Ստամբուլում պայթյուն է որոտացել
Ստամբուլի Բայազեթ թաղամասում հունիսի 7-ի առավոտյան պայթյուն է տեղի ունեցել: Թուրքական «Միլլիեթ» պարբերականի հաղորդմամբ՝ պայթյունը գրանցվել է ավտոբուսային կանգառի մոտակայքում` թուրքական ոստիկանության ավտոբուսի անցնելու ժամանակ:
Դեպքի վայր են ժամանել շտապօգնության մեծ թվով մեքենաներ: Հաղորդվում է վիրավորների մասին: Կոտրվել են հարակից շենքերի ու շինությունների ապակիները:
Պայթյունի վայրում ձեռնարկվել են անվտանգության խստացված միջոցներ:
Առաջին պայթյունից հետո լսվել է նաև երկրորդը, որի առաջացումը, սակայն, կապում են բնական գազի պայթյունի հետ:
