Այս միջնորդությունը պետք է մերժվի, եթե ունենանք արդարադատության հնարավորություն. Արամ Վարդևանյան
Սամվել Կարապետյանի պաշտպանական կողմն ավարտել է փաստարկների ներկայացումը: Այս մասին Հակակոռուպցիոն դատարանի մոտ հայտարարեց պաշտպանական թիմից Արամ Վարդևանյանը:
«Եթե ունենանք ողջամիտ հնարավորություն իրական իրավաբանության, արդարադատության, միանշանակ է, որ այս միջնորդությունը պետք է մերժվի։ Մեր ակնկալիքի նշաձողը բավականին ցածր է, մենք չենք ուզում 100 տոկոս ծավալի իրավաբանություն, որովհետև կլինի միամտություն կարծել, որ մենք դա կարող ենք ունենալ այսօրվա պայմաններում»,- ասաց փաստաբանը։
