Թրամփը հայտարարել է, որ ջանասիրաբար աշխատում է ուկրաինական կարգավորման վրա
ԱՄՆ նախագահ Դոնալդ Թրամփը հայտարարել է, որ շարունակում է ջանասիրաբար աշխատել Ուկրաինայում հակամարտությունը վերջ դնելու համար՝ դրա բարդությունը համեմատելով Մերձավոր Արևելքում դարավոր հակամարտության հետ։ Նա այս հայտարարությունն արել է CNN-ին տված հարցազրույցում։
«Ես ջանասիրաբար աշխատում եմ ռուսական հարցի շուրջ»,- ասել է Թրամփը Վլադիմիր Զելենսկու՝ ուրբաթ Սպիտակ տուն սպասվող այցից առաջ։
Թրամփը հարցրել է, թե որն է ավելի մեծ նվաճում. խաղաղությունը Մերձավոր Արևելքո՞ւմ, թե՞ խաղաղությունը Ռուսաստանի և Ուկրաինայի միջև։ Երբ լրագրողը նշել է, որ «Մերձավոր Արևելքի հակամարտությունները լուծելը պատմականորեն ավելի դժվար է եղել», նախագահը համաձայնել է։ «Դա ճիշտ է,- ասել է Թրամփը, մեկը տևում է երեք տարի, մյուսը՝ երեք հազար»։
Ռուսաստանի նախագահի մամուլի քարտուղար Դմիտրի Պեսկովը նախորդ օրը հայտարարել է, որ Ռուսաստանը հատուկ ռազմական գործողություն է անցկացնում Ուկրաինայում՝ այլընտրանքների բացակայության պատճառով, բայց շարունակում է պատրաստ լինել խաղաղ կարգավորմանը։
