Քաղաքականություն

«Սա ավելի շատ Ռուսաստանի կողմից է արագացվել կամ օրակարգ բերվել: Մի քանի տարի առաջ, երբ պարոն Պուտինը ժամանեց Հայաստան, իր առաջին հանդիպումը, մուտքը և հայտարարությունը նա արեց ռուսական ռազմաբազայից, և ոչ թե՝ մեր մայրաքաղաքից: Այդ պաշտոնական այցը տեղի չունեցավ՝ ինչպես որ նախատեսված է միջազգային արարողակարգով` Երևանից, նա անտեսեց դա և հայտարարեց, թե՝ мы никогда не уходили отсюда»,- ասաց Զ.Փոստանջյանը:

Այսօր ԱԺ նիստի ժամանակ ԱԺ պատգամավոր Նիկոլ Փաշինյանը վերջին 4 տարիների պետական բյուջեների կատարողական հաշվետվությունները համեմատեց «Կարգին հաղորդման» հայտնի մանրապատման հետ:

Հունաստանի արտգործնախարարությունը դատապարտել է Թուրքիայի իշխանությունների որոշումը՝ Ռամադանի ընթացքում Ղուրան կարդալ Ստամբուլի Սուրբ Սոֆիայի տաճարում, հայտնում է RIA Novosti-ն:

Ես դեռ հունվարին կանխատեսել էի, որ ապրիլ ամսին ադրբեջանական կողմը պատերազմ է սկսելու: Այսօրվա ասուլիսին այս մասին նշեց ՌԴ-ից ժամանած հայազգի քաղաքագետ Կարինե Գևորգյանը՝ ընդգծելով, որ իր հաշվարկներով՝ կարճատև պատերազմ կլինի նաև այս տարվա օգոստոսին:

ՀՕՊ միասնական համակարգին միանալու համաձայնագիրն ԱԺ-ում քննարկվելու է առաջիկա օրերին: Պատգամավորները հնարավորություն ունեն դեմ քվեարկելով՝ ցույց տալ, որ չեն պատրաստվում զենքի մատակարարման համար դակել Հայաստանը ստրկացնող հերթական փաստաթուղթը:

«Ես չգիտեմ, թե իրականում ինչ է կատարվել Ղարաբաղում, լուրերն եմ լսել, կարդացել, որոնցում ասվում է, թե Խանումյանին ծեծել են, ինչի՞ համար, ովքեր, ի՞նչ հանգամանքներում, որտե՞ղ, պարզ չէ նաեւ լուրերից, որպես ՀՀ Ազգային ժողովի պատգամավոր, Մարդու իրավունքների պաշտպանության եւ հանրային հարցերի մշտական հանձնաժողովի փոխնախագահ դատապարտում եմ ցանկացած բռնություն, ցանկացած պահվածք, որը ոտնահարում է մարդու իրավունքները․.․»:

Անկարան անհետևանք չի թողնի Գերմանիայի Բունդեսթագի կողմից Հայոց ցեղասպանությունը ճանաչելու մասին որոշումը և միջոցներ կձեռնարկի, հայտարարել է Թուրքիայի արտգործնախարար Մևլյութ Չավուշօղլուն: Այս մասին հայտնում է RIA Novosti-ն:

Նախագահ Սերժ Սարգսյանն այսօր «Եվրոպայի օրվա» կապակցությամբ այցելել է Հայաստանի Հանրապետությունում Եվրոպական միության պատվիրակություն: Հանրապետության Նախագահը շնորհավորել է Հայաստանում Եվրամիության պատվիրակության ղեկավար, դեսպան Պյոտր Սվիտալսկիին, ԵՄ պատվիրակության ամբողջ անձնակազմին և ի դեմս նրանց՝ ԵՄ մեծ ընտանիքին «Եվրոպայի օրվա» կապակցությամբ, մաղթել խաղաղություն և բարեկեցություն:

ԱՊՀ կառավարությունների ղեկավարների հաջորդ նիստը տեղի կունենա հոկտեմբերի 28-ին Մինսկում, հայտնել է ԱՊՀ գործադիր քարտուղար Սերգեյ Լեբեդևը: Այս մասին հայտնում է RIA Novosti-ն:

Ադրբեջանն ու Եվրամիությունն աշխատանքներ են կատարում գործընկերության ընդլայնման ուղղությամբ: Այս մասին Trend-ի հետ զրույցում ասել է Ադրբեջանում ԵՄ առաքելության ղեկավար Մալենա Մարդը:

Ռուսաստանի կառույցները տոննաներով ետ են ուղարկում Ադրբեջանից ուղարկվող գյուղմթերքը` պնդելով, որ այն ադրբեջանական չէ: Այս մասին հաղորդում է azadliq.info կայքը` նշելով, որ վերջին մեկ ամսվա ընթացքում Ռուսատանից ետ է ուղարկվել 1000 տոնայից ավելի փչացած ադրբեջանական գյուղմթերք:

ԱՊՀ կառավարությունների ղեկավարները Բիշքեկում կայացած նիստի արդյունքներով ստորագրել են փաստաթղթերի փաթեթ էկոնոմիկայի, զինված ուժերի, մարդասիրական ոլորտում համագործակցության վերաբերյալ: Հանդիպման մասնակիցները հաստատել են 21 փաստաթուղթ, հայտնում է RIA Novosti-ն:

«Շատ դատապարտելի է, պետք է անհապաղ քայլեր ձեռնարկվեն, որ բոլոր մեղավորները պատժվեն, դա հարիր չէ ժողովրդավարական պետությանը»,- այսօր Ազգային ժողովում լրագրողների հետ զրույցի ժամանակ ասաց ԱԺ պատգամավոր Ալեքսանդր Արզումանյանը՝ խոսելով ԼՂՀ պատգամավոր Հայկ Խանումյանին ծեծի ենթարկելու դեպքի մասին:

Անհայտ անձինք հրաձգություն են բացել Սանկտ Պետերբուրգի արվարձանում, որպեսզի ընտանեկան զույգից խլեն պայուսակը, որում եղել է 3,1 միլիոն ռուբլի, հայտնում է RIA Novosti-ն՝ հղում կատարելով իրավապահ մարմիններում աղբյուրին:

Ազգային Ժողովն այժմ շարունակում է քննարկել 2015թ. բյուջեի կատարողականը:

Ստամբուլի կենտրոնում՝ ավտոբուսային կանգառի մոտ, տեղի ունեցած պայթյունի հետևանքով սպանվել է նվազագույնը 2 մարդ, հայտնում են թուրքական ԶԼՄ-ները: Թուրքական «Դողան» լրատվաﬕջոցի տվյալներով՝ զոհվել է 1 մարդ, HaberTurk-ի տվյալով` 2: Եվս 8 մարդ ստացել է վնասվածքներ, հայտնում է BBC-ն:

Եվրահանձնաժողովը ցանկանում է աֆրիկյան 7 երկրի (Թունիս, Մալի, Սենեգալ, Նիգեր, Եթովպիա, Նիգերիա ու Լիբիա), ինչպես նաև Մերձավոր Արևելքի 2 երկրի՝ Հորդանանին և Լիբանանին, առաջարկել «բազմակողմ ու կայուն» գործընկերություն ՝ կապված միգրացիոն ճգնաժամի հաղթահարման հետ:

«Ժողովուրդ» թերթի տեղեկություններով՝ Սամվել Բաբայանը միջնորդների միջոցով արդեն մեկ ամսից ավել է՝ տարբեր ձեւաչափերով բանակցում է Հայաստանի եւ Արցախի իշխանությունների ղեկավարության հետ: Նրա նպատակն այն է, որ Սերժ Սարգսյանն ու Բակո Սահակյանն ընդունեն իրեն, լսեն մտահոգություններն ու մասնագիտական խորհուրդները: Սակայն առայժմ չի ստացվել:

Ադրբեջանական ընկերության նախագահն ուկրաինական «Անտոնով» պետական ձեռնարկության հետ կնքել է 10 տրանսպորտային «Ան-178» ինքնաթիռ գնելու մասին պայմանագիր, հայտնում է ուկրաինական «5-րդ ալիքը»:

Ղրղըզստանի կառավարության՝ Բիշքեկի ﬔրձակա «Ալա Արչա» նստավայրում այսօր մեկնարկել է ԱՊՀ կառավարությունների ղեկավարների խորհրդի նիստը, որտեղ պլանավորվում է քննարկել փաստաթղթերի ավելի քան 20 նախագիծ, հայտնում է RIA Novosti-ն:

Նրա ցանկության համաձայն՝ հոգեհանգիստը պետք է տեղի ունենա մարզադաշտում, ուր բռնցքամարտիկին հրաժեշտ տալու կարող է գալ յուրաքանչյուր ցանկացող: Դին տանող թափորը գերեզմանատուն կգնա Ալիի պատվին կոչված փողոցով, ինչպես նաեւ կանցնի մարզիկի անվան թանգարանի մոտով: Բացի դրանից, բռնցքամարտիկը ցանկացել է, որի իր դիակը տանեն այն թաղամասով, որտեղ ինքը հասակ է առել:

«Այդ կարգի ռեժիմ սահմանելն ընդհանրապես կայանում է դաշնակից կամ բարեկամ երկրների միջև: Հետևաբար` նման որոշումը քաղաքական լուրջ ժեստ էր Իրանի ու Հայաստանի կողմից: Առանց վիզայի ռեժիմը, բնականաբար, առաջին հերթին տուրիզմի վրա է դրական ազդեցություն թողնելու, դրանից բացի, նպաստելու է տարբեր բնագավառներում կողմերի գործակցության ակտիվացմանը»,- ասաց Կարեն Խանլարյանը:

Ապրիլ-մայիս ամիսներին ծավալվեցին բուռն քննարկումներ, որ մինչ այժմ ՌԴ-ն չի տրամադրի այդ զինտեխնիկան. տրամադրելու մասին հայսերը ի հայտ եկան միայն մայիսի վերջին։

Ղազախստանի Ակտոբե քաղաքում անցկացված հատուկ օպերացիայի ընթացքում սպանվել է 13 ենթադրյալ հանցագործ, հայտնել է Ղազախստանի ՆԳՆ մամուլի քարտուղար Ալմաս Սադուբաևը: Այս մասին հայտնում է BBC-ն:

Սակայն Սամվել Բաբայանի վերադարձի ֆոնին այդ քննարկումներն այսօր, ըստ էության, «ստվերեցին» տեղեկությունը, որ Լեռնային Ղարաբաղում Սամվել Բաբայանի կողմնակից, ԱԺ ընդդիմադիր պատգամավոր Հայկ Խանումյանը ծեծի է ենթարկվել։ Եվ դա տեղի է ունեցել Բաբայանի վերադարձից մի քանի ժամ հետո, ըստ էության՝ հաջորդ առավոտն իսկ։

Ստամբուլի Բայազեթ թաղամասում հունիսի 7-ի առավոտյան պայթյուն է տեղի ունեցել: Թուրքական «Միլլիեթ» պարբերականի հաղորդմամբ՝ պայթյունը գրանցվել է ավտոբուսային կանգառի մոտակայքում` թուրքական ոստիկանության ավտոբուսի անցնելու ժամանակ:

«Երկու երկրներն այժմ իսկապես այդքան էլ լավ հարաբերություններ չունեն, քանի որ Թուրքիան առաջին հերթին չի սիրում ընդունել խոսքի ազատությունը: Այն քայքայում է ժողովրդավարության շատ արժեքներ՝ փորձելով կառուցել իշխանական այդ ռեժիմը: Մենք, այսինքն՝ ԵՄ-ն, այդ թվում` հենց Գերմանիան մտահոգված ենք այս հարցով եւ հույս ունենք, որ Թուրքիայի քաղաքացիական հասարակությունը կկարողանա իր ձայնը բարձրացնել ռեժիմի ձեւավորման դեմ»:

«ԴԱԻՇ-ից բխող գլոբալ սպառնալիքը շատ լուրջ է մնում եւ նորանոր ասպեկտներ է ձեռք բերում»,- նշվում է փաստաթղթում, որը պատրաստվել է ՄԱԿ-ի Հակաահաբեկչական կենտրոնի եւ Պատժամիջոցների վերլուծական աջակցման ու դրանց նկատմամբ մոնիթորինգի խմբի փորձագետների կողմից: Չնայած կոալիցիոն ուժերի գործողություններին, որոնց արդյունքում ահաբեկչական խմբավորումը լուրջ պարտություններ է կրել եւ նրա տարածումը նոր տարածքներ կանգնեցվել է, ԻՊ-ն «մինչ այժմ վերջնականապես թուլացած չէ ռազմավարական առումով», ասված է զեկույցում:

Ճապոնիայի կառավարությունը որոշում Է կայացրել 2017 ֆինանսական տարվանից սկսել հինգերորդ սերնդի շարժական կապի (5G) լիամասշտաբ համակարգի մշակումը, որը մոտավորապես 100 անգամ ավելի արագ կլինի, քան գոյություն ունեցող կապը:

Այս պահին կարելի է միայն արձանագրել, որ «իր ժողովրդին օգնելու համար» Լեռնային Ղարաբաղ այցելած Սամվել Բաբայանի վերադարձի հաջորդ իսկ օրը Լեռնային Ղարաբաղին մեծ վնաս է հասցվել: Հարցը` թե ում է դա ամենաշատը ձեռնտու, շարունակում է օդում կախված մնալ: Մնում է միայն հուսալ, որ այդ հարցին չի պատասխանի Բաբայաններից Դավիթը: