Սոցիալական ցանցերում հայտնվել են ապրիլի 8-ին հայկական հատուկ նշանակության ստորաբաժանման կողմից առգրավված ադրբեջանկան «Ուրալ» մակնիշի բեռնատարի կադրերը:
Հայաստանի ազգային ֆիլհարմոնիկ նվագախմբի նախաձեռնությամբ ապրիլի 9-ին՝ ժամը 19:00-ին, Կասկադ համալիրում կայացած «Զինվորիս հետ» խորագրով բացօթյա համերգ-դրամահավաքի արդյունքում զոհված զինվորների և ազատամարտիկների ընտանիքներին տրամադրելու նպատակով հավաքվել է 5 միլիոն 210 հազար ՀՀ դրամ: Այս մասին տեղեկացրին Հայաստանի Ազգային ֆիլհարմոնիկ նվագախմբից:
Մարտի 10-ին Բաշ Քարվենդ բնակավայրի մոտակայքում իրականացվեց զոհվածների մարմինների փոխանակում, հայկական կողմին փոխանցվեց 18 զոհվածի մարմին, և մինչ այսօր մեկ հոգու ճակատագիրը շարունակում է մնալ անհայտ։
Դիտարկմանը, որ հայտարարվել է 7 կետից բաղկացած փաստաթղթի մասին, դեսպանն արձագանքեց, որ գոյություն ունի ներքին փաստաղթուղթ, որը բաղկացած է 7 կետից:
Լեռնային Ղարաբաղում հակամարտությունը չափազանց վտանգավոր է, որպեսզի ԱՄՆ-ը թույլ տա իրեն այն անտեսել, The Washington Post-ում գրել է ԵԱՀԿ Մինսկի խմբի ամերիկացի նախկին համանախագահ, ԱՄՆ պետքարտուղարի Հարավային Կովկասի հարցերով նախկին օգնական, Ադրբեջանում ԱՄՆ նախկին դեսպան Մեթյու Բրայզան:
«ՌԴ-ում գոնե հասկանում են, որ, եթե ՀՀ-ն ի վիճակի չլինի ապահովել ԼՂ անվտանգությունը և զարգացումը, ապա դա կզրկի հայ-ռուսական ռազմաքաղաքական հարաբերություններն իր հիմնական իմաստից, ՌԴ-ում դա շատ լավ պետք է հասկանան: ՌԴ-ում պետք է նաև հասկանան, որ կորցնելով ՀՀ-ն՝ կկորցնեն Ադրբեջանը դրա հենց հաջորդ օրը: Ադրբեջանն առաջին իսկ վայրկյանից կփորձի «փախչել Ռուսաստանից»»,- ասաց Սերգեյ Մինասյանը: Վերջինիս համոզմամբ, եթե ՌԴ-ն փորձի շարունակել ներկայիս քաղաքականությունը, ապա դա «կլինիկական մահ» կլինի ինչպես՝ ՀԱՊԿ ձևաչափի, այնպես էլ՝ իր ինտեգրացիոն հավակնությունների համար:
Արցախում զոհված զինծառայող Աշոտ Կարապետի Շահբազյանը Շիրակի մարզի Ախուրյան համայնքի բնակիչ էր: Այսօր հարազատ գյուղում տեղի կունենա 1993թ. ծնված, կոչումով լեյտենանտ երիտասարդի հոգեհանգստի արարողությունը, իսկ վաղը՝ հուղարկավորությունը:
Նրա դիտարկումների համաձայն՝ Հայաստանն ու միա՛յն Հայաստանն է, որ Հարավային Կովկասում հանդիսանում է ՀԱՊԿ անդամ և «հյուրընկալում» է ռուսական ռազմական բազա: Միևնույն ժամանակ, ըստ Կիրակոսյանի. Ադրբեջանը ՌԴ-ից է ձեռք բերում բարձրակարգ հարձակողական զենքեր, որոնք օգտագործում է հայաստանցիներին սպանելու համար: «Ինչպես նշեց ՌԴ վարչապետ Դմիտրի Մեդվեդևն օրերս, այստեղ խոսքը Ռուսաստան-Ադրբեջան բիզնեսի մասին չէ, այլ ռուսական համապատասխան քաղաքականության` զինելու Ադրբեջանին: Ի վերջո, Հայաստանի արժեքը ՌԴ-ի համար շատ ավելին է, քան ՀՀ կառավարությունը կարծում է, և ՌԴ-ի արժեքը ՀՀ-ի համար շատ ավելի քիչ է, քան իշխանությունը կարծում է»,- այսպես ամփոփեց իր խոսքը Ռիչարդ Կիրակոսյանը:
ՀՀ ՊՆ խոսնակ Արծրուն Հովհաննիսյանը ֆեյսբուքյան իր էջում հրապարակում է շփման գծում հակառակորդի կրակոցներից զոհված զինվորների անունները:
Մարզերում և Երևանում այսօր հրաժեշտ կտան Արցախում զոհված մի քանի երիտասարդ զինառայողների:
Ապրիլի 11-ի լույս 12-ի գիշերը հայ-ադրբեջանական պետական սահմանագոտու հյուսիսարևելյան հատվածում ադրբեջանական կողմը, կիրառելով հրաձգային` այդ թվում նաև խոշոր տրամաչափի զինատեսակներ, 16 անգամ անկանոն բնույթի կրակահերթեր է արձակել հայ դիրքապահների ուղղությամբ:
Նախագահ Բակո Սահակյանն ապրիլի 12-ին աշխատանքային խորհրդակցություն է անցկացրել ԼՂՀ Ազգային Ժողովի մշտական հանձնաժողովների ղեկավարների հետ:
Խաղաղ բնակչության դիտավորյալ հրետակոծության հետևանքով ապրիլի 2-ին ԼՂՀ Մարտունու շրջանում՝ դպրոցի բակում, զոհվել է 12-ամյա Վաղարշակ Գրիգորյանը, ևս երկու երեխա վիրավորվել է։ ԼՂՀ Մարտակերտի շրջանի Թալիշ գյուղում ադրբեջանական դիվերսիոն խմբի կողմից դաժանաբար սպանվել և անարգանքի են ենթարկվել Խալափյան ընտանիքի երեք տարեց անդամներ, որոնցից ամենաավագը 92 տարեկան էր։
Այս օրերին Լեռնային Ղարաբաղում գտնվող BBC-ի թղթակիցը զրուցել է զինծառայող Վլադիմիր Մկրտչյանի հետ: Տեսանյութում զինվորը պատմում է, թե ինչպես են սկսվել կրակոցները:
Հայոց բանակն ու կամավորականությունն ամրացնում են դիրքերը”
Լեռնային Ղարաբաղի հակամարտության վերջին սրացումները քննարկվելու են ապրիլի 11-14-ը Ստրասբուրգում կայանալիք Եվրախորհրդարանի նիստի ժամանակ, հայտնում է ադրբեջանական Turan գործակալությունը՝ հղում կատարելով Եվրախորհրդարանում իր աղբյուրներին:
Հաշվի առնելով ադրբեջանա-ղարաբաղյան հակամարտության շուրջ ստեղծված աննախադեպ լարված իրավիճակը՝ երբ առկա է հայ ժողովրդի անվտանգության նկատմամբ լրջագույն սպառնալիք, մենք՝ մի խումբ երիտասարդներ, քննարկելով անհրաժեշտ ռազմական հագեցվածության հիմնախնդիրը, առավելագույնս սեղմ ժամկետներում անհրաժեշտ գումարը ձեռք բելելու նպատակով, առաջարկում ենք ՀՀ եւ ԼՂՀ բոլոր բյուջետային աշխատակիցների մեկ ամսվա աշխատավարձը պարտադիր կերպով հավաքագրել վերոհիշյալ խնդրի լուծման նպատակով:
Հարյուրավոր մարդիկ, հիմնականում՝ կանայք, երեխաներ և տարեցներ են ստիպված եղել լքել իրենց տները Լեռնային Ղարաբաղում հակամարտության սրացման հետևանքով: Այս մասին լրագրողներին հայտնել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը, որը ներկայացրել է Ժնևում տեղակայված փաստականների հարցերով գերագույն հանձնակատարի գրասենյակի տվյալները:
«Արևիկ» մանկական բուժմիավորումում ստացիոնար բուժվող Գևորգ Գրիգորյանն ու Վարդան Անդրեասյանը կրկնակի վիրահատության են ենթարկվել:
Միաժամանակ նա ընդգծել է, թե հենց որ Ռուսաստանը դադարեցնի զենքի մատակարարումն այդ երկրներից որևէ մեկին, նրա տեղն իսկույն կգրավեն ԱՄՆ-ը կամ այլ երկրներ, հաղորդել է ՌԻԱ Նովոստին:
Համեմատություններ ներկայացնելով Ադրբեջանի եւ Իսլամական պետության միջև՝ասեմ, որ Ադրբեջանը «Իսլամական պետության» գործելաոճն է կրկնում՝ կատարելով սպանություններ դրանք նկարահանում է և տեսնյութը տեղադրում է համացանցում: Սա նշանակում է, որ կատարվածը միայն օրենքի ոտնահարում չէ: Նրանք դա իրականացրել են հակառակ քաղաքակիրթ նորմերի, ինչպես դա անում է «Իսլամական պետություն»-ը»,- հավելեց Լարիսա Ալավերդյանը:
Այսօր առավոտյան Երևանից-Ասկերան է շարժվել ռուսաստանաբնակ Կարեն Ավդալյանի, Արթուր Բադալյանի և երևանաբնակ Վրեժ Օսիպյանի կողմից ԼՂՀ ՊԲ-ի համար գնված УАЗ մակնիշի ավտոմեքենան:
«ՉԻ»-ն ուշ երեկոյան կապ հաստատեց Արծրուն Հովհաննիսյանի հետ՝ պարզելու՝ նորություններ կա՞ն արդյոք զինծառայողի վերաբերյալ: Վերջինս մեզ ասաց, որ դեռեւս անհայտ է զինվորի ճակատագիրը: Խոսքը կապիտանի, վաշտի հրամանատար Արգիշտի Գաբոյանի մասին է, որն Արթիկի շրջանի Մեծ Մանթաշ գյուղից է: Արգիշտին 23 տարեկան է»:
Արդեն մի շաբաթից ավելի է, ինչ Մելսիդայի անկողնուն փոխարինել է աթոռը, իսկ գլխատեղը սեղանն է: Չի բողոքում: Միակ խնդրանքը փոքր համարի զինվորական կոշիկներն են. «40 համարից փոքր կոշիկ չկա: Նույնիսկ մի քանի գուլպաներով հանգնելուց` մեծ են: Քայլելը դժվար է այս կոշիկներով, էլ չեմ խոսում վազելու մասին»,- ասում է նա:
Գյումրու Սբ. Նշան եկեղեցում երեկ տեղի է ունեցել ապրիլի 1-ի լույս 2 -ի գիշերը, Ջաբրայիլի երկայնքով տեղի ունեցած մարտերի ժամանակ զոհված փոխգնդապետ Ալեքսան Գևորգի Առաքելյանի հոգեհանգստյան կարգը:
«Թուրքիան այժմ ներգրավված է միջնորդավորված պատերազմում, որտեղ աջակցում է ադրբեջանական կողմին, սա շատ է բարդացնում իրավիճակը ամբողջ տարածաշրջանում, քանի որ Թուրքիան, ստացվում է, ներգրավված է մի քանի կոնֆլիկտներում՝ քաղաքացիական պատերազմ քուրդերի հետ, միջնորդավորված պատերազմ Սիրիայում եւ հիմա էլ սա»:
Մարտագծի հյուսիսարևելյան (Մարտակերտ) և հարավարևելյան (Հադրութ) ուղղություններով հակառակորդը 82 մմ-ոց (3 արկ), 60 մմ-ոց (4 արկ) ականանետից և ՀԱՆ-17 տիպի նռնականետից (17 արկ) կրակ է բացել հայկական դիրքերի վրա:
Լեռնային Ղարաբաղի (Արցախի) Հանրապետության և Հայաստանի Հանրապետության քաղաքացիական հասարակությունը ապրիլի 11-ին համատեղ կոչով դիմել է Եվրոպական խորհրդարանին, որում, մասնավորապես, անդրադարձել է ապրիլի սկզբին Ադրբեջանի կողմից ԼՂՀ դեմ սանձազերծած լայնածավալ պատերազմական գործողություններին և չորս հիմնական պահանջ ներկայացրել այդ առնչությամբ:
Միայն ռուսական զենքով կրակելու հրաման տալով՝ Ալիեւն աշխարհին ցույց տվեց, որ իրեն սատարում է Ռուսաստանը: Դա շատ վտանգավոր քաղաքականություն է: Հիմա պետք է մեր նախագահը անվտանգության խորհրդի նիստ հրավիրի եւ Ռուսաստանին բողոքի նոտա հղի այս անհասկանալի, զզվելի եւ ագրեսիվ քաղաքականության համար: Եվ չպետք է վախենալ: Ի՞նչ կարիք կա: Չես ուզում, կարող ենք ուրիշ տեղ գնալ:
Արծրուն Հովհաննիսյանը ներկայացրել է Ադրբեջանի ձեռնարկած օպերացիան` ռազմական ու ռազմատեխնիկական տեսանկյունից, անդրադարձել է այնպիսի հարցերի, թե ինչ էր պատրաստվում անել թշնամին, ինչ հակամիջոցներով ու ինչպես հայկական կողմին հաջողվեց կասեցնել օպերացիան: Ասել է նաև, թե ինչ խնդիրներ բացահայտեցին մարտական գործողությունները: ՊՆ խոսնակը նաև արձագանքել է այդ մարտերի կապակցությամբ հանրության ներկայացվող հարցադրումներին:
