Միջազգային

Հունաստանի Հռոդոս կղզում լրտեսություն անելու կասկածանքով 2  անձ է ձերբակալվել, այդ թվում՝ թուրքական հյուպատոսարանի աշխատող։ Հունաստանի ոստիկանության տարածած հայտարարության մեջ, սակայն, չի նշվում ձերբակալված անձանց անուններն ու քաղաքացիությունը։ Այս մասին տեղեկացնում է ermenihaber.am-ը։

ԱՄՆ-ի քվեատուների կոլեգիայի քվեարկությունը, որը դեկտեմբերի 14-ին պետք է որոշի երկրի հաջորդ նագահի անունը, կհեռարձավի առցանց:

Հարավային Կորեայի նախագահ Մուն Չժե Ինը հայտարարել է, որ COVID-19 կորոնավիրուսի շուրջ ստեղծված իրադրության կապակցությամբ իշխանությունները պետք է պատրաստ լինեն առավելագույն խիստ սահմանափակիչ միջոցներ գործարկելուն,:

Ռուսական «Պրոգրես» բեռնատար տիեզերանավերը 2021 թվականին Միջազգային տիեզերակայան (ՄՏԿ) կհասնեն երկու օրում, այլ ոչ թե մի քանի ժամում, ինչպես նրանց նախորդները:

Իրանի մեջլիսի պատգամավոր Ահմադի Բիղաշը խորհրդարանական նիստին ունեցած ելույթում անդրադարձել է արցախյան պատերազմին,  Թուրքիայի քաղաքականությանը, ինչպես նաև քննադատել և վիրավորանքներ հնչեցրել Թուրքիայի նախագահ Ռեջեփ Թայիփ Էրդողանի հասցեին։ Այս մասին տեղեկացնում է ermenihaber.am-ը։

Աշխարհաքաղաքական վերջին զարգացումներով պայմանավորված՝ ռուս-թուրքական հարաբերություններում լարվածության աճ է նկատվում, որը Թուրքիայի նախագահ Էրդողանի համար նոր խնդիրներ կարող է առաջ բերել։

«Տագնապ, ապատեղեկատվություն,  չճշտված ինֆորմացիա կամ հակասող ինֆորմացիա հայտնվում է միայն այն դեպքում, երբ առաջին՝ պաշտոնական աղբյուրներից կատարվողի վերաբերյալ բավականաչափ տեղեկացված չէ հանրությունը, չկա հստակ ու ճշգրիտ ինֆորմացիա, երկրորդ՝ երբ իրենք չունեն վստահություն պաշտոնական աղբյուրների հանդեպ: Դրա մեղավորը, իհարկե, պաշտոնական քարոզչությունն է»,- 168TV-ի «Ռեվյու» հաղորդման ընթացքում ասաց Ադրբեջանի հարցերով փորձագետ Անժելա Էլիբեգովան՝ անդրադառնալով Նիկոլ Փաշինյանի՝ մեդիաահաբեկչության վերաբերյալ հայտարարությանը:

«Որպես մասնագետ, ով ամեն օր հետևում է ադրբեջանական մամուլին, հեռուստատեսությանը, տեղի ունեցողին, կարող եմ ասել, որ պետք է հաշվի առնել, թե ինչպիսի վերաբերմունք է ձևավորվել Փաշինյանի հանդեպ՝ ադրբեջանական ռազմական վերնախավից սկսած՝ մինչև ամենահասարակ քաղաքացին: Ինչքանո՞վ է նպատակահարմար, որ հենց ինքը լինի գլխավոր բանակցողը: Որևէ մեկի համար գաղտնիք չէ, թե ինչպիսի անուններով է հիշատակել մեր երկրի ղեկավարին Ադրբեջանի նախագահը և չի ստացել որևէ պատասխան նույն այդ ղեկավարից, որը ցանկանում է շարունակել լինել գլխավոր բանակցողը»,- 168TV-ի «Ռեվյու» հաղորդման ընթացքում ասաց արևելագետ Արտյոմ Տոնոյանը:

168.am-ն ԱՀ էկոնոմիկայի և արտադրական ենթակառուցվածքների նախարարի  պաշտոնակատար Արմեն Թովմասյանից փորձել է պարզել, թե պատերազմի արդյունքում տարածքների  կորստի հետևանքով  տնտեսական ի՞նչ ճյուղեր են  անցել Ադրբեջանի վերահսկողության տակ:

ԱՄՆ-ի նախագահ Դոնալդ Թրամփը, որն ավելի վաղ հիվանդացել է COVID-19-ով, դեկտեմբերի 13-ին հայտարարել է, որ առայժմ չի պլանավորում պատվաստում կատարել կորոնավիրուսի դեմ:

Արցախյան վերջին պատերազմից հետո ԵԱՀԿ Մինսկի խմբի առաջին այցը տարածաշրջան այդ ձևաչափի գոյության ողջ ընթացքում առաջին անգամ վերածվում է ԱՄՆ-ին ու Ֆրանսիային ուղղված խայտառակ ապտակի ու շուրջ 30-ամյա այս ձևաչափի դեմ վտանգավոր դեմարշի:

Վլադիմիր Ժիրինովսկին դեկտեմբերի 14-ին Ռուսաստանի լիբերալ-դեմոկրատական կուսակցության 32-րդ համագումարի ընթացքում վերընտրվել է կուսակցության նախագահ:

«Վրացական երազանք – Ժողովրդվարական Վրաստան» կառավարող կուսակցությունը Վրաստանի գործող վարչապետ Գեորգի Գախարիային առաջադրել է նոր կառավարության ղեկավարի պաշտոնում:

Ռուսաստանը հետևում է Լեռնային Ղարաբաղում տիրող իրավիճակին:

Իրանի ազգային նավթընկերության (NIOC) կողմից վարձով վերցված Ndros նավթալցանավը Վենեսուելայի ափ է ժամանել նավթաբեռնման համար, քանի որ ԱՄՆ-ի պատժամիջոցների ներքո գտնվող երկու երկրների միջեւ կապերն ավելի ու ավելի սերտ են դառնում:

Աղդամի շրջանի Շահբուլաղ գյուղի տարածքում ականի պայթյունի հետևանքով դեկտեմբերի 13-ին ադրբեջանցի մեկ զինծառայող է մահացել, երկու անձ վիրավորում է ստացել:

Տղամարդը, որը ոստիկանության կողմից վիրավորվել է այն բանից հետո, երբ սկսել է կրակել Նյու Յորքի տաճարի մերձակայքում, հիվանդանոցում մահացել է:

Իրանում հրշեջները կարողացրել են հսկողության տակ վերցնել իրադրությունը հրդեհի վայրում, որը տեղի է ունեցել խոշոր նավթամուղում:

Ֆրանսիայի  Սոցիալիստական կուսակցության պատվիրակությունը, գլխավորությամբ կուսակցության ղեկավար Օլիվիե Ֆորի, դեկտեմբերի 7-ին այցելեց Ստեփանակերտ: Պատվիրակության կազմում էին պատգամավոր Իզաբել Սանդիագոն, սենատորներ Ժիլբեր-Լյուք Տվինազը, Մարի-Արլեթ Քարլոթթին և կուսակցության միջազգային հարցերի պատասխանատու Ժան-Մարք Ժերմեն: Պատվիրակությանն ուղեկցում էր ՀՅԴ Ֆրանսիայի Հայ Դատի պատասխանատուն:

Չինաստանում հինգ մարդ է անհայտ կորել Յանցզիի գետաբերանում երկու բեռնարկղանավերի բախման պետեւանքով:

Սաուդյան Արաբիայիում նավի վրա պայթյուն է տեղի ունեցել Ջիդդա քաղաքի նավահանգստից ոչ հեռու:

Ադրբեջանի Հանրապետության նախագահի, Հայաստանի Հանրապետության վարչապետի և Ռուսաստանի Դաշնության նախագահի կողմից Ղարաբաղյան հակամարտության գոտում հրադադարի և բոլոր մարտական գործողությունները դադարեցնելու մասին Հայտարարության (այսուհետ՝ Հայտարարություն) ստորագրումից հետո անցել է մեկ ամսից մի փոքր ավելի։ Հարգելի ընթերցող, ՀՀ վարչապետ Նիկոլ Փաշինյանի հանցավոր անձեռնհասության, ավելի ճիշտ՝ հայկական երկու պետությունների՝ Հայաստանի Հանրապետության և Արցախի Հանրապետության (Լեռնային Ղարաբաղի Հանրապետություն – խմբ.) ազգային շահերին նրա դավաճանության մասին հերթական անգամ գրելու անհրաժեշտություն, կարծում եմ, չկա։

2020 թվականին ապրանքների առեւտրի ծավալը համավարակի հետեւանքով կարող է նվազել 5,6 տոկոսով, իսկ ծառայությունների առեւտրի ծավալը՝ 15,4 տոկոսով:

Արգենտինայի Կոնգրեսի (խորհրդարանի) ստորին պալատը հավանություն է տվել աբորտների օրինականացման օրինագծին, որն անցյալ ամսին ներկայացրել է երկրի կառավարությունը: Այդ մասին հայտնել է Telam գործակալությունը:

Թուրքիայում կորոնավիրուսով վարակման հայտնաբերված դեպքերի թիվը մեկ օրում կազմել է 32 137, մահացել է 203 մարդ:

Fitch Ratings միջազգային վարկանիշային գործակալությունը հրապարակել է Թուրքիայի բանկերի վերաբերյալ իրականացրած 3-րդ եռամսյակի տվյալների մոնիտորինգի տեղեկագիրը:

Intelligence online հարթակը ծավալուն հոդված է հրապարակել Արցախյան երկրորդ պատերազմի մասին՝ նշելով, որ Ադրբեջանը հետախուզական պատերազմում հաղթել է իսրայելական գործարքների շնորհիվ:

Դեկտեմբերի 10-ին Բաքվում տեղի ունեցած շքերթի ժամանակ աշխարհի քարտեզի վրա 1918թ. հայտնված Ադրբեջանի նախագահ Իլհամ Ալիևը հայտարարել է, թե իբր Զանգեզուրն ու Երևանն ադրբեջանական պատմական տարածքներ են։ Տասնամյակներ շարունակ Արցախի Հանրապետության տարածքների նկատմամբ ունեցած նկրտումներից հետո, այժմ Ադրբեջանի պետական քաղաքականության ռազմատենչ կուրսը փոխվել է դեպի միջազգայնորեն ճանաչված Հայաստանի Հանրապետության պետական սահմանները:

Ադրբեջանի պաշտպանության նախարարությունը և պետական անվտանգության ծառայությունը հաստատում են, որ դեկտեմբերի 11-ին Արցախում տեղի ունեցած ռազմական գործողությունների արդյունքում զոհվել է ադրբեջանցի 4 զինծառայող, վիրավորվել 2-ը։

Եվրամիության գագաթնաժողովը հաստատել է մինչեւ 2030 թվականն ածխաջրանային արտանետումնեը 1990 թվականի համեմատությամբ 55 տոկոսով կրճատելու խնդիրը: