հրամանատար, կապիտան Ուրֆանյանը պայմանագրային զինծառայող էր, օգոստոսին ավարտվելու էր պայմանագրի ժամկետը:
«Սասուն ջան, պետք է վստահ լինես, որ մենք շարունակելու ենք քո և քո ընկերների սուրբ գործը: Հանգչիր խաղաղությամբ, հայրենիքի զինվոր»,- ասաց Սերժ Սարգսյանը:
Երևանի Սուրբ Հովհաննես եկեղեցում տեղի ունեցավ զոհված զինծառայող Սասուն Մկրտչյանի հրաժեշտի արարողությունը: Եկեղեցին բազմամարդ էր. նրան վերջին հրաժեշտը տալու էին եկել ոչ միայն նրա հարազատները, ընկերներ, այլև բազմաթիվ այլ քաղաքացիներ:
Խումբը տեսագրել է ՀՀ առաջին նախագահի առանձնատունը, դրա մատույցները: Ինչպես նաև ՀՀ երկրորդ նախագահի գործունեության վայրի հետ կապված ուսումնասիրություններ են իրականացվել: «Խումբը նաև փորձել է վերահսկել ՀՀ գործող նախագահի թիկնազորի հետ կապված աշխատանքների կազմակերպման հանգամանքները, փորձել է տեղեկություններ հավաքել՝ պարզելու համար, թե այդ աշխատանքներն ինչ միջոցներով են իրականացվում, ինչպես են կազմակերպվում»:
«Ռ-Էվոլյուցիա» հաղորդաշարի հյուրը ԱԺ ՀԱԿ խմբակցության պատգամավոր Գագիկ Ջհանգիրյանն է:
Հայաստանն արդեն թևակոխել է 2017 թվականի խորհրդարանի ընտրությունների նախընտրական փուլ: Չնայած ընտրություններին դեռևս մեկ տարի կա, այդուհանդերձ, քաղաքական ուժերի գործողությունները մեծ մասամբ տեղավորվում են նախընտրական տրամաբանության շրջանակներում, ինչը, իհարկե, բնական կարելի է համարել: Մյուս կողմից՝ գոնե առայժմ ավելի տեսանելի են իշխանական դաշտում ընթացող գործընթացները: Իշխանությունը նախ՝ անցկացրեց սահմանադրական հանրաքվեն, կոալիցիա կազմեց Դաշնակցության հետ, հիմա էլ ներկայացրել է նոր Ընտրական օրենսգրքի նախագիծը: Բոլոր այս և բազմաթիվ այլ քայլեր իշխանությունն անում է առաջին հերթին կամ առավելապես 2017 թվականի ընտրություններում իր դիրքերն ամրացնելու համար:
Հայաստանի իշխանությունների գործողությունները, եթե ոչ՝ ամբողջությամբ, ապա շատ հաճախ կարելի է տեղավորել Ռուսաստանի նախկին վարչապետ Վիկտոր Չեռնոմիրդինի հայտնի հայտարարության տրամաբանության մեջ` «ցանկանում էիք՝ լավ, ստացվեց` ինչպես միշտ»: Ըստ ամենայնի, այս սկզբունքով է մշակվել նաև նոր Ընտրական օրենսգիրքը: Սահմանադրական փոփոխությունների հանրաքվեից առաջ և դրա քարոզչության ընթացքում իշխանությունները հայտարարում էին, թե սահմանադրական փոփոխություններից հետո ներկայացնելու են աննախադեպ առաջընթաց ապահովող, ամենաժողովրդավարական Ընտրական օրենսգիրքը:
Անցած շաբաթ հրապարակվեց «Ընտրական օրենսգրքի» նոր նախագիծը: Հրապարակվեց ոչ թե Հայաստանի կառավարության, Ազգային ժողովի կամ որևէ այլ գերատեսչության, այլ Վենետիկի հանձնաժողովի կողմից: Միայն դրանից հետո և կառավարության օրակարգում ընդգրկվելուց ժամեր առաջ այն հրապարակվեց նաև պաշտոնապես: Կառավարությունն ընդունեց և ուղարկեց Ազգային ժողով, որը մինչև հունիսի 1-ը պետք է ընդունի նոր՝ խորհրդարանական կառավարման կարգ ամրագրող Ընտրական օրենսգիրքը: Ինչո՞ւ Ընտրական օրենսգրքի նախագիծը Վենետիկի հանձնաժողով ուղարկվեց՝ առանց Հայաստանի քաղաքական ուժերի, քաղաքացիական հասարակության հետ քննարկելու, որքանո՞վ են դրանում հաշվի առնվել տարիներ շարունակ հնչեցված մտահոգություններն ու առաջարկները: Այս մասին է մեր զրույցն Ազգային ժողովի աշխատակազմի ղեկավար, Ընտրական օրենսգրքի համահեղինակներից Հրայր Թովմասյանի հետ:
«Դե, բնական է, ոչ մի գործ էլ դեռ չի բացահայտվել: Ինչ վերաբերվում է մարտի 1-ին, այսօր ես չեմ հուսահատվել, թողել, գնացել, նստել տուն, հիմա իմ թեկնածություն դնելն էլ է պայքարի միջոց, որ մենք պայքարենք արդարության համար, տղերքն էլ են պայքարել արդարության համար»,- 168.am-ի հետ զրույցում խոսելով մարտի 1-ի սպանվածների գործերի բացահայտման մասին՝ նման տեսակետ հայտնեց «Սասուն» ջոկատի հրամանատար, «Քաղաքացիական պայմանագիր» կուսակցության անդամ Սասուն Միքայելյանը, ով իր թեկնածությունն է առաջադրել Հրազդանի քաղաքապետի պաշտոնում:
Ավելի քան երկու ամսվա բանակցություններից ու քննարկումներից հետո, անցյալ շաբաթ վերջապես Հանրապետական և Դաշնակցություն կուսակցությունները ստորագրեցին քաղաքական համագործակցության մասին համաձայնագիր, որի արդյունքում՝ Դաշնակցությանը տրվեցին 3 նախարարի, 2 մարզպետի պորտֆելներ: Ինչպես ասում են, դա դեռ վերջը չէ, և, ամենայն հավանականությամբ, առաջիկայում Դաշնակցությունը կստանա նաև այլ պաշտոններ՝ փոխնախարարներ, վարչական շրջանի ղեկավարներ, և այլն: Ինչո՞ւ խորհրդարանական ընտրություններից մեկ տարի առաջ Դաշնակցությունը մաս կազմեց իշխանությանը, ինչո՞ւ ՀՀԿ-ն ունենալով մեծամասնություն՝ պաշտոններ զիջեց Դաշնակցությանը, ո՞վ և որքանո՞վ է շահելու այդ համագործակցությունից, վերջին հաշվով, ի՞նչ կապ ունի այս ամենը հասարակության հետ: Այսօր այս և այլ հարցերի շուրջ է մեր զրույցը ՀՅԴ ԳՄ ներկայացուցիչ, ԱԺ ՀՅԴ խմբակցության քարտուղար Աղվան Վարդանյանի հետ:
Մեր զրուցակիցն է ՀՀ նախկին վարչապետ, «Ազատություն» կուսակցության նախագահ ԱԺ պատգամավոր Հրանտ Բագրատյանն է, ով գրեթե բոլոր ընդդիմադիր կուսակցություններին առաջարկում է 2017 թվականին հանդես գալ միասնաբար:
«Արմենիա» հեռուստաընկերության «Ռ-Էվոլյուցիա» հաղորդաշարի հյուրը Ազգային Ժողովի Հանրապետական խմբակցության պատգամավոր Սամվել Ֆարմանյանն է:
Միգրենն անտանելի գլխացավ է, որը կարող է հանգեցնել թուլության և տհաճ զգացողությունների: Շատերը դրա դեմ պայքարում եմ տարբեր դեղամիջոցներով՝ հույս ունենալով, որ դրանք կարող են հանգստացնել միգրենը: Միգրենով տառապողները տեղյակ են, որ սաստիկ ցավերը կարող են նույնիսկ օրեր տևել: Այնուամենայնիվ, գոյություն ունեն ազդանշաններ, որոնք զգուշացնում են սպասվող միգրենի և սաստիկ ցավերի մասին:
Անցած շաբաթ խորհրդարանը սկսեց գարնանային նստաշրջանը, որն անցավ բավական բուռն մթնոլորտում: Մարդու իրավունքների պաշտպանի ընտրության նոր կարգ, բազմամիլիոնանոց վարկային նոր համաձայնագրեր՝ Ազգային ժողովի Նիստերի դահլիճում, Դաշնակցություն-ՀՀԿ կոալիցիոն քննարկումներ կուլիսներում, նոր Ընտրական օրենսգրքի մշակումներ՝ դեռևս կիսագաղտնի պայմաններում: Հայաստանի քաղաքական կյանքն ակտիվացել է, ու դա, բնականաբար, կապված է 2017 թվականի խորհրդարանական ընտրությունների հետ: Դրանց մասնակցելու են ինչպես՝ տարիներ շարունակ գործող, այնպես էլ՝ նոր ստեղծված քաղաքական կուսակցություններ, որոնցից մեկն էլ ԱԺ պատգամավոր Էդմոն Մարուքյանի հիմնադրած «Լուսավոր Հայաստան» կուսակցությունն է: Սաթիկ Սեյրանյանի զրուցակիցն Էդմոն Մարուքյանն է:
«Երիտասարդ կենսաբանների ասոցիացիա» հասարակական կազմակերպությունը (հ/կ) և 168.am-ը Ձեզ են ներկայացնում «Իսկ դուք գիտե՞ք, որ» գիտահանրամատչելի ծրագիրը: Ծրագրի նպատակն է՝ բարձրացնել տեղեկացվածությունը կենսաբանության և մեզ շրջապատող բնաշխարհի վերաբերյալ:
Անցած շաբաթ Եվրոպայի խորհրդի Խորհրդարանական վեհաժողովը ձայների 66 «կողմ», 70 «դեմ» և 45 ձեռնպահ հարաբերակցությամբ մերժեց բրիտանացի Ռոբերտ Ուոլթերի հեղինակած «Բռնության աճը Լեռնային Ղարաբաղում և Ադրբեջանի մյուս գրավյալ տարածքներում» զեկույցը: ԵԽ ԽՎ-ն, սակայն, ընդունեց Միլիցա Մարկովիչի «Ադրբեջանի սահմանամերձ շրջանների բնակիչները միտումնավոր զրկված են ջրից» զեկույցը, որի օգտին քվեարկեցին՝ 98, դեմ՝ 71, և ձեռնպահ՝ 40 պատգամավորներ: Ինչո՞ւ են նման զեկույցները հասնում մինչև ԵԽ ԽՎ լիագումար նստաշրջան, ովքե՞ր են թերանում և ովքե՞ր են մեղավոր նման իրավիճակի համար, որքանո՞վ է Հայաստանի արտաքին քաղաքականությունն ընդհանրապես համարժեք այսօրվա զարգացումներին:
2016 թվականը Հայաստանում մեկնարկեց, այսպես կոչված, խոզի գրիպի համաճարակով և դրան առնչվող խնդիրներով: Համաճարակը, բարեբախտաբար, ինչպես մասնագետներն են ասում, արդեն նահանջում է, սակայն դեռևս առկա են դրա որոշակի հետևանքներ: Դրանցից մեկն էլ կարելի է համարել այն, որ հանրակրթական դպրոցներում դասերը հետաձգվեցին երկրորդ անգամ, ինչը քաղաքացիներից շատերը ողջունեցին, թեև քիչ չէին նաև քննադատողները:
Կինը շարունակեց՝ բայց չէ՞ որ մեղադրանքները ներկայացվելու են ձեր արածների հիման վրա, ոչ թե՝ ասածների. «Եթե ինչ-որ մեկը ձեզ մեղադրում ա, ուրեմն ինչ-որ հիմք ունի»:
Աշխարհի տարբեր երկրներում և Հայաստանում շրջում է սուր շնչառական վարակների, H1N1, այսպես կոչված՝ խոզի գրիպի ուրվականը: Որոշ մասնագետների կարծիքով՝ դրանք սեզոնային հերթական սրացումներ են կամ ուղեկցող հիվանդությունների բարդացած դրսևորումներ և պետք չէ խուճապի մատնվել, ոմանց կարծիքով էլ ՀՀ առողջապահության նախարարությունը պետք է դեռևս ամիսներ առաջ նախապատրաստվեր նման սրացումներին և համապատասխան կանխարգելիչ միջոցառումներ իրականացներ:
2015 թվականը մոտենում է ավարտին: Այս տարին հագեցած էր բավական դինամիկ ու դրամատիկ իրադարձություններով՝ ինչպես ներքաղաքական, այնպես էլ արտաքին քաղաքական ասպարեզում: Այս տարվա հունվարի 1-ից Հայաստանը դե յուրե դարձավ Եվրասիական տնտեսական միության անդամ, ինչը պայմանավորեց ինչպես արտաքին քաղաքական այլ ուղղություններով, այնպես էլ տնտեսական կյանքում տեղի ունեցած բազմաթիվ իրադարձություններ:
Սպիտակուցն օրգանիզմին չափազանց անհրաժեշտ է նոր բջիջներ ստեղծելու, հորմոնների սինթեզի և նյութափոխանակության համար անհրաժեշտ տարբեր ֆերմենտներ արտազատելու համար: Սպիտակուցներ (նույն պրոտեինը) մեր օրգանիզմն ի վիճակի չէ կուտակել, այդ իսկ պատճառով այն պետք է կանոնավոր կերպով օրգանիզմ մտնի սննդի միջոցով:
Սև և ամբողջովին դառը սուրճը խմելուց հետո բաժակի տակ մնացած նստվածքից հրաշալի սկրաբ կարող եք պատրաստել չոր, յուղոտ և խառը տիպի մաշկի համար: Այդ նստվածքը լավ խառնեք հավասար քանակությամբ բարձր յուղայնությամբ կաթնաշոռի հետ, քսեք դեմքին և 1-2 րոպե մերսեք մաշկը: Այնուհետև դիմակը ևս 10 րոպե պահեք դեմքին, ապա սենյակային ջերմաստիճանի ջրով լվացվեք:
Բոլոր նրանք, ովքեր անընդհատ պայքարում են ավելորդ կիլոգրամների դեմ, հավանաբար գիտեն, որ մի քանի կիլոգրամ մի քանի օրում կորցնելը կարող է իրական մարտահրավեր լինել:
