Նման զարգացման հեռանկարն անվտանգային, ժողովրդագրական և տնտեսական առումներով անընդունելի է մեզ համար, ուստի ընդամենը մեր դիրքերի պահպանմամբ և հակառակորդի նկատմամբ հարաբերական հաղթանակով բավարարվելու փոխարեն հարկավոր է խստագույնս պատժել նրան՝ խորտակիչ հարվածներ հասցնելու և տարածքային կորուստներ պատճառելու միջոցով:
«ԱԻՄ Լրատվական ծառայությունը տեղեկացնում է, որ ԱԻՄ ներկայացուցչական խորհուրդը մարտի 28-ի ԱԻՄ ՆԽ նախագահ Արկադի Վարդանյանի գլխավորությամբ գումարած նիստում անդրադառնալով «Նոր Հայաստանի» հրապարակավ հնչեցրած համագործակցության կոչին, արձանագրելով այն հանգամանքը, որ ԱԻՄ-ն իր կանոնադրության համաձայն պարտավոր է դրական արձագանքել հանուն մարդու իրավունքների և ժողովրդավարության համագործակցելու նախաձեռնություններին, հավատալով, որ հրապարակայնորեն հնչած կոչին հաջորդելու են հրապարակային քննարկումներ՝ թե´ նպատակների, թե´ մարտավարական հարցերի վերաբերյալ, իր պատրաստակամությունն է հայտնում հանուն արդար սահմանադրական կարգի հաստատման աշխատել և´ «Նոր Հայաստանի», և´ այլ քաղաքական ուժերի հետ»:
Հայոց Համազգային Շարժում կուսակցությունը խստորեն դատապարտում է Ադրբեջանի կողմից փխրուն խաղաղության խաթարմանն ուղղված գործողությունները, որոնք համարժեք գնահատականի չարժանանալու դեպքում՝ կարող են վերաճել լայնամասշտաբ ռազմական գործողությունների:
ՀՀ արտաքին գործերի նախարար Էդվարդ Նալբանդյանը հեռախոսազրույց է ունեցել ԵԱՀԿ գործող նախագահ, Գերմանիայի արտաքին գործերի նախարար Ֆրանկ-Վալտեր Շտայնմայերի հետ: ՀՀ ԱԳՆ մամուլի խոսնակ Տիգրան Բալայանը թվիթերյան իր միկրոբլոգում նշել է, որ զրույցի ընթացքում քննարկվել են Ադրբեջանի կողմից սանձնազերծած ռազմական գործողությունները:
«Ես համոզված եմ, որ սև դիմակներով մարդիկ այսօր ծափահարում են Ալիևին, որովհետև նա հուսահատ ավանտյուրիստական քայլեր է անում, որպեսզի մաքրի Հարավային Կովկասը քրիստոնեական, արևմտյան մշակույթից: Այստեղ նա գիտակից ձևով, թե անգիտակից, գործում է ԴԱԻՇ-ի կամ ԻԳԻԼ-ի նման կազմակերպությունների շահերից:
Տարասովի կարծիքով` ադրբեջանական կողմի ակտիվությունը կարող է լինել հնարք՝ շեղելու ուշադրությունը Սիրիայում տիրող իրավիճակից: Եվ այս ամենը կատարվում է Թուրքիայի հետ համաձայնեցված: «Սա կարող է իրավիճակը ապակայունացնող լուրջ նշան լինել, և խոսքը միայն Անդրկովկասի մասին չէ»,- նշեց Տարասովը:
Եվրոպական խորհրդարանի պատգամավոր, Եվրոպայի պահպանողականների և բարեփոխիչների խմբի անդամ դոկտոր Չարլզ Թեննոքը կոչ է անում հարգել Մինսկի խմբի շրջանակում Լեռնային Ղարաբաղի հակամարտության կարգավորման գործընթացը, դադարեցնել բախումները: Նրա խոսքով` նավթի գնի անկման և բյուջետային ճնշումների պայմաններում Ադրբե ջանի կառավարության կողմից Լեռնային Ղարաբաղում ռազմական ճանապարհով որևէ լուծման գնալը վերջին զբաղմունքը պետք է լինի:
Ղարաբաղա-ադրբեջանական շփման գծում տեղի ունեցած իրավիճակը պետք է օգտագործել` Ադրբեջանի պոտենցիալին ավելի մեծ վնաս հասցնելու համար: Մեկնաբանելով սահմանին տեղի ունեցող գործոցությունները, նշեց քաղաքագետ Լևոն Շիրինյանը:
«Կոչ եմ անում կողմերին անմիջապես դադարեցնել թշնամական գործողությունները և լիովին հարգել հրադադարի ռեժիմը: Այս հակամարտությունը չի կարող ունենալ ռազմական լուծում: Կողմերը պետք է քաղաքական կամք ցուցաբերեն և վերադառնան Մինսկի խմբի շրջանակներում բանակցությունների: Համանախագահներն իրենց գործում ունեն իմ լիակատար աջակցությունը»,- հայտարարել է Գերմանիայի արտաքին գործերի նախարարը:
«Կոչ եմ անում կողմերին անմիջապես դադարեցնել մարտերը և պահպանել հրադադարը: Կողմերը պետք է զսպվածություն ցուցաբերեն և խուսափեն հետագա այնպիսի քայլերից և հայտարարություններից, որոնք կարող են բերել լարվածության աճի: Եվրոպական միությունը ցավում է մարդկային կորուստների, մասնավորապես վիրավոր և սպանված քաղաքացիական անձանց համար»,- նշել է նա:
Ադրբեջանի կողմից լարվածության նման սրումը հղի է անկանխատեսելի հետևանքներով։ Ստեղծված իրավիճակում ԼՂՀ Պաշտպանության բանակը ձեռնարկում է անհրաժեշտ բոլոր միջոցները՝ պարտադրելու Ադրբեջանին դադարեցնել ռազմական գործողությունները։
«Վնասված կայքեր չկան, առնվազն ես տեղյակ չեմ»,- 168.am-ի հետ զրույցում այս մասին ասաց տեղեկատվության անվտանգության մասնագետ Սամվել Մարտիրոսյանը:
«Ադրբեջանի ոտնձգությանը հայկական բանակի կողմից համապատասխան միջոցառումներ են ձեռնարկվել և Ադրբեջանը կորուստներ ունի: Մեզ համար կատարվողը և՛ մտահոգիչ է, և՛ դատապարտելի, և հուսով ենք, որ միջազգային հարթակում համապատասխան գնահատականը շուտով կտան»,- 168.am-ի հետ զրույցում հայտարարեց ԱԺ ԲՀԿ խմբակցության քարտուղար Վահե Էնֆիաջյանը` մեկնաբանելով նախորդ գիշեր Ղարաբաղյան հակամարտության գոտում Ադրբեջանի սանձազերծած աննախադեպ ռազմական գործողությունները:
Ադրբեջանի պաշտպանության նախարարությունը հաղորդագրություն է տարածել, որտեղ ասվում է, որ ղարաբաղա-ադրբեջանական հակամարտ զորքերի շփման գծում ընթացող ռազմական գործողությունների հետևանքով սպանվել է ադրբեջանական բանակի 12 զինծառայող։ Այդ մասին հայտնում է APA գործակալությունը:
«ԵԱՀԿ Մինսկի համանախագահները կհանդիպեն երկուշաբթի օրը Վիեննայում, իսկ երեքշաբթի՝ Մինսկի խմբի հետ՝ արձագանքելու Լեռնային Ղարաբաղում տեղի ունեցող բռնությանը»,- գրել է ԵԱՀԿ Մինսկի խմբի ամերիկացի համանախագահը:
ԼՂՀ ԱԺ նախագահ Աշոտ Ղուլյանը ընդհատել է իր աշխատանքային այցը Ֆրանսիա և ժամեր հետո կվերադառնա Արցախ:
Ադրբեջանի նախահարձակ գործողությունների հետեւանքով իրավիճակը սրվել է Ղարաբաղյան հակամարտության ողջ սահմանային գծում՝ ուղեկցվելով ծանր տեխնիկայի օգտագործմամբ եւ երկուստեք մարդկային կորուստներով։
[17:36:55] carmen ghukasyan: ԵԱՀԿ Մինսկի խումբը դատապարտել է ուժի կիրառումը Լեռնային Ղարաբաղում
ԵԱԿՀ Մինսկի խմբի համանախագահները՝ Իգոր Պոպովը (ՌԴ), Ջեյմս Ուորլիքը (ԱՄՆ) և Պիեր էնդրյուն (Ֆրանսիա) քիչ առաջ հայտարարություն են տարածել՝ դատապարտելով ուժի կիրառումը Լեռնային Ղարաբաղում: Համանախագահները խորը անհանգստություն են հայտնում Լեռնային Ղարաբաղի հակամարտության գոտում շփման գծի երկայնքով տեղի ունեցող հրադադարի լայնամասշտաբ խախտումների կապակցությամբ: «Մենք վճռականորեն դատապարտում ենք ուժի կիրառումը և ցավում մարդկանց անիմաստ մահվան համար, ներառյալ քաղաքացիական անձանց»,- ասված է հայտարարության մեջ: ԵԱՀԿ Մինսկի խումբը կոչ է անում դադարեցնել կրակն ու ձեռնարկել բոլոր անհրաժեշտ քայլերը տեղում իրավիճակը կայունացնելու համար: Նրանք վերահաստատում են, որ «այլընտրանք չկա խաղաղ բանակցությունների միջոցով հակամարտության կարգավորմանը, և պատերազմը լուծում չէ»:
ԵՀՄՖ-ն և PANAP կենտրոնը աշխատելու են Բրյուսելի և Մոսկվայի հետ կատարվածի պարզաբանման և գնահատականը տալու միտումով: Համաձայն ԵՀՄՖ-ի և PANAP կենտրոնի փորձագետների կարծիքի՝ Ադրբեջանի կողմից նման քայլը հրահրվել և սատարվել է Թուրքիայի կողմից և ունի հստակ նպատակ. անկայունացնել իրավիճակը Հարավային Կովկասում և ստեղծել Ռուսաստանի համար խնդիրներ`երկրորդ ռազմաճակատ բացելով ԵԱՏՄ-ի սահմանի մոտ։
Ապրիլի 1-ից 2-ի գիշերը ղարաբաղա-ադրբեջանական ուժերի շփման գծի ողջ երկայնքով Ադրբեջանի կողմից իրականացրած մարտական գործողություններն՝ ուղեկցված տանկերի, հրետանու և օդուժի ինտենսիվ կիրառմամբ, ոչ միայն խախտել են հրադադարի ռեժիմը, այլև փաստացի վերսկսել պատերազմական գործողությունները՝ սպառնալով ինչպես ԼՂՀ-ի, այնպես էլ՝ Հայաստանի Հանրապետության ազգաբնակչության անվտանգությանը։
«Ծանր հրետանու, ուղղաթիռների կիրառումը քաղաքացիական անձանց դեմ վերջին հարձակումների ընթացքում ահավոր քայլ է, որ բերել է անմեղ մարդկանց կորուստների: Միջազգային հանրությունը չի կարող սա թույլ տալ, ԵՄ-ն չի կարող լուռ մնալ»,- նշեց եվրապատգամավորը՝ հավելելով, որ Ադրբեջանի կառավարությանը դատապարտելը և մեկուսացնելը բարոյական և քաղաքական պարտավորություն է:
«Ժառանգություն» կուսակցությունը հայտարարություն է տարածել, որում Լեռնային Ղարաբաղի Հանրապետության դեմ հարձակում գործելու քայլը որակել է որպես տարածաշրջանի ապակայունացման եւ խորը ճգնաժամի մեջ ներքաշելու փորձ: Հայտարարության մեջ նշվում է, որ Ադրբեջանի Հանրապետության ավտորիտար ռեժիմի անպատասխանատու որոշումը կարող է հանգեց նել հարձակում գործող կողմի համար անկանխատեսելի կործանարար հետեւանքների:
Հատուկ թողարկում Արցախի հանրայինի եթերում:
Սոցիալ Դեմոկրատ Հնչակյան կուսակցության Հայաստանի վարչությունը վստահ է, որ Ադրբեջանի ահաբեկչական գործողությունները պետք է դատապարտվեն միջազգային հանրության՝ հատկապես ԵԱՀԿ Մինսկի խմբի համանախագահ պետությունների կողմից:
Ադրբեջանցի օգտատերերը ղարաբաղա-ադրբեջանական շփման գծում տեղի ունեցող իրադարությունների առնչությամբ սոցիալական ցանցերում տեսանյութեր են տեղադրում:
«Ադրբեջանը փաստացիորեն կորցրել է իր կշիռը՝ հաշվի առնելով այն փաստը, որ տնտեսական իրավիճակը բավական բարդանում է, ու բնական է, որ արևմտյան չինովնիկներին կաշառելը դառնում է ավելի դժվար, այլ կերպ ասած՝ լոբբիստական գործունեությունն Ադրբեջանում բավական լուրջ վտանգի տակ է: Հետևաբար՝ Ալիևը պետք է այսպիսի մի դեմարշի գնար՝ ցույց տար, որ խնդիրն այսքան լուրջ է, և իբր հայկական կողմն է նախահարձակ լինում»,- 168.am-ի հետ զրույցում նշեց ադրբեջանագետ Սարգիս Ասատրյանը:
«Reuters» լրատվական գործակալությունն անդրադարձել է ղարաբաղա-ադրբեջանական հակամարտ զորքերի շփման գծում ռազմական բախումներին և տեսանյութ հրապարակել:
«Ամեն ինչ պետք է որոշվի բանակցությունների ճանապարհով: Տվյալ դեպքում ադրբեջանական կողմի գործողությունները հանգեցնում են իրավիճակի և հակամարտության սրմանը»,- ասել է նա:
Սահմանում իրավիճակը շարունակում է մնալ լարված, մարտերը տարբեր ուղղություններով շարունակվում են: Այս մասին քիչ առաջ ֆեյսբուքյան իր էջում գրել է ՀՀ ՊՆ խոսնակ Արծրուն Հովհաննիսյանը:
Եվրոպական ազատ դաշինքն իր համերաշխությունն է հայտնել Լեռնային Ղարաբաղի ժողովրդին ընդդեմ ադրբեջանական ագրեսիայի: Կուսակցության թվիթերյան միկրոբլոգում տեղադրվել է կուսակցության անդամների և ԼՂՀ Ազգային ժողովի նախագահ Աշոտ Ղուլյանի լուսանկարը, որում կուսակցության անդամները պարզել են «Եվրոպական ազատ դաշինքը Լեռնային Ղարաբաղի հետ է» վերտառությամբ գրառումը:
