Կոնդի Սուրբ Հովհաննես եկեղեցում այսօր տեղի ունեցավ Արցախում զոհված զինծառայող Սասուն Մկրտչյանի հոգեհանգստի արարողությունը:
Մարտակերտի ճանապարհին հակառակորդը ռմբակոծել է Սիսիանի ջոկատի ավտոբուսը: «Զոհերի մեջ կան գյուղապետեր»,- հավելեց Արծրուն Հովհաննսիյանը:
Ստեղծված իրավիճակում տեսնում եմ նման անհրաժեշտություն, որ ԼՂ ժողովրդի անվտանգությունը երաշխավորելու համար մենք ոչ միայն պետք է մտածենք, այլ նաև շատ ակտիվ նախաձեռնողական գործողություններ իրականացնենք անվտանգությունն ընդհանուր առմամբ ամրապնդելու և, մասնավորապես, անվտանգության նոր գոտի ստեղծելու համար, որովհետև, երբ օգտագործվում են հեռահար զինատեսակներ, նաև իրականացվում են բազմաբնույթ ռազմական գործողություններ, այդ պարագայում մենք պետք է մտածենք մեր ժողովրդի անվտանգության նոր երաշխիքների մասին, և, իմ պատկերացմամբ, դա կարող է լինել մեկ հաստատուն քայլ առաջ, որպեսզի ռազմական այն նվազագույն խնդիրը, որ դրված է մեր զինված ուժերի և պաշտպանական բանակի առաջապահ ստորաբաժանումների առջև, իրականություն դառնա:
Մարտերի 4 օրերի ընթացքում հայկական կողմի կորուստներն են.
Այսօր ՀՀ ՊՆ կենտրոնական կլինիկական զինվորական հոսպիտալ եկած Շողիկ Խաչատրյանը լրագրողների հետ զրույցում ասաց, որ արդեն 4 օր է` տեղեկություն չունեն Եղնիկներում ծառայող եղբորորդուց` Խաչիկ Խաչատրյանից: Նրա խոսքով` ապրիլի 1-ին Խ. Խաչատրյանը դիրքերից իջել` զանգել է տուն, ասել, որ գնում է ճաշարան ու մինչև հիմա տեղեկություն չունեն նրանից.
ՀՀ պաշտպանության նախարարի առաջին տեղակալ Դավիթ Տոնոյանն ապրիլի 4-ին ընդունել է Հայաստանում Կարմիր խաչի միջազգային կոմիտեի պատվիրակության ղեկավար Կարոլին Դույեզին: Հանդիպման ընթացքում Դավիթ Տոնոյանը ԿԽՄԿ-ի հայաստանյան գրասենյակի ղեկավարին մանրամասներ է ներկայացրել ղարաբաղա-ադրբեջանական հակամարտ զորքերի շփման գծում Ադրբեջանի կողմից լայնամասշտաբ ռազմական ագրեսիայի արդյունքում ստե ղծված իրավիճակի վերաբերյալ:
Ֆրանկոֆոնիայի միջազգային կազմակերպության գլխավոր քարտուղար Միկայել Ժանը խոր մտահոգություն է հայտնել Լեռնային Ղարաբաղում թշնամական գործողությունների վերսկսման առնչությամբ: Կազմակերպության տարածած հաղորդագրության մեջ շեշվում է, որ գլխավոր քարտուղար Ժանը կոչ է արել կողմերին վերսկսել խաղաղության բանակցությունները ԵԱՀԿ Մինսկի խմբի շրջ անակներում՝ հակամարտության երկարատև լուծում գտնելու նպատակով:
Ադրբեջանը կորցրել է 18 տանկ, 2 ուղղաթիռ, 6 հետևակի մարտական մեքենա, այլ զինտեխնիկա: Հայկական կողմի հաշվարկներով, Ադրբեջանի զոհերի թիվը շուրջ 300 է:
Ադրբեջանի կողմից վերջին օրերին Լեռնային Ղարաբաղի դեմ լայնածավալ հարձակողական գործողությունների սանձազերծումը ոչ միայն ոտնահարեց իր կողմից 1994 թ. ստորագրված հրադադարի հաստատման, 1995թ. հրադադարի ամրապնդման մասին եռակողմ համաձայնագրերը, այլև ուղեկցվում են միջազգային մարդու իրավունքների և մարդասիրական իրավունքի զանգվածային խախտումներով:
«Երբ ես զանգեցի իրեն՝ ասացի՝ «ո՞նց է վիճակը», ասաց՝ «հոպար, ամեն ինչ լավ է», ասացի՝ «գլուխդ ցածր պահի՝ «Աշխարհաբեկի» կինոյի նման», խնդաց ու ասաց՝ «արխային, գրաված հետ եմ գալու», ու այսպես եղավ»:
Ռուսաստանի Դաշնության արտաքին գործերի նախարար Սերգեյ Լավրովը և ԱՄՆ պետքարտուղար Ջոն Քերին հեռախոսազրույցի ընթացքում կոչ են արել Հայաստանին և Ադրբեջանին անհապաղ դադարեցնել ռազմական գործողությունները: Ինչպես հաղորդում է ՏԱՍՍ-ը, երկու երկրների արտաքին քաղաքական գերատեսչությունների ղեկավարները խորը մտահոգություն են հայտնել Լեռնային Ղարաբաղում լարվածության աճի կապակցությամբ:
Արցախյան կողմն ունի 20 զոհ, 26 զինծառայող անհայտ կորած է. ԼՂՀ ՊԲ
«Ադրբեջանի ՊՆ այն հայտարարության մասին, որ կհարվածեն Ստեփանակերտին: Այս կապակցությամբ ՀՀ ՊՆ առաջին տեղակալ Դավիթ Տոնոյանը զգուշացրել է Ա.Կասպրշիկին»:
Մենք արնախում ժողովուրդ չենք, մենք ուրիշի տունը չենք քանդում, այլ ասում ենք՝ մեր տունը մի´ քանդեք, մեզ ձեռք մի´ տվեք, ու կապ չունի, թե դա ով է անում, իսկ խորանալ ու հասկանալ, թե էդ ո՞վ է քանդում մեր բունը, հասկանալ՝ ո՞ր կողմից է գալիս այդ վտանգն ավելի կոնկրետ, այս պահին կդժվարանամ ասեմ, բայց ես միշտ մեղքի մեծ բաժինը մեր մեջ եմ տեսնում, որովհետև մենք միշտ պիտի համախմբված լինենք, որ ծայրահեղությունների չհասնի ամեն բան:
ՀՀ ՊՆ Կենտրոնական կլինիկական զինվորական հոսպիտալում գտնվող 20-ամյա զինծառայող Հրայր Բաղդասարյանի մորեղբայրը լրագրողներին տեղեկացրեց, որ վնասվել է Հրայրի ուսը, թոքերը, ունի կոտրվածքներ. «Մեզ ոչ մի բան չասացին: Հիմա քնած է, բժիշկներն ասում են՝ պետք է արթնացնեն քնից, եթե լավ եղավ՝ կհանեն այդ ապարատուրան, եթե ոչ՝ նորից պիտի միացնեն»:
Հակառակորդի գնդակից բացի 12-ամյա Վաղինակից եւս մեկ երեխա է մահացել: Այս մասին գրում է «Երկիրը»՝ հղում անելով Հանրային հեռուստաընկերության: Ըստ կայքի՝ այս մասին եթերում հայտարարել է հեռուստաընկերության Արցախում գտնվող թղթակիցը:
«Ցավոք, ինքն այսօր ֆիզիկապես մեր կողքին չէ, բայց ես վստահ եմ, որ մյուս զինծառայողներն իր գործը կշարունակեն,- ասաց նա՝ շարունակելով,- Կարող եմ ասել, որ նա կոնկրետ այս դեպքով շատ մեծ հերոսություն է կատարել, որի արդյունքում իր կյանքը՝ իր ամենաթանկ բանն է տվել՝ հանուն մեր հայրենիքի»:
Հայկի ծնողները երեկ և այսօր այցելել են իրենց տղային, բայց, ինչպես լրագրողների հետ զրույցում նշեց տղայի հայրը` Դավիթ Թորոսյանը, երեկվա համեմատ` տարբերություն չկա.
Ստեփանակերտի Հանրապետական բժշկական կենտրոնում այս պահին բուժում է ստանում 4 քաղաքացիական վիրավոր: Զավեն Ավանեսյանը, Կամո Աբրահամյանը, Ծովինար Աղաջանյանը վերակենդանացման բաժանմունքում են, նրանց վիճակը` կայուն ծանր է, դրական դինամիկայով: Գարեգին Աղաջանյանը բուժումը շարունակում է վիրաբուժական բաժանմունքում, վիճակը` կայուն:
Ագրեսիվ պատերազմ վարելու ընթացքում Ադրբեջանի Հանրապետության զինված ուժերը ռազմական գերազանցության հասնելու նպատակով, կոպտորեն խախտելով միջազգային իրավունքի նորմերը, պատերազմ վարելու արգելված միջոցների և մեթոդների կիրառմամբ, միջազգային մարդասիրական իրավունքի նորմերի լուրջ խախտմամբ, ոչ ընտրովի հարձակման օբյեկտներ են դարձրել խորը թիկունքում գտնվող խաղաղ բնակավայրերը, քաղաքացիական բնակչությանը, օբյեկտները՝ դպրոցներ, շինություններ, ճանապարհներ, այլ ենթակառույցներ և առանձին քաղաքացիական անձանց, ինչը առաջացրել է միջազգային իրավունքի պաշտպանության տակ գտնվող բազմաթիվ անձանց մահ, այդ թվում` երեխաների, մեծ չափերի անօրինական, կամայական գույքի ոչնչացում:
Արցախի Հանրապետության կառավարությունը հայտարարություն է տարածել, որով հայտնել է թիկունքային և ինժեներական աշխատանքները Պաշտպանության բանակի հետ համադրելու համար ստեղծված օպերատիվ շտաբի կազմը և այն բանկային հաշվեհամարները, որոնց վրա կատարված փոխանցված գումարները կօգտագործվեն այդ աշխատանքնի համար:
Նա մարտի մեջ մտցրեց ու անխնա կիրառեց զինատեսակներ (մարտական ԱԹՍ-ներ, ՏՕՍ-1 և այլ սահմանափակ միջոցներ), որոնք իրենց նշանակությամբ նախատեսված են բոլորովին այլ և շատ ավելի խոշոր խնդիրներ լուծելու համար, մասնավորապես` օպերատիվ մակարդակի ճեղքումների, ռազմավարական օբյեկտների ոչնչացման և այլն:
Ադրբեջանը դիմումներ է ուղարկել ՄԱԿ-ին և ՆԱՏՕ-ին՝ կապված Լեռնային Ղարաբաղի շփման գծում ստեղծված իրավիճակի հետ: Այս մասին RIA Novosti-ին հայտնել է Ադրբեջանի ԱԳՆ մամուլի ծառայության ղեկավար Հիքմեթ Գաջիևը:
Ապրիլի 4-ին մերձդնեստրյան կողմի նախաձեռնությամբ հեռախոսազրույց է տեղի ունեցել Լեռնային Ղարաբաղի Հանրապետության արտաքին գործերի նախարար Կարեն Միրզոյանի և Մերձդենստրի Մոլդովական Հանրապետության արտաքին գործերի նախարարի պաշտոնակատար Վիտալի Իգնատևի միջև։
Գերմանիայի արտգործնախարար, ԵԱՀԿ գործող նախագահ Ֆրանկ-Վալտեր Շտայնմայերը հաստատել է, որ ԵԱՀԿ Մինսկի խումբը Լեռնային Ղարաբաղի հակամարտության հարցով բանակցություններ կանցկացնի վաղը՝ Վիեննայում, հայտնում է RIA Novosti-ն:
ԵԱՀԿ շրջանակներում շարունակվում են Լեռնային Ղարաբաղի հակամարտության գոտում լարվածության թուլացմանն ուղղված դիվանագիտական ջանքերը: ԵԱՀԿ մամուլի ծառայության աշխատակից Շիվ Շարման տեղեկացրել է, որ ապրիլի 5-ի երեկոյան Լեռնային Ղարաբաղի հակամարտության գոտում իրավիճակի սրման առնչությամբ տեղի կունենա ԵԱՀԿ Մշտական խորհրդի նիստ: Մինչ այդ, ապրիլի 4-ին Վիեննայում տեղի կունենա ԵԱՀԿ Մինսկի խմբի համանախագահների հանդիպումը, որին կհաջորդի Մինսկի խմբի ընդլայնված կազմով հանդիպումը:
ԵԱՀԿ մասնակից երկրներից մեկը՝ Թուրքիան, որը հաճախ հիշեցնում է իր` Մինսկի խմբի անդամակցության մասին, հանդես է գալիս տարածաշրջանում մեծ պատերազմ հրահրելու դիրքերից և բացահայտ քաջալերում է ադրբեջանական ղեկավարության արկածախնդիր քաղաքականությունը: Ադրբեջանը պարծենում է իր իբրև թե արձանագրված հաղթանակով, իսկ Թուրքիան՝ շնորհավորում է նրան դրանում:
ՀՀ Նախագահի հատուկ հանձնարարություններով դեսպան Արկադի Ղուկասյանը ուշադիր հետևում է արցախյան ճակատում տեղի ունեցող ռազմական գործողությունների ընթացքին և դրանց շուրջ ծավալվող քաղաքական զարգացումներին: Նա մշտական կապի մեջ է ԼՂՀ նախագահ Բակո Սահակյանի հետ: Այս մասինտեղեկացրին Արկադի Ղուկասյանի գրասենյակից:
«Այսօր այս ամենի նախաձեռնողը Բաքուն է, ուրեմն պետք է բանակցել Բաքվի հետ, այսինքն` առաջին շփումը պետք է Բաքվի հետ լինի, եթե այն լինի հաջողակ, ապա կարելի է Երևանի հետ ևս խոսել»:
Վրաստանի խորհրդարանի խոսնակ Դավիդ Ուսուպաշվիլին անհանգստություն է հայտնել Լեռնային Ղարաբաղում հակամարտության սրման առնչությամբ ու հույս է հայտնել, որ Հայաստանի և Ադրբեջանի նախագահները խելամիտ կգտնվեն, տեղեկացնում է RIA Novosti-ն:
