Հայազգի բժիշկը նշել է այն մթերքները, որոնք երիկամներում քար են առաջացնում
Սննդակարգերի որոշ տեսակներ կարող են երիկամներում քարերի առաջացման պատճառ դառնալ, զգուշացրել է ուրոլոգ-ուռուցքաբան Վիգեն Մալխասյանը։ aif.ru-ին տված հարցազրույցում նա թվարկել է այն սննդամթերքները, որոնք երիկամներում քարերի առաջացման պատճառ են դառնում։
Մասնագետի խոսքով՝ քարերը ամենից հաճախ առաջանում են կալցիումի օքսալատից։
«Օքսալատի կոնցենտրացիայի աճը խթանում է բյուրեղների առաջացումը, որոնք աստիճանաբար մեծանում են և վերածվում են քարերի»,- բացատրել է Մալխասյանը։
Բժիշկը նշել է, որ սննդակարգը էական դեր է խաղում այս գործընթացում. օրինակ՝ աղի ավելցուկը, կենդանական սպիտակուցը և օքսալատներով հարուստ սնունդը մեծացնում են ռիսկը: Երիկամներում քարերի առաջացմանը նպաստող սննդամթերքների շարքում նա նշել է մուգ շոկոլադը, կանաչ պղպեղը, ճակնդեղը, թուզը, ազնվամորին, ընկույզը և հնդկաձավարը:
Մալխասյանն ընդգծել է, որ այս սննդամթերքներից լիովին հրաժարվելու անհրաժեշտություն չկա։ Դրանց օգտագործումը նվազեցնելը խորհուրդ է տրվում միայն այն դեպքում, եթե լաբորատոր հետազոտությունները ցույց են տալիս օքսալատի բարձր մակարդակ։
