«Գործը շատ բարդ է, քանի որ դիակի մնացորդներ են, փորձաքննությունները դժվար է անցկացնել, մենք պատասխան ենք ստացել, որ դեռեւս ընթացքի մեջ է փորձաքննությունը, այն արվում է Հայաստանում, դեռ հայտնի չէ՝ երբ կավարտվի»:
ՀՀ տարածքային կառավարման և արտակարգ իրավիճակների նախարարությունը տեղեկացնում է, որ դեկտեմբերի 12-ի ժամը 10.00-ի դրությամբ ՀՀ տարածքում բոլոր ավտոճանապարհները հիմնականում անցանելի են:
Tert.am-ի տեղեկություններով՝ ղարաբաղա–ադրբեջանական զորքերի շփման գծում հակառակորդն այսօր գիշերը հրադադարի աննախադեպ խախտումներ է կատարել։
Արցախից ստացված տեղեկություններով՝ ադրբեջանական կողմը կիրառել է նաև ականանետեր։
Դեկտեմբերի 11-ին, ժամը 21.20-ին տեղեկատվություն է ստացվել, որ Արարատի մարզի Ոսկետափ գյուղի մոտակայքում տեղի է ունեցել ՃՏՊ. անհրաժեշտ է փրկարարների օգնությունը:
«Մենք արդեն թեւակոխել այն փուլ, որ Հայոց ցեղասպանությունը զուտ բարոյական հարթությունից, ներողությունից, Ցեղասպանություն բառն արտասանելուց անցնելու է իրավական հարթություն, իրավական հարթությունում կա փոխհատուցման խնդիր: Ինձ հետաքրքիր էր իմանալ՝ Ջեմալ Փաշայի թոռան կարծիքը այդ մասին: Ինչպես է նա պատկերացնում դա, շատ մտավորականներ այդ հարցից խուսափում են»:
Ազգս դժվար ու դանդաղ է մտնում ամանորյա առևտրի կածան: Խանութներում ու տոնավաճառներում դեռ իրարանցում չկա: Պատճառը հավանաբար դրամի կտրուկ արժեզրկումն է ու դրան ուղեկցող գնաճը: Մարդիկ դեռ հույս ունեն, որ փոխարժեքի ցուցանիշերը կկարգավորվեն, ու գնանկում կլինի:
Մարդիկ, ովքեր չեն խաբում, որպես կանոն՝ երդվելու անհրաժեշտություն էլ չունեն: Ի՞նչն է մարդուն ստիպում երդվել: Թերևս` մտավախությունը, թե իրեն չեն հավատա: Հայաստանում բոլորը խոսքի մեջ երդվում են, թեև ամենևին պարտադիր չէ: Սակայն կա նաև երդման պարտադիր ծես:
Ակտիվիստ Վարդգես Գասպարին այսօր տարվել է ոստիկանապետ Վլադիմիր Գասպարյանի աշխատասենյակ, այն պահին երբ «առավոտյան ժամը 8:30-ին Թումանյանի թանգարանից ներքև Վ. Գասպարյանի տան մոտակայքում կանգնած էի իմ պաստառով…»:
2013 թվականի տվյալներով՝ Հայաստանում ամուսնացած տղամարդկանց միջին ամսական զուտ եկամուտը կազմել է 113663 դրամ։ Մինչդեռ երբևէ չամուսնացած տղամարդկանց եկամուտն ավելի քիչ է՝ 100944 դրամ, ամուսնալուծվածներինը՝ 99106 դրամ։
«Սա իսկապես կապակցված շղթա է, իշխանությունները բացահայտ գնում են ահաբեկչական գործողությունների: Իհարկե, նրանք ովքեր հարձակման են ենթարկվել, խնդիր չունեն ոչ իրենց պատրաստակամության, ոչ ոգու հետ: Իշխանությունների հաշվարկով` սրանով պետք է հասարակ ժողովուրդը վախենա, բայց չեն հասկանում, որ սրանով սրում են ժողովրդի ատելությունը»:
Շրջանառվող լուրերը, թե հունվարի 1-ից դեղորայքն այլևս հաբերով չի վաճառվելու և հաճախորդները ստիպված են լինելու գնել ամբողջական տուփը՝ իրականության հետ որոշ աղերսներ ունեն: Սակայն խոսքն այն մասին չէ, որ Հայաստանում իսկապես նման կարգ է հաստատվելու:
Դեկտեմբերի 11-ին, ժամը 20.09-ին անձը չպարզված քաղաքացուց ահազանգ է ստացվել, որ ինքը ցանկանում է ինքնասպան լինել՝ ցած ներվելով Երևանի «Հաղթանակ» կամրջից:
Դեկտեմբերի 10-ին, ժամը 13.30-ին, ոստիկանության Բյուրեղավանի բաժանմունքի ծառայողներն, իրացնելով ստացված օպերատիվ տեղեկությունները, գողություն կատարելու կասկածանքով, Նոր Գեղի գյուղից բաժանմունք բերման են ենթարկել 1977 թ. ծնված Աշոտ Մ.-ին:
Հարձակվողը միջին տարիքի մի տղամարդ է եղել: Նա ոչինչ չի ասել, հարվածներ է հասցրել պատգամավորին՝ դեմքի շրջանում եւ դիմել է փախուստի:
Դեկտեմբերի 8-ին, ոստիկանության «Զվարթնոց» օդանավակայանի գծային բաժնում 1954 թ. ծնված Միքայել Վ.-ն դիմում էր ներկայացրել, որ դեկտեմբերի 6-ին օդանավակայանի մեկնման սրահում իրեն անհայտ պայմաններում կորցրել է ճամպրուկը, որի մեջ եղել են իր անձնական օգտագործման իրերը` մոտ 510.000 դրամ արժողությամբ:
Դրամի արժեզրկման ազդեցությունն արդեն զգացվում է նաև դեղորայքի գների վրա և որոշակի թանկացումներ արդեն կան: Ինչպես 168.am-ի հետ զրույցում նշեց «Վագա-ֆարմ» ընկերության հիմնադիր Վահե Վարսանյանը, ոլորտի կազմակերպությունները փորձում են գները չբարձրացնել, բայց դա երկար չի կարող շարունակվել:
Քիչ առաջ անհայտ անձը հարձակվել են Հայաստանի Ազգային ժողովի ՀԱԿ խմբակցության քարտուղար Արամ Մանուկյանի վրա եւ հարվածել նրան:
Դեկտեմբերի 10-ին, ժամը 19.10-ին, ոստիկանության Երևան քաղաքի վարչության գրպանահատության 6-րդ բաժանմունքի ծառայողները Երևանի Ծովակալ Իսակովի պողոտայի և Բաբաջանյան փողոցի խաչմերուկում թիվ 37 երթուղու միկրոավտոբուսից իջնելուց հետո, գողություն կատարելու կասկածանքով, բերման են ենթարկել 1975 թ. ծնված Արարատ Բ.-ին:
2015 թ. հունվարի 1-ից ՀՀ լայն շերտերի ներկայացուցիչները կկարողանան ԱՄՆ-ի մուտքի վիզա ստանալ 10 տարի ժամկետով, սակայն ովքեր են մտնում այդ «լայն շերտերի ներկայացուցիչների ցանկում»:
Ոռոգման ջուր չկա, փողոցով քայլել հնարավոր չէ, երաշտն էլ բերքն այրել է: Շիրակի մարզի Ջրափի համայնքի նկարագիրն է: Անցնող գյուղատնտեսական տարում ջրափեցիներից ոչ մեկին չի հաջողվել ցորեն ու գարի տուն տանել:
Վերջին շրջանում բազմաթիվ գնահատականներ են հնչում այն մասին, որ Եվրասիական տնտեսական միությանն անդամակցելու դեպքում Հայաստանում մարդու իրավունքների վիճակն ավելի կվատանա: Սակայն ՀՀ մարդու իրավունքների պաշտպան Կարեն Անդրեասյանը այնքան էլ համամիտ չէ այդ տեսակետների հետ՝ ասելով, թե համաձայն չէ, երբ մարդու իրավունքները պահմանավորում են աշխարհաքաղաքական զարգացումներով:
ՀՀ կառավարության այսօրվա նիստում ՀՀ արտաքին գործերի նախարար Էդվարդ Նալբանդյանը ներկայացրեց 2015թ. հունվարի 1-ից Ամերիկայի Միացյալ Նահանգների քաղաքացիների համար առանց մուտքի վիզայի այցելությունների ռեժիմի մասին որոշման նախագիծը: Ըստ այդ որոշման, ինչպես նշեց Է. Նալբանդյանը՝ 2015թ. հունվարի 1-ից Հայաստանի Հանրապետության շատ ներկայացուցիչներ հնարավարություն կունենան ԱՄՆ-ի մուտքի վիզա ստանալ 10 տարի ժամկետով:
Ոստիկանության Կոտայքի բաժնի Գառնիի բաժանմունքի ծառայողները դեկտեմբերի 9-ին, ժամը 10.40-ին, գողություն կատարելու կասկածանքով, Կոտայքի մարզի Գողթ գյուղից Գառնիի բաժանմունք բերման են ենթարկել 1997 թ. ծնված Վարդան Խ.-ին:
«Գլխավոր դատախազին այդպիսի փաստեր ոչ թե մեկ, այլ 10-15, ես եմ հիշում քաղաքացիների, մարդկանց, ովքեր իրեն հրապարակային որոշակի խնդիրներ ուղարկեցին: Կային մարդիկ, ովքեր ինձ մոտ էին գալիս, ես ուղղորդում էի իրենց Գլխավոր դատախազություն, և կարծում եմ՝ գոնե մեկից մի քանի անգամ ավելի իրենց ներկայացվել է: Թե ի՞նչ են արել՝ Դուք իրենցից կարող եք ճշտել»: Մեր հաջորդ հարցին՝ արդյոք տեղեկություն չունի՞, թե Դատախազությունն ինչ է արել, Կ. Անդրեասյանը պատասխանեց, որ ինքը հետևում է, բայց կուզենար, որպեզի նրանք մեկնաբանեին:
ՀՀ քննչական կոմիտեի նախագահ Աղվան Հովսեփյանը հրամաններ է ստորագրել` ՀՀ քննչական կոմիտեի կարգապահական հանձնաժողովի կազմը եւ գործունեության կարգը հաստատելու մասին։
ՀՀ տարածքային կառավարման և արտակարգ իրավիճակների նախարարությունում Տավուշի մարզի չորս, Արարատի, Լոռու, Շիրակի և Արմավիրի մեկական համայնքներին ՀՀ առողջապահության նախարարության «Առողջապահական ծրագրերի իրականացման գրասենյակի» կողմից տրամադրվեցին շտապօգնության ավտոմեքենաներ:
Հայ հասարակությանը ցնցեց դեկտեմբերի 9-ին արցախյան ազատամարտի հրամանատարներ, Ազատամարտիկների դաշինքի խորհրդի անդամներ Ռազմիկ Պետրոսյանի («Ապարան» ջոկատի հրամանատար) և Մանվել Եղիազարյանի («Արաբո» ջոկատի հրամանատար), իսկ դեկտեմբերի 10-ին Ազատամարտիկների դաշինքի խորհրդի անդամ և մամլո խոսնակ Սուրեն Սարգսյանի վրա ավազակային հարձակումները։
Զանգվածային լրատվամիջոցներով տարածվել է ՀՀ ոստիկանության զորքերի հրամանատար, փոխոստիկանապետ Լեւոն Երանոսյանի հայտարարությունը Սերժ Սարգսյանին քննադատողների նկատմամբ իր կողմից բռնություն կիրառելու մասին։ Այսպես՝ «Ժողովուրդ» օրաթերթը գրում է. «ՀՀ ոստիկանության զորքերի հրամանատար, փոխոստիկանապետ Լեւոն Երանոսյանը երեկ՝ Մարդու իրավունքների պաշտպանության օրը, «Ժողովուրդ»-ի հետ զրույցում ո՛չ հերքել եւ ո՛չ էլ հաստատել է, որ «Արաբո» ջոկատի հրամանատար Մանվել Եղիազարյանին եւ «Ապարան» ջոկատի հրամանատար Ռազմիկ Պետրոսյանին իր հրահանգով են ծեծել` Սերժ Սարգսյանին հայհոյելու համար: «Ես կաշկանդվելու բան չունեմ, այս երկրում ով լինի, իմ ներկայությամբ հանրապետության նախագահի հասցեին որեւիցե մի բան ուզենա ասելու, ես ականջները կկտրեմ շան թուլի պես»,- ավելացրել է Լեւոն Երանոսյանը:
Դեկտեմբերի 9-ին, ժամը 21.15-ին, հիվանդանոցից ոստիկանության Կենտրոնականի բաժնում հաղորդում է ստացվել, որ «գլխի ծոծրակային շրջանի սալջարդ, մակերեսային պատռած վերք» ախտորոշմամբ շտապօգնության խումբը բուժօգնության է տեղափոխել 1972 թ. ծնված Ջուլիետա Ն.-ին:
Դեկտեմբերի 12-ին, 13-ի գիշերը, 16-ին սպասվում է առավելապես առանց տեղումների եղանակ, 13-ի օրվա երկրորդ կեսից, 14-ին 15-ի գիշերը շրջանների զգալի մասում, 15-ի ցերեկը արևելյան շրջաններում ժամանակ առ ժամանակ սպասվում են տեղումներ և մառախուղ, լեռնային գոտիներում ձյուն:
